Mobile Calling: 1600, 140 సిరీస్ నంబర్ల నుంచి మీకు కాల్స్ వస్తున్నాయా? ఎవరు చేస్తారో తెలుసా..?
Mobile Calling: ఈ రోజుల్లో చాలా మంది మొబైల్ ఫోన్ వినియోగదారులకు 1600, 140 సిరీస్ నంబర్ల నుండి తరచుగా కాల్స్ వస్తున్నాయి. ఈ కాల్స్ ముఖ్యంగా రోజులో ఏ సమయంలోనైనా వస్తున్నాయి. కానీ మీకు ఎవరు కాల్ చేస్తున్నారు? ఈ కాల్స్ చేయడానికి కారణం ఏమిటి..?
Updated on: Jul 15, 2026 | 8:45 PM
Mobile Calling: మొబైల్ వినియోగదారుడిగా మీకు రోజంతా తెలిసిన, తెలియని నంబర్ల నుండి కాల్స్ వస్తూనే ఉంటాయి. వాటిలో కొన్ని లోన్ ఆఫర్ల నుండి ఇన్సూరెన్స్ లేదా క్రెడిట్ కార్డ్ల వరకు ఏవైనా అందిస్తుంటాయి. ఇది ఒక రకమైన మార్కెటింగ్. ఇటీవల ప్రజలకు రెండు నిర్దిష్ట సిరీస్ల నుండి గణనీయమైన సంఖ్యలో కాల్స్ వస్తున్నాయి. అవి 1600 సిరీస్, 140 సిరీస్. దీంతో ఇవి నకిలీ కాల్స్ అవునా కాదా అనే గందరగోళం నెలకొంది. దీని ఫలితంగా ట్రాయ్ ఈ నంబర్ సిరీస్లకు సంబంధించి కొన్ని విషయాలను స్పష్టం చేసింది.
ట్రాయ్ ఏమి చెప్పింది?
ఈ రోజుల్లో చాలా మంది మొబైల్ ఫోన్ వినియోగదారులకు 1600, 140 సిరీస్ నంబర్ల నుండి తరచుగా కాల్స్ వస్తున్నాయి. ఈ కాల్స్ ముఖ్యంగా రోజులో ఏ సమయంలోనైనా వస్తున్నాయి. కానీ మీకు ఎవరు కాల్ చేస్తున్నారు? ఈ కాల్స్ చేయడానికి కారణం ఏమిటి? ఈ నంబర్ సిరీస్ నుండి మీకు ఎందుకు కాల్స్ వస్తున్నాయి? ఇది ఒక సాధారణ ప్రశ్నలా అనిపించవచ్చు. కానీ మీరు దాని వివరాలను తెలుసుకోవడం చాలా ముఖ్యం.
ఈ వర్గాల నుండి వచ్చే కాల్స్కు సంబంధించిన వివరాలను ట్రాయ్ స్పష్టం చేసింది. ఈ నంబర్లను విమర్శిస్తున్న నివేదికలను ట్రాయ్ తోసిపుచ్చింది. అటువంటి నివేదికలు అపార్థాల వల్ల తలెత్తి గందరగోళాన్ని సృష్టిస్తాయని పేర్కొంది. 1600, 140 సిరీస్ నంబర్ల నుండి వచ్చే కాల్స్ ప్రామాణికత, విశ్వసనీయతను నిర్ధారించడానికి రూపొందించాయని ట్రాయ్ తెలిపింది. వినియోగదారులకు, సాధారణ ప్రజలకు చేసే ముఖ్యమైన కాల్స్ ప్రామాణికతను నిర్ధారించడమే 1600 సిరీస్ ఉద్దేశ్యమని ట్రాయ్ వివరించింది. ‘టెలికాం కమర్షియల్ కమ్యూనికేషన్స్ కస్టమర్ ప్రిఫరెన్స్ రూల్స్’ ప్రకారం, 1600 సిరీస్ నుండి వచ్చే కాల్స్ను ట్యాగ్ చేయడానికి, బ్లాక్ చేయడానికి లేదా ఫిల్టర్ చేయడానికి అనుమతి లేదు.
1600 సిరీస్ నంబర్లను ఎవరు ఉపయోగిస్తారు?
TRAI ప్రకారం.. 1600 సిరీస్ నంబర్లను RBI, SEBI, IRDAI, PFRDA వంటి సంస్థలచే నియంత్రించబడే సంస్థలు మాత్రమే ఉపయోగిస్తాయి. ఇందులో బ్యాంకులు కూడా ఉన్నాయి. తమ వినియోగదారులతో సంభాషించడానికి కాల్స్ చేస్తుంటాయి. అదనంగా వివిధ ప్రభుత్వ సంస్థలు ప్రజలకు ముఖ్యమైన సమాచారాన్ని తెలియజేయడానికి 1600 సిరీస్ నంబర్లను ఉపయోగిస్తాయి.
140 సిరీస్ నంబర్లను ఎవరు ఉపయోగిస్తారు?
- అన్ని రంగాలలోని కంపెనీలు, సంస్థలు తమ ప్రచార కాల్ల కోసం 140 సిరీస్ నంబర్లను ఉపయోగించడాన్ని TRAI తప్పనిసరి చేసింది.
- వినియోగదారులకు చేసే ప్రచార కాల్స్ కేవలం 140 సిరీస్ నంబర్ల నుండి మాత్రమే చేయాలి. అన్ని కంపెనీలు ఈ నియమాన్ని తప్పనిసరిగా పాటించాలి.
- 140 నంబర్ సిరీస్ నుండి వచ్చే కాల్స్ను ట్యాగ్ చేయవచ్చు. బ్లాక్ చేయవచ్చు లేదా ఫిల్టర్ చేయవచ్చు.
ఇది కూడా చదవండి: Cleaning Tips: మీ ఇంటి స్విచ్బోర్డులు పసుపు రంగులోకి మారాయా? ఇలా చేస్తే కొత్త వాటిలా మెరుసిపోతాయ్
మరిన్ని బిజినెస్ వార్తల కోసం ఇక్కడ క్లిక్ చేయండి
