NCL: పదో తరగతి పాస్‌ అయ్యారా? ఐతే బొగ్గు గనుల మంత్రిత్వ శాఖలో ఈ పోస్టులకు వెంటనే దరఖాస్తు చేసుకోండి..
మధ్యప్రదేశ్‌లోని నార్తర్న్‌ కోల్‌ఫిల్డ్స్‌ లిమిటెడ్‌.. 405 టెక్నికల్‌ అండ్‌ సర్వేయర్‌ గ్రేడ్‌-సి విభాగంలో మైనింగ్‌ సిర్దార్ (374), టెక్నికల్‌ అండ్‌ సర్వేయర్‌ గ్రేడ్‌-బి విభాగంలో సర్వేయర్‌ (31) పోస్టుల భర్తీకి అర్హులైన అభ్యర్ధుల నుంచి దరఖాస్తులు..
Updated on: Dec 11, 2022 | 3:59 PM
మధ్యప్రదేశ్‌లోని నార్తర్న్‌ కోల్‌ఫిల్డ్స్‌ లిమిటెడ్‌.. 405 టెక్నికల్‌ అండ్‌ సర్వేయర్‌ గ్రేడ్‌-సి విభాగంలో మైనింగ్‌ సిర్దార్ (374), టెక్నికల్‌ అండ్‌ సర్వేయర్‌ గ్రేడ్‌-బి విభాగంలో సర్వేయర్‌ (31) పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు పదో తరగతి, డిగ్రీ, మైనింగ్‌/మైనింగ్‌ సర్వేయింగ్‌ ఇంజనీరింగ్‌/సర్వేయర్స్ సర్టిఫికెట్‌ ఆఫ్‌ కాంపిటెన్సీ (ఎస్‌సీసీ) విభాగంలో సర్టిఫికెట్‌ లేదా తత్సమాన కోర్సులో ఉత్తీర్ణత ఉండాలి. అలాగే అభ్యర్ధుల వయసు డిసెంబర్‌ 22, 2022వ తేదీ నాటికి తప్పనిసరిగా 18 నుంచి 30 యేళ్ల మధ్య ఉండాలి. రిజర్వేషన్‌ వర్గాలకు వయోపరిమితిలో సడలింపు ఉంటుంది.
ఈ అర్హతలున్నవారు ఆన్‌లైన్ విధానంలో డిసెంబర్‌ 22, 2022వ తేదీలోపు దరఖాస్తు చేసుకోవచ్చు. ఓబీసీ/ఈడబ్ల్యూఎస్‌ కేటగిరి అభ్యర్ధులు రూ.1000లు, ఎస్సీ/ఎస్టీ/పీడబ్ల్యూబీడీ/ఈఎస్‌ఎమ్‌ అభ్యర్ధులు రూ.354లు అప్లికేషన్‌ ఫీజు చెల్లించవల్సి ఉంటుంది. కంప్యూటర్ ఆధారిత రాత పరీక్ష ఆధారంగా అభ్యర్ధులను ఎంపిక చేస్తారు. అర్హత సాధించిన వారికి నోటిఫికేషన్‌లో సూచించిన విధంగా జీతభత్యాలు చెల్లిస్తారు. ఇతర పూర్తి సమాచారం కోసం అధికారిక నోటిఫికేషన్ చెక్‌ చేసుకోవచ్చు.
పూర్తి సమాచారం కోసం క్లిక్ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
