Sensex: వారాంతంలో మదుపర్లకు బిగ్ షాక్.. భారీగా పడిపోయిన సెన్సెక్స్.. కారణాలు ఇవే..
ఈ వారం చివరి ట్రేడింగ్ రోజున భారత స్టాక్ మార్కెట్లు భారీ పతనంతో ముగిశాయి. ఇన్వెస్టర్లకు భారీ షాక్ ఇచ్చింది వారాంతం.
Sensex: ఈ వారం చివరి ట్రేడింగ్ రోజున భారత స్టాక్ మార్కెట్లు భారీ పతనంతో ముగిశాయి. బిఎస్‌ఇ సెన్సెక్స్ 1687.94 పాయింట్లు(2.87 శాతం) నష్టపోయి 57,107.15 వద్ద ముగిసింది. నిఫ్టీ 509.80 పాయింట్లు(2.91) శాతం పడిపోయి 17,026.45 వద్ద ముగిసింది. అంతకుముందు శుక్రవారం ఉదయం, BSE 540.3 పాయింట్ల పతనంతో 58,254.79 వద్ద ప్రారంభమైంది. రోజు ట్రేడింగ్‌లో 1,801.2 పాయింట్లు నష్టపోయింది. మరోవైపు నిఫ్టీ 197.5 పాయింట్లు నష్టపోయి 17,338.75 వద్ద కొనసాగుతోంది. ఈ రోజు ట్రేడింగ్‌లో 550.55 పాయింట్లకు పడిపోయింది.
క్షీణతకు మూడు కారణాలు
మొదటి కారణం- కొత్త కోవిడ్ వేరియంట్:
దక్షిణాఫ్రికాలో కరోనా వైరస్ కొత్త వేరియంట్ కనుగొన్నారు. ఈ వేరియంట్ తెరపైకి వచ్చిన తర్వాత, భారతదేశానికి వచ్చే అంతర్జాతీయ ప్రయాణికులందరినీ కరోనా కోసం తీవ్రంగా పరీక్షించాలని భారత ప్రభుత్వ ఆరోగ్య కార్యదర్శి ఆదేశాలు జారీ చేశారు.
రెండవ కారణం- ఎఫ్‌ఐఐ విక్రయం:
ఎన్‌ఎస్‌ఇలో అందుబాటులో ఉన్న డేటా ప్రకారం, విదేశీ పోర్ట్‌ఫోలియో ఇన్వెస్టర్ (ఎఫ్‌పిఐ) దేశీయ స్టాక్‌లలో 2,300.65 కోట్ల రూపాయల షేర్లను విక్రయించింది. ఈ విక్రయం దేశీయ సంస్థాగత పెట్టుబడిదారులు (DIIలు) కొనుగోలు చేయడం కంటే ఎక్కువ. అమ్మకాలు కూడా ఇన్వెస్టర్ల ఉత్సాహాన్ని దెబ్బతీశాయి.
మూడవ కారణం- ఆసియా మార్కెట్ల నుండి బలహీన సంకేతాలు:
అన్ని ఆసియా మార్కెట్లు కూడా క్షీణత ధోరణిని కలిగి ఉన్నాయి. ఇది దేశీయ మార్కెట్‌ను కూడా ప్రభావితం చేసింది. SGX నిఫ్టీ, నిక్కీ, స్ట్రెయిట్ టైమ్స్, హ్యాంగ్ సెంగ్, తైవాన్ వెయిటెడ్, కోస్పి, షాంఘై కాంపోజిట్ 1-2% నష్టపోయాయి. బీఎస్ఈలో దాదాపు 47 శాతం కంపెనీల షేర్లు పడిపోయాయి
బీఎస్ఈ మార్కెట్ క్యాప్ రూ.258 లక్షల కోట్లు..
- 3,415 కంపెనీల షేర్లలో ట్రేడింగ్ జరిగింది. ఇందులో 1,069 కంపెనీల షేర్లు పెరగగా, 2,242 కంపెనీల షేర్లు క్షీణించాయి.
- 237 కంపెనీల షేర్లు ఏడాది గరిష్ఠ స్థాయిలోనూ, 34 కంపెనీల షేర్లు ఏడాది కనిష్టంలోనూ కొనసాగాయి.
- 398 కంపెనీల షేర్లలో అప్పర్ సర్క్యూట్..179 కంపెనీల షేర్లలో లోయర్ సర్క్యూట్ ఉంది.
ఈరోజు భారీ నష్టాలను చూసిన షేర్లు ఇవే..
| కంపెనీ | క్షీణత (%) |
| చాలెట్ హోటల్ | 14.4 |
| ఇండియన్ హోటల్ | 11.13 |
| PVR | 10.88 |
| బంధన్ బ్యాంక్ | 9.93 |
| నాల్కో | 9.13 |
ఇవి కూడా చదవండి: Mumbai Attacks: ముంబయిపై ముష్కర దాడికి 13 ఏళ్ళు.. ఇప్పటికీ ప్రజలను ఉలిక్కిపడేలా చేసిన ఆ ఘటన ఎలా జరిగిందంటే..