RBI: ఆశలన్ని అడియాశలు.. ఫ్లిప్కార్ట్ సహ వ్యవస్థాపకుడు సచిన్ బన్సల్‌కు చుక్కెదురు.. 6 కంపెనీ దరఖాస్తులను తిరస్కరించిన ఆర్బీఐ
RBI: రిజర్వ్ బ్యాంక్ ఆఫ్ ఇండియా ( RBI ) బ్యాంకుల ఏర్పాటు కోసం ఆరు దరఖాస్తులను తిరస్కరించింది. వాటిలో చిన్న ఫైనాన్స్ బ్యాంకుల ఏర్పాటుకు సంబంధించిన దరఖాస్తులు ఉన్నాయి...
Updated on: May 18, 2022 | 1:22 PM
RBI: రిజర్వ్ బ్యాంక్ ఆఫ్ ఇండియా ( RBI ) బ్యాంకుల ఏర్పాటు కోసం ఆరు దరఖాస్తులను తిరస్కరించింది. వాటిలో చిన్న ఫైనాన్స్ బ్యాంకుల ఏర్పాటుకు సంబంధించిన దరఖాస్తులు ఉన్నాయి. ఈ దరఖాస్తులు సరైనవిగా లేనట్లు తేలినందున వాటిని తిరస్కరించినట్లు రిజర్వ్ బ్యాంక్ ఒక ప్రకటనలో తెలిపింది. నిర్ణీత ప్రమాణాల ప్రకారం.. ఈ దరఖాస్తుల పరిశీలన ప్రక్రియ పూర్తయిందని సెంట్రల్ బ్యాంక్ తెలిపింది. ఈ సమయంలో బ్యాంకుల ఏర్పాటుకు ఈ దరఖాస్తులు సూత్రప్రాయ ఆమోదానికి సరిపోవని తేలింది. ఇందులో ఫ్లిప్కార్ట్ (Flipkart) సహ వ్యవస్థాపకుడు సచిన్ బన్సాల్ (Sachin Bansal) నేతృత్వంలోని చైతన్య ఇండియా ఫిన్ క్రెడిట్ ప్రైవేట్ లిమిటెడ్ కూడా ఉంది . UAE ఎక్స్ఛేంజ్ & ఫైనాన్షియల్ సర్వీసెస్ లిమిటెడ్, రిపాట్రియట్స్ కో-ఆపరేటివ్ ఫైనాన్స్ అండ్ డెవలప్‌మెంట్ బ్యాంక్ లిమిటెడ్, చైతన్య ఇండియా ఫిన్ క్రెడిట్ ప్రైవేట్ లిమిటెడ్, పంకజ్ వైష్, ఇతరుల నుండి వచ్చిన దరఖాస్తులు బ్యాంక్ కేటగిరీలో సరైనవి కానట్లుగా గుర్తించబడ్డాయి. అయితే స్మాల్ ఫైనాన్స్ బ్యాంక్ కేటగిరీలో ఉన్నాయి. VSoft Technologies Pvt. Ltd. Calicut City Services The Cooperative Bank Ltd. దరఖాస్తులు సరైనవగా గుర్తించింది ఆర్బీఐ.
బ్యాంకింగ్ లైసెన్స్ కోసం మొత్తం 11 దరఖాస్తులు:
బ్యాంకింగ్ లైసెన్స్ కోసం బ్యాంకులు, చిన్న ఆర్థిక బ్యాంకుల కేటగిరీ కింద మొత్తం 11 దరఖాస్తులు ఆర్‌బీఐకి అందాయి. అందువల్ల ఐదు దరఖాస్తులు ఇప్పటికీ లైసెన్సింగ్ ప్రక్రియలో భాగంగానే ఉన్నాయి. మిగిలిన దరఖాస్తులను ఇంకా పరిశీలిస్తున్నట్లు సెంట్రల్ బ్యాంక్ తెలిపింది. మిగిలిన దరఖాస్తులు స్మాల్ ఫైనాన్స్ బ్యాంకుల స్థాపనకు సంబంధించినవి. వెస్ట్ ఎండ్ హౌసింగ్ ఫైనాన్స్ లిమిటెడ్, అఖిల్ కుమార్ గుప్తా, రీజినల్ రూరల్ ఫైనాన్స్ సర్వీసెస్ ప్రైవేట్ లిమిటెడ్, కాస్మి ఫైనాన్షియల్ హోల్డింగ్స్ ప్రైవేట్ లిమిటెడ్, టెలి సొల్యూషన్స్ ప్రైవేట్ లిమిటెడ్ ద్వారా ఈ దరఖాస్తులు ఉన్నాయి. స్టేట్ ఆఫ్ ది ఎకానమీ పేరుతో ప్రచురించబడిన ఒక కథనం ప్రకారం.. భారత ఆర్థిక వ్యవస్థ ఏకీకృత పునరుద్ధరణను పొందిందని, చాలా ఆర్థిక రంగాలలో కార్యకలాపాలు కోవిడ్ -19 మహమ్మారికి ముందు స్థాయిని అధిగమించాయని పేర్కొంది.
కోవిడ్ -19 మహమ్మారి ప్రభావాన్ని అధిగమించడానికి భారతదేశం సవాళ్లను ఎదుర్కొంటోంది. స్థిరమైన ప్రాతిపదికన అధిక వృద్ధి రేటును సాధించడానికి, మూలధన వ్యయాన్ని పెంచడం ద్వారా ప్రభుత్వం ప్రైవేట్ పెట్టుబడులను ప్రోత్సహించాల్సిన అవసరం ఉంది. రిజర్వ్ బ్యాంక్ ఆఫ్ ఇండియా గవర్నర్ శక్తికాంత దాస్ మంగళవారం ప్రభుత్వ రంగ బ్యాంకుల అధిపతులతో ముఖ్యమైన సమావేశాన్ని ఏర్పాటు చేశారు. వడ్డీరేట్లను క్రమంగా పెంచాలని అన్ని బ్యాంకులకు ఆర్బీఐ సూచించింది.
మరిన్ని బిజినెస్ వార్తల కోసం ఇక్కడ క్లిక్ చేయండి
