FD Rates Hike: డిపాజిటర్లకు ఆ బ్యాంక్ బంపర్ ఆఫర్.. ఫిక్స్‌డ్ డిపాజిట్లపై 9.5 శాతం వడ్డీ పెంపు

జీవితాంతం కష్టపడి సంపాదించుకున్న సొమ్మును ఎలాంటి రిస్క్ లేకుండా చాలా మంది ఫిక్స్‌డ్ డిపాజిట్ చేస్తుంటారు. పెట్టుబడికి భరోసాతో పాటు కచ్చితమైన రాబడి ఉండడంతో అందరూ ఎఫ్‌డీల్లో పెట్టుబడి పెట్టడానికి ఆసక్తి చూపిస్తుంటారు. ముఖ్యంగా వృద్ధులు లేదా రిటైరైన వారు తాము సంపాదించిన సొమ్ముపై వచ్చే వడ్డీతో జీవితాన్ని గడపాలని కోరుకుంటూ ఉంటారు. ఎందుకంటే అసలు వారసులకు ఇవ్వడంతో పాటు కష్ట సమయంలో ఆదుకుంటుందనే నమ్మకం. బ్యాంకులు ఎఫ్‌డీలపై ఆకర్షణీయమైన వడ్డీ రేట్లను ప్రకటిస్తూ ఉంటాయి. పెరుగుతున్న ద్రవ్యోల్భణాన్ని కట్టడి చేసేందుకు రెపో రేట్‌ను గణనీయంగా పెంచుతుంది. ఈ రెపొ రేట్ పెంపు వల్ల బ్యాంకులు కూడా కస్టమర్లకు ఎఫ్‌డీలపై వడ్డీ రేట్‌ను పెంచుతున్నాయి. నేషనలైజ్డ్‌ బ్యాంకులతో పోలిస్తే స్మాల్ ఫైనాన్స్ బ్యాంకులు కస్టమర్లకు ఎక్కువ వడ్డీనిస్తాయి. తాజాగా యూనిటీ స్మాల్ ఫైనాన్స్ బ్యాంకు వినియోగదారులకు ఎఫ్‌డీలపై గణనీయంగా వడ్డీ రేట్‌ను పెంచింది. 

రెండు కోట్ల లోపు డిపాజిట్ల వరకూ 

యూనిటీ స్మాల్ ఫైనాన్స్ బ్యాంక్ తమ బ్యాంకులో రెండు కోట్ల లోపు డిపాజిట్ చేసిన ఖాతాదారులకు 9.00 శాతం వడ్డీ ఇస్తామని పేర్కొంది.  అయితే సీనియర్ సిటిజన్లకు మాత్రం 9.5 శాతం వడ్డీని ఆఫర్ చేస్తుంది. అయితే ఈ స్థాయి వడ్డీని పొందాలంటే కచ్చితంగా 1001 రోజులపాటు సొమ్మును డిపాజిట్ చేయాలని షరత్తు మాత్రం పెట్టింది. అయితే 180-201, 501 రోజుల డిపాజిట్‌కు అయితే సీనియర్ సిటిజన్లకు 9.25 శాతం, సాధారణ డిపాజిటర్లకు 8.75 శాతం వడ్డీని అందిస్తామని పేర్కొంది. అలాగే యూనిటీ స్మాల్ ఫైనాన్స్ బ్యాంకులో వివిధ కాలపరిమితి బట్టి వడ్డీ రేట్లు ఇలా ఉన్నాయి. 90-180 రోజుల్లో మెచ్యూర్ అయ్యే డిపాజిట్లకు 5.75 శాతం, 202-364 రోజుల్లో మెచ్యూరయ్యే  డిపాజిట్లకు 6.75 శాతం వడ్డీని బ్యాంకు ఆఫర్ చేస్తుంది. 365-501 రోజులకు 7.35 శాతం, 18 నెలల నుంచి 1000 రోజులకు 7.40 శాతం వడ్డీ వస్తుంది. అయితే 1002 రోజుల నుంచి 5 ఏళ్లల్లో మెచ్యూరయ్యే డిపాజిట్లకు మాత్రం 7 శాతం వడ్డీ రానుంది. 

ఇవి కూడా చదవండి

FD Interest Rates: పెరిగిన ఫిక్క్స్ డ్ డిపాజిట్ వడ్డీ రేట్లు.. సీనియర్ సిటిజన్లకు పండుగే..

FD Rates Hike: ఖాతాదారులకు ఆ బ్యాంకు శుభవార్త..సీనియర్ సిటిజన్లకు వడ్డీ రేటు భారీగా పెంపు

మరిన్ని బిజినెస్ వార్తల కోసం ఇక్కడ క్లిక్ చేయండి