JNU Admission 2021: జేఎన్‌యూ ఎంట్రెన్స్ టెస్ట్ అడ్మిట్ కార్డు విడుదల.. ఎలా డౌన్‌లోడ్ చేసుకోవాలంటే..
JNU Admission 2021: జవహర్‌లాల్ నెహ్రూ విశ్వవిద్యాలయంలోని వివిధ కోర్సులలో ప్రవేశానికి నిర్వహించే ప్రవేశ పరీక్ష అడ్మిట్ కార్డు విడుదల చేయడం జరిగింది.
Updated on: Sep 13, 2021 | 2:13 PM
JNU Admission 2021: జవహర్‌లాల్ నెహ్రూ విశ్వవిద్యాలయంలోని వివిధ కోర్సులలో ప్రవేశానికి నిర్వహించే ప్రవేశ పరీక్ష అడ్మిట్ కార్డు విడుదల చేయడం జరిగింది. అడ్మిట్ కార్డ్, పరీక్ష సంబంధించిన పూర్తి వివరాలను నేషనల్ టెస్టింగ్ ఏజెన్సీ అధికారిక వెబ్‌సైట్‌లో అందుబాటులో ఉంచారు. జేఎన్‌యూలో ప్రవేశానికి దరఖాస్తు చేసుకున్న అభ్యర్థులు అధికారిక వెబ్‌సైట్ jnuexams.nta.ac.in ని సందర్శించడం ద్వారా అడ్మిట్ కార్డును డౌన్‌లోడ్ చేసుకోవచ్చు.
జవహర్‌లాల్ నెహ్రూ యూనివర్సిటీ ఎంట్రన్స్ ఎగ్జామినేషన్ అడ్మిట్ కార్డును డౌన్‌లోడ్ చేసుకోవడానికి అభ్యర్థులు అప్లికేషన్ నంబర్, పాస్‌వర్డ్, పుట్టిన తేదీ సాయంతో లాగిన్ అవ్వాల్సి ఉంటుంది. కాగా, జేఎన్‌యూ ప్రవేశ పరీక్ష సెప్టెంబర్ 21, 22, 23 తేదీల్లో జరుగనుంది.
అడ్మిట్ కార్డును డౌన్‌లోడ్ చేయడం ఎలా..? 1. అడ్మిట్ కార్డు కోసం ముందుగా అధికారిక వెబ్‌సైట్ jnuexams.nta.ac.in కి వెళ్లండి. 2. వెబ్‌సైట్‌లో ఇచ్చిన ‘అడ్మిట్ కార్డ్’ ఆప్షన్‌పై క్లిక్ చేయండి. 3. ఆ తరువాత పేజీలో మీ దరఖాస్తు రిజిస్ట్రేషన్ సంఖ్య, పుట్టిన తేదీని సమర్పించడం ద్వారా లాగిన్ అవ్వండి. 4. లాగిన్ అయిన తరువాత అడ్మిట్ కార్డ్ డిస్‌ప్లే అవుతుంది. 5. డిస్‌ప్లే అయిన అడ్మిట్ కార్డ్ వివరాలను సరి చూసుకుని ఆ తరువాత డౌన్‌లోడ్ చేసుకోండి. 6. పరీక్ష హాల్‌కు తీసుకెళ్లడానికై ఆ హాల్‌టికెట్‌ని ప్రింట్ అవుట్ తీసుకోండి.
ఈ విషయాలను గుర్తుంచుకోండి.. ఎంట్రన్స్ టెస్ట్‌కు హాజరయ్యే విద్యార్థులు.. అడ్మిట్ కార్డ్‌ను తమ వెంట తీసుకెళ్లాలి. అందులో ఏవైనా మార్పులు ఉంటే హాల్‌లోకి ఎంట్రీ ఇవ్వరు. అందుకే హాల్‌టికెట్‌లో ఏవైనా పొరపాట్లు ఉంటే అభ్యర్థులు వెంటనే ఎన్‌టీఏ హెల్ప్ డెస్క్‌ నెంబర్ 011-40759000 ని సంప్రదించవచ్చు లేదా.. jnu@nta.ac.in ఫిర్యాదు చేయొచ్చు.
ప్రవేశ పరీక్ష ఎప్పుడంటే.. జవహర్‌లాల్ నెహ్రూ విశ్వవిద్యాలయ ప్రవేశ పరీక్ష సెప్టెంబర్ 21, 22, 23 తేదీల్లో జరుగనుంది. ఈ పరీక్ష రెండు షెడ్యూళ్లలో నిర్వహించనున్నారు. మొదటి విడతలో భాగంగా ఉదయం 9.30 నుండి మధ్యాహ్నం 12.30 వరకు, రెండవ విడతలో భాగంగా మధ్యాహ్నం 2.30 నుండి 5.30 వరకు పరీక్ష నిర్వహిస్తారు. క్వశ్చన్ పేపర్ మొత్తం ఆబ్జెక్టీవ్ టైప్ లో ఉంటుంది. ఎల్ఏఎన్, సీబీటీ విధానంలో జరిగే ఈ పరీక్ష ఒక్క ఆంగ్లంలోనే నిర్వహిస్తారు.
Also read:
TTD: అందుబాటులోకి టీటీడీ అగరబత్తులు.. వేటితో తయారు చేస్తారో తెలుసా..?
