Rolls Royces EV Car: రోల్స్ రాయిస్ ఈవీ కారు విడుదల.. మొదటి కారు కొనేసిన అంబానీ

రోల్స్ రాయిస్ కంపెనీ భారతదేశంలో స్పెక్టర్‌ను లాంచ్ చేసింది. ఈ కారును రిలయన్స్ ఇండస్ట్రీస్ ఛైర్మన్ ముఖేష్ అంబానీ మొట్ట మొదటి కారును కొనుగోలు చేసేశారు. అంతేకాకుండా ఈ కారు వీఐపీ నంబర్ కూడా ఆకర్షణీయంగా ఉంది.  సాధారణంగా రోల్స్ రాయిస్ స్పెక్టర్ రూ. 7.5 కోట్ల ఎక్స్-షోరూమ్ ధరతో లాంచ్ చేశారు. ఇది మోడల్ బేస్ మోడల్. అయితే అంబానీ కొనుగోలు చేసిన వెర్షన్ మాత్రం ఆయన కోసం ప్రత్యేకంగా తయారీ చేశారని నిపుణులు చెబుతున్నారు. అందువల్ల ఈ కారు ధర ఇంకా ఎక్కువ ఉండే అవకాశం ఉంది. ముఖ్యంగా ఈ కారుకు అంబానీ ప్రత్యేకంగా వీఐపీ రిజిస్ట్రేషన్ నెంబర్ ఎంహెచ్ 0001 తీసుకున్నారు. ఇలాంటి ప్రత్యేకమైన నంబర్ ప్లేట్లు వాహన విలువను పెంచడమే కాకుండా దాని ప్రతిష్టను కూడా పెంచుతాయి.

రోల్స్ రాయిస్ స్పెక్టర్ భారతదేశంలో మొట్ట మొదటి ఎలక్ట్రిక్ మోడల్. ఈ కారులో 102 కేడబ్ల్యూహెచ్ బ్యాటరీ ఉంటుంది. కాబట్టి ఈ కారును ఓ సారి ఛార్జ్ చేస్తే 500 కంటే కిలోమీటర్లు మైలేజ్ ఇస్తుంది. ముఖ్యంగా ఈ కారుకు కేవలం 30 నిమిషాల్లో 10 శాతం నుండి 80 శాతం వరకు ఛార్జ్ చేయవచ్చు. అలాగే ఎలక్ట్రిక్ అయినప్పటికీ, రోల్స్ రాయిస్ స్పెక్టర్ పవర్ విషయంలో రాజీపడదు. మెరుగైన పనితీరు కోసం ఇందులో రెండు ఎలక్ట్రిక్ మోటార్లు అమర్చారు. ఈ కారు కేవలం 4.5 సెకన్లలో 100 కిలోమీటర్ల వేగాన్ని అందుకుంటుంది. ఈ కారు అధిక-పనితీరుతో వచ్చే స్పోర్ట్స్ కార్లతో సమానంగా ఉంచుతుంది.

అల్ట్రా-లగ్జరీ వాహనాల విషయానికి వస్తే రోల్స్ రాయిస్‌తో పోల్చితే బీఎండబ్ల్యూ, బెంజ్ వంటి బ్రాండ్‌లు తక్కువ ధరలోనే అందుబాటులో ఉంటాయి. అయితే ఫీచర్ల విషయానికి వస్తే రోల్స్ రాయిస్ స్పెక్టర్ కారులో 12 మసాజ్ మోడ్‌లు ఉన్న సీట్లు ప్రత్యేకతగా నిలుస్తాయి. ముఖ్యంగా 40 అంగుళాల టీవీ స్క్రీన్‌లతో పాటు కారులోనే కాఫీ మెషీన్‌ను కూడా అమర్చారు. స్పెక్టర్ కారును కస్టమర్‌లు వాహనాన్ని ముందుగా బుక్ చేసుకోవాలి. ఈ కారు డెలివరీ చేయాలంటే ఒక ఏడాది పడుతుందని నిపుణులు చెబుతున్నారు. 

ఇవి కూడా చదవండి

రైతులకు శుభవార్త.. పీఎం కిసాన్‌ 19వ విడత వచ్చేది ఎప్పుడో తెలుసా?

అనిల్‌ అంబానీ లగ్జరీ ఇల్లు గురించి మీకు తెలుసా? దాని విలువ ఎంతంటే

అదిరిపోయిన సోలార్‌ కార్‌.. 50 పైసల ఖర్చుతో కిలోమీటర్‌ ప్రయాణం

మరోసారి షాకిచ్చిన బంగారం ధర.. హైదరాబాద్‌లో తులం ఎంతంటే?

మరిన్ని బిజినెస్ వార్తల కోసం ఇక్కడ క్లిక్ చేయండి