Small Savings Schemes: చిన్న మొత్తాల పొదుపు పథకాలపై సూపర్‌ రాబడి.. ఎఫ్‌డీ కంటే మెరుగైన లాభాలు..

స్థిర-ఆదాయ పెట్టుబడి ఎంపికల కోసం చూస్తున్న పెట్టుబడిదారులకు వివిధ ఎంపికలు అందుబాటులో ఉన్నాయి. ఫిక్స్‌డ్ డిపాజిట్లు అత్యంత సాధారణమైనవి. అయినప్పటికీ పబ్లిక్ ప్రావిడెంట్ ఫండ్, జాతీయ పొదుపు సర్టిఫికేట్లు, పోస్టాఫీసు డిపాజిట్లు మొదలైన చిన్న పొదుపు పథకాలు వంటి ఇతర ఎంపికలు ఉన్నాయి. ఇవి స్థిరమైన రాబడిని అందిస్తాయి. ప్రభుత్వం మద్దతునిస్తాయి. బ్యాంక్ ఎఫ్‌డీ, చిన్న పొదుపు పథకాల మధ్య వడ్డీ రేట్ల గురించి ఓ సారి తెలుసుకుందాం. 

చిన్న పొదుపు పథకాలు ఏమిటి?

పౌరులు క్రమం తప్పకుండా పొదుపు చేయడాన్ని ప్రోత్సహించడానికి ఇవి ప్రభుత్వం ద్వారా నిర్వహిస్తారు. పొదుపు పథకాలు మూడు విభాగాలను కలిగి ఉంటాయి. పొదుపు డిపాజిట్లు, సామాజిక భద్రతా పథకాలు, నెలవారీ ఆదాయ ప్రణాళికలు ఉంటాయి. పొదుపు డిపాజిట్లలో 1-3 సంవత్సరాల టైమ్ డిపాజిట్లు, 5 సంవత్సరాల రికరింగ్ డిపాజిట్లు ఉంటాయి. వీటిలో నేషనల్ సేవింగ్ సర్టిఫికెట్లు (ఎన్‌ఎస్‌సీ), కిసాన్ వికాస్ పత్ర వంటి పొదుపు ధృవపత్రాలు కూడా ఉన్నాయి. సామాజిక భద్రతా పథకాలలో పబ్లిక్ ప్రావిడెంట్ ఫండ్, సుకన్య సమృద్ధి ఖాతా, సీనియర్ సిటిజన్స్ సేవింగ్స్ స్కీమ్ ఉన్నాయి. నెలవారీ ఆదాయ ప్రణాళికలో నెలవారీ ఆదాయ ఖాతా ఉంటుంది.

అక్టోబర్-డిసెంబర్ 2023 త్రైమాసికంలో పీపీఎఫ్, సుకన్య సమృద్ధి, సీనియర్ సిటిజన్స్ సేవింగ్స్ స్కీమ్‌లు, పోస్టాఫీసు టైమ్ డిపాజిట్‌లతో సహా చిన్న పొదుపు పథకాలపై వడ్డీ రేట్లను ప్రభుత్వం మార్చలేదు. ఐదు సంవత్సరాల రికరింగ్ డిపాజిట్లపై మాత్రమే వడ్డీ రేటు 20 బేసిస్ పాయింట్లు పెరిగి 6.7 శాతానికి చేరుకుంది. చిన్న పొదుపు పథకాలపై వడ్డీ రేట్లు ప్రతి త్రైమాసికం చివరిలో సమీక్షిస్తారు. తదనుగుణంగా తదుపరి త్రైమాసికానికి రేట్లు నిర్ణయిస్తారు. జూన్ 30 2023న జరిగిన చివరి సమీక్షలో ప్రభుత్వం అనేక చిన్న పొదుపు పథకాలపై వడ్డీ రేట్లను పెంచింది కాబట్టి పొదుపు పథకాలపై అక్టోబర్‌-డిసెంబర్‌ 2023లో తాజా వడ్డీ రేట్లు తెలుసుకుందాం.

ఇవి కూడా చదవండి

చిన్నమొత్తాల పొదుపు పథకాల్లో పెద్ద మొత్తంలో వడ్డీ రేట్లు..

‘సమృద్ధి’తో తల్లిదండ్రులకు సంతృప్తి.. ఆడబిడ్డల గొప్పవరం ఈ పథకం..

రెపో రేట్లు యథాతథం..? ఆ పథకాలపై వడ్డీ రేట్లు ఎంతో తెలుసా?

• సేవింగ్స్ డిపాజిట్: 4 శాతం
• 1-సంవత్సరం పోస్ట్ ఆఫీస్ టైమ్ డిపాజిట్లు: 6.9 శాతం
• 2-సంవత్సరాల పోస్ట్ ఆఫీస్ టైమ్ డిపాజిట్లు: 7.0 శాతం
• 3-సంవత్సరాల పోస్ట్ ఆఫీస్ టైమ్ డిపాజిట్లు: 7 శాతం
• 5-సంవత్సరాల పోస్ట్ ఆఫీస్ టైమ్ డిపాజిట్లు: 7.5 శాతం
• 5-సంవత్సరాల రికరింగ్ డిపాజిట్లు: 6.7 శాతం (ముందు 6.5 శాతం)
• నేషనల్ సేవింగ్ సర్టిఫికెట్లు: 7.7 శాతం
• కిసాన్ వికాస్ పత్ర: 7.5 శాతం (115 నెలల్లో మెచ్యూర్ అవుతుంది)
• పబ్లిక్ ప్రావిడెంట్ ఫండ్: 7.1 శాతం
• సుకన్య సమృద్ధి ఖాతా: 8.0 శాతం
• సీనియర్ సిటిజన్స్ సేవింగ్స్ స్కీమ్: 8.2 శాతం
• నెలవారీ ఆదాయ ఖాతా: 7.4 శాతం.

బ్యాంక్ ఎఫ్‌డీపై తాజా వడ్డీ రేట్లు

ప్రధాన బ్యాంకుల్లో హెచ్‌డీఎఫ్‌సీ బ్యాంక్ డిపాజిట్ కాలపరిమితి, డిపాజిటర్ వయస్సు ఆధారంగా ఎఫ్‌డీపై 7.75 శాతం వరకు వడ్డీ రేట్లను అందిస్తోంది. పీఎన్‌బీ ఏటా 7.75 శాతం వరకు ఎఫ్‌డీ రేట్లను అందిస్తోంది. ఎస్‌బీఐ సంవత్సరానికి 7.50 శాతం వరకు ఇస్తుంది. 

మరిన్ని బిజినెస్ వార్తల కోసం ఇక్కడ క్లిక్ చేయండి..