Teaching Jobs: హైదరాబాద్‌ అటామిక్‌ ఎనర్జీ స్కూల్‌ టీచర్‌ పోస్టులకు దరఖాస్తు చేసుకున్నారా.? నేడే చివరి తేదీ..

Teaching Jobs: హైదరాబాద్‌లోని అటామిక్‌ ఎనర్జీ సెంట్రల్ స్కూల్‌లో (AICS) పలు ఉద్యోగాల భర్తీకి నోటిఫికేషన్‌ జారీ చేశారు. భారత ప్రభుత్వ రంగ సంస్థ అయిన ఈ స్కూల్‌లో టీచర్‌ పోస్టులను భర్తీ చేయనున్నారు. దరఖాస్తుల స్వీకరణకు నేటితో గడువు ముగియనున్న నేపథ్యంలో, ఏయే విభాగాల్లో ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా టీజీటీ, పీఆర్‌టీ పోస్టులను భర్తీ చేయనున్నారు.

* బయోలజీ, కెమిస్ట్రీ, సోషల్‌ సైన్స్‌, మ్యాథ్స్‌, ఇంగ్లిష్‌/ హిందీ/ ఫిజిక్స్‌లో ఖాళీలను భర్తీ చేయనున్నారు.

* టీజీటీ పోస్టులకు దరఖాస్తు చేసుకునే వారు సంబంధిత స్పెషలైజేషన్‌లో గ్రాడ్యుయేషన్‌, బీఈడీ/ డిప్లొమా ఉత్తీర్ణత సాధించి ఉండాలి. అభ్యర్థుల వయసు 45 ఏళ్లు మించకూడదు.

* పీఆర్‌టీ పోస్టులకు దరఖాస్తు చేసుకునే వారు సీనియర్‌ సెకండరీ/ హయ్యర్‌ సెకండరీ స్కూల్ సర్టిఫికేట్‌ టెస్ట్‌/ ఇంటర్‌/ డీఈఐఈడీ/ బీఈఐఈడీ/ డీఈడీ/ బీఈడీలో ఉత్తీర్ణత పొంది ఉండాలి.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆఫ్‌లైన్‌ విధానంలో దరఖాస్తు చేసుకోవాల్సి ఉంటుంది.

* దరఖాస్తులను సెక్యూరిటీ ఆఫీస్‌, డీఏఈ కాలనీ, డీ సెక్టార్‌ గేట్‌, కమలానగర్‌, ఈసీఐఎల్‌, హైదరాబాద్‌ 50062 అడ్రస్‌కు పంపించాలి.

* టీజీటీ పోస్టులకు ఎంపికైన వారికి నెలకు రూ. 26, 250, పీఆర్‌టీ పోస్టులకు ఎంపికైన వారికి నెలకు రూ. 21,250 చెల్లిస్తారు.

* అభ్యర్థులను రాతపరీక్ష, స్కిల్‌ టెస్ట్‌ ఆధారంగా ఎంపిక చేస్తారు.

* దరఖాస్తుల స్వీకరణ నేటితో (26-03-2022) ముగియనుంది.

* పూర్తి వివరాల కోసం ఇక్కడ క్లిక్‌ చేయండి..

Also Read: House Rent allowance: వర్కింగ్ హాస్టల్స్ లో ఉండే ఉద్యోగులకు HRA ప్రూఫ్ ఎలా?

Govt Hospital Jobs: విజయవాడ ప్రభుత్వ ఆసుపత్రిలో ఉద్యోగాలు.. నెలకు రూ. 60 వేలకు పైగా జీతం..

Sarkaru Vaari Paata: పాటలతోనే రికార్డుల వేట మొదలుపెట్టిన `సర్కారు వారి పాట`..