Reliance AGM: రిలయన్స్ రెండవ ఆన్‌లైన్ ఏజీఎం కోసం వాట్సాప్ చాట్‌బాట్ అసిస్టెంట్ రెడీ..దీనిని ఎలా ఉపయోగించాలంటే..

Reliance AGM: రిలయన్స్ సంస్థ రెండవ ఆన్‌లైన్ ఏజీఎం(AGM) కోసం సిద్ధం అవుతోంది. ప్రతి సంవత్సరం భౌతికంగా నిర్వహించే వార్షిక సర్వసభ్య సమావేశం(AGM) కరోనా కారణంగా పోయినేడాది నుంచి ఆన్‌లైన్ లో నిర్వహిస్తోంది రిలయన్స్. ఈ సంవత్సరం కూడా జూలై 24న రిలయన్స్ ఏజీఎం ఆన్‌లైన్ నిర్వహణకు ఏర్పాట్లు పూర్తి అయ్యాయి. సంస్థ ఈరెండవ ఆన్‌లైన్ AGM పూర్తి వివరాలతో రిలయన్స్ ఇండస్ట్రీస్ వాట్సాప్ చాట్‌బాట్ అసిస్టెంట్ మరోసారి రెడీ అయింది. 3 మిలియన్లకు పైగా రిలయన్స్ వాటాదారుల ప్రశ్నలకు సమాధానం ఇవ్వడానికి చాట్‌బాట్ అసిస్టెంట్ సిద్ధంగా ఉంది. గత సంవత్సరం హక్కుల సంచికలో రిలయన్స్ మొదట చాట్‌బాట్‌ను ఉపయోగించింది. కరోనాకు వ్యతిరేకంగా భారత ప్రభుత్వం చేసిన చాట్‌బాట్‌కు సాంకేతిక సహాయాన్ని అందించిన జియో హాప్టిక్ ఈ చాట్‌బాట్‌ను రూపొందించారు.

రిలయన్స్ ఈ చాట్‌బాట్ అసిస్టెంట్ వాటాదారుల ప్రశ్నలకు సమాధానం ఇస్తుంది. ఇది చాలా సులభమైన రీతిలో పనిచేస్తుంది. చాట్‌బాట్ వాటాదారులు తరచుగా అడిగే ప్రశ్నలకు సమాధానం ఇవ్వడమే కాకుండా, AGM కోసం చేయవలసినవి, చేయకూడనివి వంటి సమాచారాన్ని అందిస్తుంది. AGM లో ఓటు వేయడమే కాకుండా, డివిడెండ్, పన్నులు వంటి ముఖ్య అంశాలపై వాటాదారుల ప్రశ్నలకు కూడా చాట్‌బాట్ సమాధానం ఇవ్వగలదు. వాటాదారులు లేదా వినియోగదారులు తరచుగా అడిగే ప్రశ్నలకు సమాధానం ఇవ్వడానికి చాలా వీడియోలు, పత్రాలు చాట్‌బాట్ స్టోర్‌లో కూడా అందుబాటులో ఉన్నాయి. చాట్‌బాట్ ద్వారా వాటి లింక్ లు, కాపీలు అందిస్తారు.

రాబోయే ప్రణాళికలను అర్థం చేసుకోవడానికి రిలయన్స్ AGM కు హాజరు కావడానికి వాటాదారులు ప్రత్యక్షంగా లాగిన్ అవ్వవచ్చు. దేశం 5 జి టెక్నాలజీ వైపు వేగంగా వెళుతున్న తరుణంలో రిలయన్స్ ఈ 44వ ఏజీఎంలో చేయబోయే ప్రకటనపై అందరి దృష్టి ఉంది. ఈ ఆన్‌లైన్ Reliance AGM కు వేలాది మంది హాజరవుతారు.

రిలయన్స్ ఇండస్ట్రీస్ లిమిటెడ్ (RIL) ఏజీఎం వాట్సాప్ చాట్‌బాట్ అసిస్టెంట్ అందరికీ సులభంగా అందుబాటులో ఉంటుంది. దీనికి ఎలా కనెక్ట్ అవ్వాలంటే..

1. మొదట మీ మొబైల్‌లో +917977111111 నెంబర్ ను సేవ్ చేయండి
2. పైన పేర్కొన్న మొబైల్ నెంబర్ సందేశ పెట్టెలో ‘హాయ్’ అనే సందేశం పంపండి
3. ఆ తరువాత చాట్‌బాట్ అసిస్టెంట్‌కు ప్రశ్నలు పంపండి.
4. మీరు ప్రశ్నలను పంపిన తర్వాత ఒక మెసేజ్ వస్తుంది.
5. అందులో మీకు ఎంపికల మెనూ ఉంటుంది.
6. మీకు అవసరమైన ఎంపికను చేసుకోవడం ద్వారా మీరు మీ సందేహాలను తీర్చుకోగలుగుతారు.

Also Read: Hero MotoCorp: మోటార్ సైకిళ్ల ధరలను పెంచనున్న హీరో మోటోకార్ప్..ఇకపై హీరో బైక్ లు మరింత ప్రియం కానున్నాయి

Jet Airways: ఈ ఏడాది చివరిలో మళ్లీ కార్యకలాపాలు సాగించనున్న జెట్‌ ఎయిర్‌వేస్‌ విమానాలు..!