NIMS Recruitment: హైదరాబాద్‌ నిమ్స్‌లో ఉద్యోగాలు.. దరఖాస్తు చేసుకోవడానికి అర్హులెవరంటే..

NIMS Recruitment: హైదరాబాద్‌లోని నిజాం ఇన్‌స్టిట్యూట్‌ ఆఫ్‌ మెడికల్‌ సైన్సెస్‌ (NIMS) పలు ఖాళీల భర్తీకి నోటిఫికేషన్‌ జారీ చేసింది. పంజాగుట్టలోని ఈ వైద్య సంస్థలో ఉన్న మెడికల్‌ జెనెటిక్స్‌ ల్యాబ్‌లో కొన్ని పోస్టులను కాంట్రాక్ట్‌ విధానంలో తీసుకోనున్నారు. ఏయే విభాగాల్లో ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా టెక్నికల్ అసిస్టెంట్ (సైటోజెనెటిక్స్), సాంకేతిక నిపుణుడు (సైటోజెనెటిక్స్) పోస్టులను భర్తీ చేయనున్నారు.

* పైన తెలిపిన ఖాళీలకు దరఖాస్తు చేసుకునే వారు ఎంఎస్సీ (జెనెటిక్స్, బయోటెక్నాలజీ, మాలిక్యులర్ బయాలజీ), బీఎస్సీ(లైఫ్ సైన్సెస్), ఎంఎల్‌టీ ఉత్తీర్ణత సాధించి ఉండాలి. అలాగే సంబంధిత పనిలో అనుభవం తప్పనిసరి.

* అభ్యర్థుల వయసు టెక్నికల్ అసిస్టెంట్‌కు 30 ఏళ్లు, టెక్నీషియన్‌కు 28 ఏళ్లు మించకూడదు.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆఫ్‌లైన్‌ విధానంలో దరఖాస్తు చేసుకోవాలి.

* సంబంధిత సర్టిఫికేట్‌లతో దరఖాస్తులను ద డీన్‌, నిమ్స్‌, పంజాగుట్ట, హైదరాబాద్‌ అడ్రస్‌కు పంపించాల్సి ఉంటుంది.

* దరఖాస్తుల స్వీకరణకు 26-08-2022ని చివరి తేదీగా నిర్ణయించారు.

* అభ్యర్థులను ఇంటర్వ్యూ ఆధారంగా ఎంపిక చేస్తారు.

* ఇంటర్వ్యూలు ఎప్పుడు నిర్వహిస్తారన్న విషయాన్ని ఫోన్‌ కాల్‌ ద్వారా అభ్యర్థులు సమాచారం అందిస్తారు.

* టీఏ పోస్టులకు ఎంపికైన వారికి నెలకు రూ. 35,000, టెక్నీషియన్‌ పోస్టుకు ఎంపికైన వారికి రూ. 25,000 అందిస్తారు.

* నోటిఫికేషన్‌ కోసం క్లిక్‌ చేయండి..

* మరిన్ని విద్య, ఉద్యోగ వార్తల కోసం క్లిక్‌ చేయండి..