విప్రోకు కొత్త సీఈవో ఇతనే…

టెక్ దిగ్గజం విప్రోకు కొత్త సీఈవో, ఎండీగా థియర్రీ డెలాపోర్ట్‌ రాబోతున్నారు. థియర్రీ క్యాప్‌జెమినీలో చీఫ్‌ ఆపరేషనల్‌ ఆఫీసర్‌గా పనిచేశారు. ఆయన ఆ కంపెనీలో దాదాపు 25ఏళ్ల పాటు వివిధ హోదాల్లో బాధ్యతలను నిర్వహించారు. ప్రస్తుత సీఈవో, ఎండీగా ఉన్న అబిదాలీ నీముచ్‌వాలా జూన్‌ 1న పదవి నుంచి తప్పుకోనున్నారు. ఆ తర్వాత విప్రో ఛైర్మన్‌ రషీద్‌ ప్రేమ్‌జీ జులై 5 వరకు కంపెనీ రోజువారీ కార్యకలాపాలను చూడనున్నారు. జులై 6న డెలాపోర్ట్‌ విధుల్లో చేరనున్నారు. నాయకత్వ లక్షణాలు, అంతర్జాతీయ అనుభవం, వినియోగదారులతో సత్సంబంధాల విషయంలో నేర్పు వంటి విషయాల్లో థియర్రీ దిట్టా అంటూ రషీద్‌ ప్రేమ్‌జీమా తెలిపారు. కంపెనీని, వ్యాపారాన్ని మరో మెట్టు పైకి ఎక్కించడానికి థియర్రీ సరైన వ్యక్తి అంటూ విప్రో ఛైర్మన్‌ రషీద్‌ ప్రేమ్‌జీ ఓ ప్రకటనలో తెలిపారు.