Akshaya Tritiya-2023: అక్షయ తృతియ రోజున బంగారం కొనాలా? ఇంటి నుంచే కొనుగోలు చేయండిలా
ముఖ్యంగా దీపావళి, ధంతేరస్ తర్వాత అక్షయ తృతీయ నాడు బంగారం కొనుగోలు చేయడం శుభప్రదంగా హిందువులు పరిగణిస్తారు. సాధారణంగా భారతీయులు బంగారం కొనడానికి ఇష్టపడుతూ ఉంటారు. ఎందుకంటే ఇది పొదుపు విలువను పెంచడమే కాకుండా ఆభరాణాలుగా కూడా పని చేస్తాయని ఎక్కువ బంగారం కొనుగోలుకు మక్కువ చూపుతారు.
Srinu |
Updated on: Apr 19, 2023 | 5:15 PM
అక్షయ తృతీయ అంటే వైశాఖ మాసంలో చేసే హిందువుల ప్రధాన పండుగ. ముఖ్యంగా అక్షయ తృతీయ పూజల తర్వాత ఈ రోజున బంగారాన్ని కొనుగోలు చేసుకుంటే మంచిదని భావిస్తారు. ఈ రోజు కనీసం గ్రాము బంగారమైన కొనాలనుకునే చాలా ఎక్కువ మందే ఉంటార. ఈ ఏడాది ఏప్రిల్ 22న అక్షయ తృతియ వచ్చింది. ముఖ్యంగా దీపావళి, ధంతేరస్ తర్వాత అక్షయ తృతీయ నాడు బంగారం కొనుగోలు చేయడం శుభప్రదంగా హిందువులు పరిగణిస్తారు. సాధారణంగా భారతీయులు బంగారం కొనడానికి ఇష్టపడుతూ ఉంటారు. ఎందుకంటే ఇది పొదుపు విలువను పెంచడమే కాకుండా ఆభరాణాలుగా కూడా పని చేస్తాయని ఎక్కువ బంగారం కొనుగోలుకు మక్కువ చూపుతారు. అయితే భౌతిక బంగారాన్ని ఆభరణాలుగా ధరించాలనుకునే వ్యక్తులు కాకుండా కష్ట సమయాల్లో దానిని ఉపయోగించుకునేలా పెట్టుబడి పెట్టేవారికి డిజిటల్ బంగారం ప్రత్యామ్నాయంగా ఉంటుంది. ఇందులో పెట్టుబడి పెడితే పెట్టుబడిదారులకు తరుగు, మూజూరి ఖర్చుల మిగులుతాయి. ఎప్పుడకావాలంటే అప్పుడు సులభంగా దీన్ని విక్రయించుకోవచ్చు.
డిజిటల్ బంగారం ఏంటంటే?
డిజిటల్ బంగారం అనేది భౌతికంగా బంగారాన్ని ప్రత్యామ్నాయం. ఇందులో పెట్టుబడి పెట్టడం అనే వర్చువల్ టెక్నిక్ అని నిపుణులు చెబుతున్నారు. ఈ బంగారం ఆన్‌లైన్‌లో కొనుగోలు చేయడానికి అందుబాటులో ఉంది. ఈ బంగారం కనీస కొనుగోలు లేదా అమ్మకం ధర ఒక రూపాయి. డిజిటల్ బంగారానికి నిర్దిష్ట ప్రయోజనాలు ఉన్నాయి. దీన్ని భద్రపరచడం, ప్రత్యేకంగా నిల్వ అవసరం లేదు, ఎప్పుడైనా భౌతిక రూపంలో రీడీమ్ చేయవచ్చు. ముఖ్యంగా పేటీఎం, గూగుల్ ప్లే వంటి యాప్స్‌లో కొనుగోలుకు ఈ బంగారం కొనుగోలు చేయడానికి అందుబాటులో ఉంటుంది.
పేటీఎంలో కొనుగోలు చేయండిలా
- స్టెప్ 1: మీ మొబైల్ ఫోన్‌లో పేటీఎం యాప్‌ని తెరవండి
- స్టెప్ 2: అన్ని సేవల విభాగానికి వెళ్లాలి.
- స్టెప్ 3: సెర్చ్ బార్‌కి వెళ్లి గోల్డ్ అనే పదాన్ని సెర్చ్ చేయండి
- స్టెప్4: బంగారంపై క్లిక్ చేయండి
- స్టెప్ 5: ఎంపికల్లో మొత్తంలో కొనండి లేదా గ్రాములలో కొనండి అనే ఆప్షన్‌ను ఎంచుకోవాలి.
- స్టెప్ 6: మీరు కొనుగోలు చేయాలనుకుంటున్న మొత్తాన్ని నమోదు చేసి, కొనసాగించుపై క్లిక్ చేయండి
- స్టెప్ 7: డిజిటల్ బంగారాన్ని కొనుగోలు చేయడానికి పేటీఎం వ్యాలెట్, యూపీఐ, నెట్ బ్యాంకింగ్, డెబిట్ లేదా క్రెడిట్ కార్డ్ నుంచి చెల్లింపులు చేస్తే డిజిటల్ బంగారం కొనుగోలు పూర్తవుతుంది.
గూగుల్ ప్లే ద్వారా ఇలా
- స్టెప్ 1: గూగుల్ ప్లే యాప్‌ను తెరవాలి.
- స్టెప్2: సెర్చ్ బార్‌లో గోల్డ్ లాకర్ అని నమోదు చేయాలి.
- స్టెప్ 3: అక్కడ గోల్డ్ లాకర్‌ని ఎంచుకోవాలి?
- స్టెప్ 4: కొనండి అనే ఆప్షన్‌ను ఎంచుకోవాలి. బంగారం ప్రస్తుత మార్కెట్ కొనుగోలు ధర (పన్నుతో సహా) కనిపిస్తుంది. మీరు కొనుగోలు ప్రారంభించిన తర్వాత ఈ ధర 5 నిమిషాల పాటు లాక్ చేసి ఉంటుంది. ఎందుకంటే కొనుగోలు ధర రోజును బట్టి మారవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
