Ratan Tata: రతన్ టాటా 83 ఏళ్ల వయస్సులో ఒంటరిగా 150 కి.మీ ప్రయాణం.. ఎందుకో తెలిస్తే అవాక్కవాల్సిందే!

Ratan Tata: అది 2021 జనవరి. అప్పుడు రతన్‌ టాటాకు 83 ఏళ్లు. ఆ సమయంలో రతన్ టాటా ఎవ్వరికి తెలియకుండా ఒంటరిగా ముంబై నుండి పూణేకు దాదాపు 150 కి.మీ ప్రయాణించారు. వ్యాపారం కోసమో లేదా అత్యవసర సమావేశం కోసమో కాదు. అనారోగ్యంతో ఉన్న టాటా గ్రూప్ మాజీ ఉద్యోగిని వ్యక్తిగతంగా కలవడమే ఆయన ఏకైక ఉద్దేశ్యం.

ఇది కూడా చదవండి: Post Office: రోజూ రూ.411 చెల్లిస్తే చాలు.. చేతికి రూ.43 లక్షలు.. సూపర్‌ డూపర్‌ స్కీమ్‌!

ఆయనే టాటా గ్రూప్ మాజీ ఉద్యోగి యోగేష్ దేశాయ్. ఆయన టాటా గ్రూప్‌తో దాదాపు 25 సంవత్సరాలుగా అనుబంధం కలిగి ఉన్నారు. అనారోగ్యం కారణంగా యోగేష్ 2019 నుండి మంచం మీద ఉన్నారు. అనారోగ్యంతో ఉన్న యోగేష్ దేశాయ్‌ను చూసుకోవడానికి రతన్ టాటా పూణే వెళ్లారు.

ఇది కూడా చదవండి: Multibagger Stock: ఐదేళ్ల కిందట షేర్‌ ధర 1 రూపాయి.. ఇప్పుడు రూ.98.. బంపర్‌ రిటర్న్‌!

అయితే ఈ సంఘటనకు సంబంధించిన సమాచారం ఎక్కడా ప్రచారం చేయలేదు. రతన్ టాటా ప్రచారకర్త కాదు. కాబట్టి ఈ పర్యటనలో ఆయనతో పాటు మీడియా, కెమెరాలు లేదా భద్రతా గార్డులు ఎవరూ లేరు. పూణేలోని ఫ్రెండ్స్ కాలనీలోని యోగేష్ ఇంటికి రతన్ టాటా ఎవ్వరికి తెలియకుండా చేరుకున్నారు. అక్కడ ఆయన తన మాజీ సహోద్యోగి ఆరోగ్యం గురించి ఆరా తీశారు. యోగేష్, అతని కుటుంబంతో కొంత సమయం గడిపిన తర్వాత రతన్‌ టాటా ముంబైకి తిరిగి వచ్చారు.

టాటా గ్రూప్ లేదా రతన్ టాటా ఈ పర్యటన గురించి ఎక్కడా ప్రచారం చేయలేదు. తరువాత, యోగేష్ దేశాయ్ పరిచయస్తుడు ఈ సంఘటన వివరాలను సోషల్ మీడియాలో పంచుకున్నాడు.

ఇది కూడా చదవండి: 5 ఏళ్లలో అద్భుతాలు చేసిన 15 రూపాయల స్టాక్‌.. రూ.1 లక్షకు రూ.12 కోట్ల రాబడి

ఏ సమయంలోనైనా కంపెనీ ఉద్యోగుల పట్ల రతన్ టాటాకు ఉన్న బాధ్యత స్పష్టంగా కనిపించింది. టాటా సన్స్, రతన్‌ టాటా ఉద్యోగ పదవీకాలం ముగిసిన తర్వాత కూడా కంపెనీ ఉద్యోగుల పట్ల వారి నిబద్ధత చెక్కుచెదరకుండా ఉంది. లాభనష్టాల ఖాతాలు మాత్రమే కాదు, కష్ట సమయాల్లో రతన్ టాటా కంపెనీ మాజీ ఉద్యోగి పక్కన ఉండటం ప్రశంసించాల్సిందే.

ఇది కూడా చదవండి: Electric Scooter: ఒక్కసారి ఛార్జ్ చేస్తే 156 కి.మీ ప్రయాణం.. దీన్ని చూస్తేనే కొనేస్తారు!

మరిన్ని బిజినెస్ వార్తల కోసం ఇక్కడ క్లిక్ చేయండి