SBI Amrit Kalash FD: ఈ నెలాఖరు వరకే అవకాశం.. ఎఫ్డీ చేయాలనుకుంటే దీని బెస్ట్ స్కీమ్..
దేశంలోని అతి పెద్ద రుణదాత అయిన స్టేట్ బ్యాంక్ ఆఫ్ ఇండియా(ఎస్బీఐ) ఈ ఫిక్స్డ్ డిపాజిటర్ల ఆకర్షించేందుకు పలు పథకాలను అమలు చేస్తోంది. అందులో అమృత్ కలాష్ ఒకటి. ఇది పరిమిత కాలం ఉండే స్కీమ్. ఈ స్కీమ్లో సాధారణ పౌరులకు 7.1శాతం, సీనియర్ సిటిజెనులకు 7.6శాతం వడ్డీ రేటును బ్యాంకు అందిస్తోంది. కాగా ఈ పథకం గడువు ఈ నెలాఖరుతో ముగిసిపోతోంది.
ప్రజల్లో అత్యంత ఆదరణ పొందిన పథకం ఫిక్స్డ్ డిపాజిట్. దీనిలో పెట్టుబడికి అధిక వడ్డీతో పాటు కచ్చితమైన రాబడి వస్తుందని వినియోగదారుల నమ్మకం. అందుకే కాస్త పెద్ద మొత్తంలో డబ్బు చేతిలో ఉండే ఫిక్స్డ్ డిపాజిట్ చేయండి అంటూ అందరూ సలహాలు ఇస్తూ ఉంటారు. ముఖ్యంగా సీనియర్ సిటిజెన్స్ ఇది బెస్ట్ అనే చెప్పాలి. వారికి అధిక వడ్డీతో పాటు అనేక ప్రయోజనాలు ఉంటాయి. అయితే బ్యాంకును బట్టి ఆ వడ్డీ రేటు, ప్రయోజనాలు మారుతుంటాయి. దేశంలోని అతి పెద్ద రుణదాత అయిన స్టేట్ బ్యాంక్ ఆఫ్ ఇండియా(ఎస్బీఐ) ఈ ఫిక్స్డ్ డిపాజిటర్ల ఆకర్షించేందుకు పలు పథకాలను అమలు చేస్తోంది. అందులో అమృత్ కలాష్ ఒకటి. ఇది పరిమిత కాలం ఉండే స్కీమ్. ఈ స్కీమ్లో సాధారణ పౌరులకు 7.1శాతం, సీనియర్ సిటిజెనులకు 7.6శాతం వడ్డీ రేటును బ్యాంకు అందిస్తోంది. కాగా ఈ పథకం గడువు ఈ నెలాఖరుతో ముగిసిపోతోంది. మీరు కనుక ఫిక్స్డ్ డిపాజిట్ చేయాలనే ఆలోచనలో ఉంటే.. ఇది మీకు బెస్ట్ అని చెప్పొచ్చు. ఈ పథకం గురించి పూర్తి వివరాలు ఇప్పుడు తెలుసుకుందాం..
ఎస్బీఐ అమృత్ కలాష్ ఎఫ్డీ పథకం చివరి తేదీ..
ఎస్బీఐ ఈ ఏడాది ఫిబ్రవరి 15న అమృత్ కలాష్ ఎఫ్డీ పథకాన్ని లాంచ్ చేసింది. లాంచింగ్ సమయంలో ఆగస్టు 15 వరకూ గడువుగా పేర్కొంది. అయితే ఈ పథకానికి వస్తున్న స్పందనతో ఈ గడువును పొడిగించింది. దీని వ్యవధిని 2023 డిసెంబర్ 31 వరకూ పెంచింది. ప్రస్తుతం మనం డిసెంబర్ నెలలో ఉండటంతో ఈ పథకానికి ఇంకా కొద్ది రోజులు మాత్రమే గడువు ఉంది. ఎఫ్డీ చేయాలనుకునే వారు త్వరపడాలి.
ఎస్బీఐ అమృత్ కలాష్ పథకంలో వడ్డీ రేటు
ఎస్బీఐ తన రెగ్యులర్ కస్టమర్లు, సీనియర్ సిటిజన్లకు వేర్వేరుగా ఈ పథకంలో వడ్డీ రేట్లను అందిస్తోంది. ఈ పథకంలో సాధారణ పౌరులకు 7.1 శాతం, వృద్ధులకు 7.6 శాతం వడ్డీ రేటును అందిస్తోంది.
ఎస్బీఐ అమృత్ కలాష్ ప్రయోజనాలు
అమృత్ కలాష్ డిపాజిట్ పథకం దేశీయ, ఎన్ఆర్ఐ కస్టమర్లకు అందుబాటులో ఉంది. ఈ ఫిక్స్డ్ డిపాజిట్పై వడ్డీని నెలవారీ, త్రైమాసిక లేదా అర్ధ-వార్షిక వ్యవధిలో పొందవచ్చు. టీడీఎస్ నుంచి తీసివేయబడిన వడ్డీ కస్టమర్ ఖాతాలో జమ అవుతుంది. ఈ ఫిక్స్డ్ డిపాజిట్ స్కీమ్ రూ. 2 కోట్ల కంటే తక్కువ దేశీయ రిటైల్ టర్మ్ డిపాజిట్లపై చెల్లుబాటు అవుతుంది. ఇందులో నాన్-రెసిడెంట్ ఇండియన్ రూపాయి టర్మ్ డిపాజిట్లు కూడా ఉన్నాయి. అలాగే కొత్త, రెన్యూవల్ డిపాజిట్లపై కూడా చెల్లుబాటు అవుతుంది. టర్మ్ డిపాజిట్లు, ప్రత్యేక టర్మ్ డిపాజిట్లు కూడా స్టేట్ బ్యాంక్ ఆఫ్ ఇండియా అమృత్ కలాష్ పథకం కిందకు వస్తాయి.
వడ్డీ చెల్లింపు
అమృత్ కలాష్ పథకంపై వడ్డీ నెలవారీ, త్రైమాసిక లేదా అర్ధ-వార్షిక వ్యవధిలో ఎస్బీఐ చెల్లిస్తుంది. ప్రత్యేక టర్మ్ డిపాజిట్ల కోసం, మెచ్యూరిటీపై వడ్డీ అందుతుంది. ఎఫ్డీ పదవీకాలం ముగిసే సమయానికి ఎస్బీఐ వడ్డీని, టీడీఎస్ నికరాన్ని కస్టమర్ ఖాతాలో జమ చేస్తుంది.
అమృత కలాష్ పై పన్ను..
ఈ పథకంపై టీడీఎస్ ఆదాయపు పన్ను చట్టం ప్రకారం తీసివేయబడుతుంది. ఎస్బీఐ అమృత్ కలాష్ పథకంపై లోన్ సౌకర్యం కూడా అందుబాటులో ఉంది. ముందస్తు ఉపసంహరణ సౌకర్యం కూడా అందుబాటులో ఉంది. ఆదాయపు పన్ను (ఐటీ) నిబంధనలకు అనుగుణంగా పన్ను మినహాయింపు నుంచి మినహాయింపును అభ్యర్థించడానికి, మీరు ఫారమ్ 15జీ/15జీని ఉపయోగించవచ్చు.
ఆన్లైన్లో కొనుగోలు చేయొచ్చు..
మీరు ఎస్బీఐ పథకంలో పెట్టుబడి పెట్టాలనుకుంటే ఎస్బీఐ బ్రాంచ్ని సందర్శించి, ఎస్బీఐ అమృత్ కలాష్ ఎఫ్డీని తీసుకోవచ్చు. ప్రత్యామ్నాయంగా, మీరు బుకింగ్ ప్రాసెస్ కోసం ఇంటర్నెట్ బ్యాంకింగ్ లేదా ఎస్బీఐ యోనో యాప్ని ఉపయోగించవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి..