MIdhani Recruitment: హైదరాబాద్‌ మిధానిలో ఉద్యోగాలు.. పదో తరగతి చదివిన వారు కూడా అర్హులు..
మిశ్రధాతు నిగమ్‌ లిమిటెడ్‌(మిధాని) పలు పోస్టుల భర్తీకి నోటిఫికేషన్‌ జారీ చేసింది. హైదరాబాద్‌లోని ఈ భారత ప్రభుత్వ రంగ సంస్థలో పలు విభాగాల్లో ఉన్న ఖాళీలను భర్తీ చేయనున్నారు. ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.?
Updated on: Nov 23, 2022 | 8:22 PM
మిశ్రధాతు నిగమ్‌ లిమిటెడ్‌(మిధాని) పలు పోస్టుల భర్తీకి నోటిఫికేషన్‌ జారీ చేసింది. హైదరాబాద్‌లోని ఈ భారత ప్రభుత్వ రంగ సంస్థలో పలు విభాగాల్లో ఉన్న ఖాళీలను భర్తీ చేయనున్నారు. ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..
భర్తీ చేయనున్న ఖాళీలు, అర్హతలు..
* నోటిఫికేషన్‌లో భాగంగా మొత్తం 15 ఖాళీలను భర్తీ చేయనున్నారు.
* వీటిలో జూనియర్‌ స్టాఫ్‌ నర్స్‌, ఫైర్‌మ్యాన్‌, రిఫ్రాక్టరీ మాసన్‌, ఎన్‌డీటీ ఆపరేటర్‌, టర్నర్‌, ఫిట్టర్‌, ల్యాబ్‌ టెక్నీషియన్‌ పోస్టులు ఉన్నాయి.
* పైన తెలిపిన పోస్టులకు దరఖాస్తు చేసుకునే అభ్యర్థులు పోస్టుల ఆధారంగా 10వ తరగతి/ ఐటీఐ/ ఇంటర్మీడియట్‌/ బీఎస్సీ/ జీఎన్‌ఎం ఉత్తీర్ణత పొంది ఉండాలి. వీటితో పాటు సంబంధిత విభాగంలో కనీసం 2 నుంచి 7 ఏళ్ల పని అనుభవం ఉండాలి.
* అభ్యర్థుల వయసు 30 నుంచి 35 ఏళ్ల మధ్య ఉండాలి.
ముఖ్యమైన విషయాలు..
* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.
* అభ్యర్థులను రాతపరీక్ష, క్వాలిఫికేషన్‌, పని అనుభవం ఆధారంగా ఎంపిక చేస్తారు.
* ఎంపికైన అభ్యర్థులకు నెలకు రూ. 19,130 నుంచి రూ.22,950 వరకు చెల్లిస్తారు.
* ఆన్‌లైన్‌ దరఖాస్తుల స్వీకరణకు 07-12-2022ని చివరి తేదీగా నిర్ణయించారు.
* నోటిఫికేషన్‌ కోసం క్లిక్‌ చేయండి..
* పూర్తి వివరాల కోసం క్లిక్‌ చేయండి..
మరిన్ని విద్య, ఉద్యోగ వార్తల కోసం క్లిక్‌ చేయండి..
