Amazon employees: ఆఫీసుకు రమ్మంటే ఉద్యోగుల సాకులు.. అమెజాన్ లో కూడా అంతే..!
నిత్యం ఆఫీసుకు వెళ్లి సహోద్యోగులతో కలిసి పనిచేయడం, డ్యూటీ సమయం ముగిసిన తర్వాత ఇంటికి రావడం అందరికీ తెలిసిందే. అయితే కరోనా మహమ్మారి సమయంలో ఏర్పడిన ప్రత్యేక పరిస్థితుల కారణంగా ఇంటి నుంచే పనిచేసే విధానం వచ్చింది. కరోనా సంక్షోభం ముగిసిన తర్వాత కూడా ఆ పద్ధతి కొనసాగింది. అయితే ఇప్పుడు పలు కంపెనీలు తమ ఉద్యోగులకు ఆఫీసులకు రమ్మని ఆదేశాలు జారీ చేస్తున్నాయి.
Updated on: Sep 30, 2024 | 8:30 PM
నిత్యం ఆఫీసుకు వెళ్లి సహోద్యోగులతో కలిసి పనిచేయడం, డ్యూటీ సమయం ముగిసిన తర్వాత ఇంటికి రావడం అందరికీ తెలిసిందే. అయితే కరోనా మహమ్మారి సమయంలో ఏర్పడిన ప్రత్యేక పరిస్థితుల కారణంగా ఇంటి నుంచే పనిచేసే విధానం వచ్చింది. కరోనా సంక్షోభం ముగిసిన తర్వాత కూడా ఆ పద్ధతి కొనసాగింది. అయితే ఇప్పుడు పలు కంపెనీలు తమ ఉద్యోగులకు ఆఫీసులకు రమ్మని ఆదేశాలు జారీ చేస్తున్నాయి. కానీ దీనికి ఉద్యోగులు ఆసక్తి చూపడం లేదు. తప్పించుకోవడానికి అనేక సాకులు చెబుతున్నారు. దీనికి అమెజాన్ సంస్థ ఉద్యోగులు కూడా అతీతంగ కాదు
అమెజాన్ లో..
అమెజాన్ సంస్థ లో హబ్రిడ్ వర్క్ పాలసీ రద్దయ్యింది. ఈ నేపథ్యంలో ఉద్యోగులందరూ కార్యాలయాలకు రావాల్సి ఉంటుంది. ఈ మేరకు 2025 జనవరి నుంచి వారానికి ఐదు రోజుల పాటు ఆఫీసుకు రావాలని ఆ సంస్థ ఆదేశాలు జారీ చేసింది. దీనిలో భాగంగా అమెజాన్ సీఈవో ఆండీ జాస్సీ తమ సిబ్బందికి ఈ మెయిల్స్ పంపారు. అలాగే కార్యాయంలో కూర్చుని కలిసి పనిచేయడం వల్ల కలిగే ప్రయోజనాలను వెల్లడించారు. దాని వల్ల ప్రతి ఒక్కరిలో పరస్పర సహకారం పెరుగుతుందని, ఉత్సాహ వంతమైన ఆలోచనలతో చురుగ్గా ఉంటారని తెలిపారు. అందరూ ఒకేచోట కలిసి ఉండడం వల్ల స్నేహభావం పెరుగుతుందన్నారు. అయితే కార్యాలయాలకు తిరిగి రావడానికి చాలా మంది సిబ్బంది ఆసక్తి కనబర్చడం లేదు. ఈ విషయంపై పునరాలోచించాలని కంపెనీని వేడుకుంటున్నారు. మరికొందరు మరో అడుగు ముందుకు వేసి మాయమాటలు చెబుతున్నారు.
ఉద్యోగులు చేసే మోసాల్లో కొన్ని..
- అమెజాన్ వెబ్ సర్వీసెస్ (ఏడబ్ల్యూ ఎస్) కు మాజీ ఇంజినీర్ ఈ విషయం గురించి పలు విషయాలను తెలిపాడు. ఆఫీసుకు తిరిగి రాకుండా ఉండటానికి ఉద్యోగులు చెప్పే సాకులను వెల్లడించాడు. వారు చాలా తెలివిగా పలు విషయాలను చెబుతారన్నాడు. ఈ విషయాలతో చేసిన పోస్టును తర్వాత ఆయన తొలగించాడు.
- అమెజాన్ ఉద్యోగుల్లో కొందరు చాలా తక్కువ సమయం ఆఫీసులో కనిపిస్తారు. కార్యాలయానికి వచ్చి కాఫీ తాగి వెళ్లిపోతారు. లంచ్ సమయంలో బ్యాడ్జింగ్ చేయడం, ఉచితం కాఫీ తాగడం, అల్పాహారం తీసుకుని వెంటనే వెళ్లిపోతారు. ఉద్యోగులు కార్యాలయంలో ఉన్నసమయాన్ని ట్రాకింగ్ చేసే వరకూ ఈ ట్రిక్ కొనసాగింది.
- అమెజాన్ కార్యాలయంలో ఉద్యోగులు అనేక నిబంధనలు ఉంటాయి. వాటి నుంచి తప్పించుకోవడానికి కొందరు మోసపూరితంగా వ్యవహరిస్తున్నారు. దీనిలో భాగంగా తమ ఇంటి వైఫై కనెక్షన్ కు పేరు మార్చుతున్నారు. దానికి కార్యాలయంలో నెట్ వర్క్ పేరు పెడుతున్నారు. దీంతో వారు లాగిన్ అయినప్పుడు రిపోర్టింగ్ సాఫ్ట్ వేర్ ద్వారా ఆఫీసులో ఉన్నట్టు గుర్తించబడుతున్నారు. ఈ విధానం కొంతకాలం కొనసాగింది. ఐటీ రిపోర్టింగ్ సాఫ్ట్ వేర్ ను పటిష్టం చేయడంతో ఈ మోసానికి చెక్ పడింది.
- కొందరు తమ బ్యాడ్జిని సహోద్యోగి దగ్గర కార్యాలయంలో వదిలి వేస్తారు. వారు ఆ బ్యాడ్జిని ఉపయోగించి చెన్ ఇన్, చెక్ అవుట్ చేస్తారు. ఈ మేరకు వారి మధ్య ఒప్పందాలు కూడా జరుగుతాయి.
మరిన్ని బిజినెస్ వార్తల కోసం క్లిక్ చేయండి..
