MRPL Recruitment: గేట్ పరీక్షలో అర్హత సాధించారా.? నెలకు రూ. లక్షన్నర జీతం పొందే అవకాశం..
గేట్ పరీక్షలో అర్హత సాధించిన విద్యార్థులకు సదవకాశం. మంగళూరు రిఫైనరీ అండ్ పెట్రోకెమికల్స్ లిమిటెడ్లో (ఎంఆర్పీఎల్) పలు ఉద్యోగాలకు నోటిఫికేషన్ జారీ చేశారు. కర్ణాటక రాష్ట్రం మంగళూరులోని ఓఎన్జీసీ అనుబంధ సంస్థ అయిన ఎంఆర్పీఎల్లో...
Updated on: Dec 18, 2022 | 6:10 AM
గేట్ పరీక్షలో అర్హత సాధించిన విద్యార్థులకు సదవకాశం. మంగళూరు రిఫైనరీ అండ్ పెట్రోకెమికల్స్ లిమిటెడ్లో (ఎంఆర్పీఎల్) పలు ఉద్యోగాలకు నోటిఫికేషన్ జారీ చేశారు. కర్ణాటక రాష్ట్రం మంగళూరులోని ఓఎన్జీసీ అనుబంధ సంస్థ అయిన ఎంఆర్పీఎల్లో ఈ2 గ్రేడులో అసిస్టెంట్ ఇంజినీర్, అసిస్టెంట్ ఎగ్జిక్యూటివ్ పోస్టులను భర్తీ చేయనున్నారు. ఏయే విభాగాల్లో ఖాళీలు ఉన్నాయి.? ఎలా ఎంపిక చేస్తారన్న పూర్తి వివరాలు మీకోసం..
భర్తీ చేయనున్న ఖాళీలు, అర్హతలు..
* నోటిఫికేషన్లో భాగంగా మొత్తం 78 అసిస్టెంట్ ఇంజినీర్, అసిస్టెంట్ ఎగ్జిక్యూటివ్ పోస్టులను భర్తీ చేయనున్నారు.
* కెమికల్, మెకానికల్, సివిల్, ఎలక్ట్రికల్, ఇన్స్ట్రుమెంటేషన్, కంప్యూటర్ సైన్స్, కెమిస్ట్రీ విభాగాల్లో ఈ ఖాళీలు ఉన్నాయి.
* పైన తెలిపిన పోస్టులకు దరఖాస్తు చేసుకునే అభ్యర్థులు సంబంధిత ఇంజినీరింగ్ విభాగంలో బీఈ/ బీటెక్/ బీఎస్సీ ఉత్తీర్ణతతో పాటు గేట్ 2022 స్కోరు తప్పనిసరిగా ఉండాలి.
* అభ్యర్థుల వయసు 27 ఏళ్లు మించకూడదు.
ముఖ్యమైన విషయాలు..
* ఆసక్తి, అర్హత ఉన్న అభ్యర్థులు ఆన్లైన్ విధానంలో దరఖాస్తు చేసుకోవాల్సి ఉంటుంది.
* అభ్యర్థులను గేట్ – 2022 మార్కులు, గ్రూప్ డిస్కషన్, పర్సనల్ ఇంటర్వ్యూ ఆధారంగా ఎంపిక చేస్తారు.
* ఎంపికైన వారికి నెలకు రూ. 50,000 నుంచి రూ. 1,60,000 వరకు చెల్లిస్తారు.
* ఆన్లైన్ దరఖాస్తుల స్వీకరణ ప్రక్రియ 17-12-2022న మొదలవుతుంగడా 15-01-2023ని చివరి తేదీగా నిర్ణయించారు.
* నోటిఫికేషన్ కోసం క్లిక్ చేయండి..
* పూర్తి వివరాల కోసం క్లిక్ చేయండి..
మరిన్ని విద్య, ఉద్యోగ వార్తల కోసం క్లిక్ చేయండి..
