TVS Bikes: రాయల్ ఎన్ఫీల్డ్తో పోటీ పడనున్న టీవీఎస్.. మార్కెట్లోకి కొత్త బైక్స్!
TVS Bikes: రాయల్ ఎన్ఫీల్డ్, ట్రయంఫ్, హార్లే-డేవిడ్సన్, హోండా వంటి కంపెనీలతో పోటీ పడే 300-400 సిసి బైక్లపై నార్టన్ పనిచేస్తోంది. నార్టన్ రాకకు ఇంకా ఎటువంటి కాలపరిమితి లేదు. కానీ బ్రాండ్ సెప్టెంబర్-అక్టోబర్ నాటికి అధికారికంగా బైక్ను లాంచ్ చేస్తుందని భావిస్తున్నారు..
Updated on: May 18, 2025 | 11:54 AM
మీకు రాయల్ ఎన్ఫీల్డ్ అంటే ఇష్టమా? రాయల్ ఎన్ఫీల్డ్ చాలా ఖరీదైనది కాబట్టి మీరు దాన్ని కొనలేరా? అలా అయితే, చింతించకండి. ఎందుకంటే టీవీఎస్ కూడా మార్కెట్లోకి శక్తివంతమైన బైక్ను విడుదల చేస్తోంది. ఈ బైక్ రాయల్ ఎన్ఫీల్డ్తో పోటీ పడుతుందని చెబుతున్నారు.
ఈ ఏడాది చివరి నాటికి బ్రిటిష్ బ్రాండ్ నార్టన్ బైక్లను భారతదేశానికి తీసుకువస్తామని టీవీఎస్ మోటార్ కంపెనీ ధృవీకరించింది. మే 6న ఇండియా-యుకె స్వేచ్ఛా వాణిజ్య ఒప్పందం (FTA) ఆమోదం పొందిన తర్వాత టీవీఎస్ మేనేజింగ్ డైరెక్టర్ సుదర్శన్ వేణు ఈ ప్రకటన చేశారు. ఈ నిర్ణయంతో బ్రిటన్లో తయారయ్యే కార్లు, ద్విచక్ర వాహనాలపై దిగుమతి సుంకాలు 100 శాతం నుండి కేవలం 10 శాతానికి తగ్గుతాయి. దీని వలన నార్టన్ బైక్లు గతంలో కంటే మరింత సరసమైనవిగా మారతాయి.
ఇది కూడా చదవండి: Whatsapp: వాట్సాప్లో కొత్త అప్డేట్.. వినియోగదారులకు ఈ ప్రత్యేక ఫీచర్లు!
మా బ్రిటిష్ బ్రాండ్ నార్టన్ ఈ సంవత్సరం చివర్లో ప్రారంభించనున్నట్లు కంపెనీ వెల్లడించంది. ఆర్థిక సంక్షోభ సమయంలో 2020 లో టీవీఎస్ నార్టన్ బైక్స్ను రూ. 153 కోట్లకు కొనుగోలు చేసింది. భారతీయ బ్రాండ్ నార్టన్తో కలిసి పనిచేసింది. ఈ ప్రక్రియలో రూ. 1,000 కోట్లు పెట్టుబడి పెట్టింది. గత కొన్ని సంవత్సరాలుగా కంపెనీ తన ప్రస్తుత బైక్ల శ్రేణిని మెరుగుపరచడంతో పాటు కొత్త మోడళ్లను విడుదల చేసిందని కంపెనీ తెలిపింది.
కంపెనీ ప్రీమియం బైక్లు:
కమాండో 961, V4 SV, V4 CR లతో నార్టన్ మోటార్ సైకిళ్ల ప్రీమియం శ్రేణిని ప్రవేశపెట్టిన మొదటి కంపెనీ TVS అవుతుందని భావిస్తున్నారు. ఈ బైక్లు పూర్తిగా నిర్మించిన యూనిట్ల (CBU) రూపంలో వచ్చే అవకాశం ఉంది. UKలోని నార్టన్ సోలిహుల్ ఫ్యాక్టరీలో తయారు అవుతాయి. మేడ్ ఇన్ ఇండియాను ప్రారంభించడానికి ముందు కంపెనీ ఈ బైక్లను బ్రాండ్ బిల్డర్గా ఉపయోగిస్తుంది. 2027 నాటికి 6 కొత్త బైక్లను విడుదల చేయాలని యోచిస్తున్నట్లు కంపెనీ ఇప్పటికే ధృవీకరించింది. వాటిలో కొన్ని భారతదేశంలో తయారు అవుతాయి.
రాయల్ ఎన్ఫీల్డ్, ట్రయంఫ్, హార్లే-డేవిడ్సన్, హోండా వంటి కంపెనీలతో పోటీ పడే 300-400 సిసి బైక్లపై నార్టన్ పనిచేస్తోంది. నార్టన్ రాకకు ఇంకా ఎటువంటి కాలపరిమితి లేదు. కానీ బ్రాండ్ సెప్టెంబర్-అక్టోబర్ నాటికి అధికారికంగా బైక్ను లాంచ్ చేస్తుందని భావిస్తున్నారు. అది పండుగల సీజన్లో ఉంటుంది. ఇండో-యుకె ఒప్పందం నార్టన్ బైక్స్ భారత మార్కెట్లోకి ప్రవేశించడాన్ని సులభతరం చేసింది. ఈ నిర్ణయం వల్ల ట్రయంఫ్, రోల్స్ రాయిస్, బెంట్లీ, మెక్లారెన్, లోటస్, ఆస్టన్ మార్టిన్, JLR వంటి బ్రాండ్లు ఎంతో ప్రయోజనం పొందుతాయి.
ఇది కూడా చదవండి: RBI New Notes: మార్కెట్లోకి మరో కొత్త నోట్లు.. రిజర్వ్ బ్యాంక్ కీలక ప్రకటన!
మరిన్ని బిజినెస్ వార్తల కోసం ఇక్కడ క్లిక్ చేయండి
