PPF Investment: పీపీఎఫ్‌లో ఇన్వెస్ట్‌మెంట్‌ చేస్తున్నారా..? ఈ విధంగా పన్ను ఆదా చేసుకోండి!

పన్ను ఆదా, పెట్టుబడి కోసం మార్కెట్లో డజన్ల కొద్దీ పథకాలు ఉన్నప్పటికీ, పబ్లిక్ ప్రావిడెంట్ ఫండ్ (పీపీఎఫ్‌) ఇప్పటికీ ఉత్తమ ఎంపికగా పరిగణిస్తారు. ఇది మీకు మంచి మొత్తంలో పన్ను ఆదా అవుతుంది. ప్రభుత్వం ప్రస్తుతం పీపీఎఫ్‌పై 7.1% వడ్డీ ఇస్తోంది. వడ్డీ రేట్లు తగ్గినప్పటికీ పీపీఎఫ్‌ అనేక ప్రయోజనాలను కలిగి ఉంది. పన్ను ఆదా కోసం పీపీఎఫ్‌ మంచి ఎంపిక కావడానికి 5 కారణాలు ఉన్నాయంటున్నారు నిపుణులు.

పీపీఎఫ్‌ పథకం ప్రయోజనాలు

1. ఉపాధి, స్వయం ఉపాధి పొందే వ్యక్తులు దీని ప్రయోజనాలను పొందవచ్చు. ఈ పొదుపు పథకంలో ప్రభుత్వం భద్రతకు హామీ ఇస్తుంది. రాబడికి కూడా హామీ ఉంటుంది. ప్రస్తుతం పీపీఎఫ్‌పై వడ్డీ 7.1 శాతంగా ఉంది.
2. పబ్లిక్ ప్రావిడెంట్ ఫండ్ EEE కేటగిరీలో వస్తుంది. ఇందులో పెట్టుబడి పెట్టడం ద్వారా సెక్షన్ 80C కింద మినహాయింపు ప్రయోజనం పొందుతారు. మెచ్యూరిటీపై వడ్డీ ఆదాయం, మెచ్యూరిటీ మొత్తం పూర్తిగా పన్ను రహితం. ఇతర పథకాల గురించి మాట్లాడితే.. మ్యూచువల్ ఫండ్‌లు ఖచ్చితంగా అధిక రాబడిని ఇస్తాయి. అయితే దీర్ఘకాలిక మూలధన లాభాలపై 20 శాతం వరకు పన్ను విధిస్తారు.
ఇవి కూడా చదవండి



Dry Day: జనవరి 22న మద్య షాపులు బంద్‌.. ఏయే రాష్ట్రాల్లో అంటే..



మోడీ సర్కార్‌ శుభవార్త.. మహిళా రైతులకు రూ.12000?



బడ్జెట్‌కు ముందు హల్వా వేడుక ఎందుకు చేస్తారు?



వినియోగదారులకు అలర్ట్‌.. వరుసగా 5 రోజులు బ్యాంకులకు సెలవులు!

3. మీరు ఈ పథకాన్ని 25 సంవత్సరాలు పొడిగించాలనుకుంటే, చివరికి మీకు రూ. 25 లక్షల 8 వేల 284 లభిస్తుంది. ఈ వ్యవధిలో మీ వైపు నుంచి మొత్తం రూ. 912500 డిపాజిట్ చేయాలి. మొత్తానికి రూ.1595784 వడ్డీగా అందుతుంది. అత్యంత ముఖ్యమైన విషయం ఏమిటంటే ఈ మొత్తం పూర్తిగా పన్ను రహితంగా ఉంటుంది.
4. పీపీఎఫ్‌ మెచ్యూరిటీ 15 సంవత్సరాలు. ఆ తర్వాత కూడా 5-5 ఏళ్ల వ్యవధిలో పెంచుకోవచ్చు. మీ వయస్సు 35 సంవత్సరాలు అనుకుందాం. మీరు పదవీ విరమణ కోసం పీపీఎఫ్‌లో పెట్టుబడి పెట్టాలని నిర్ణయించుకున్నారు. మీరు రోజువారీ ప్రాతిపదికన రూ.100 డిపాజిట్ చేస్తారు. అటువంటి పరిస్థితిలో మీకు 60 ఏళ్లు నిండినప్పుడు మీరు మొత్తం రూ. 25 లక్షలు పొందుతారు. ఇది పూర్తిగా పన్ను రహితంగా ఉంటుంది.
5. పీపీఎఫ్‌ పెట్టుబ‌డుల‌పై వ‌చ్చే వ‌డ్డీకి ప‌న్ను రహితంగా ఉండ‌టమే కాకుండా, ఆదాయ‌పు ప‌న్ను చ‌ట్టంలోని సెక్షన్ 80సి కింద పీపీఎఫ్ ఇత‌ర ప‌న్ను ప్రయోజనాలను కూడా అందిస్తుంది. ఉదాహరణకు, మీరు ఒక ఆర్థిక సంవత్సరంలో ప్రతి సంవత్సరం రూ.1.5 లక్షల మొత్తాన్ని పెట్టుబడిగా పెడితే, మీరు ఆదాయపు పన్ను మినహాయింపును క్లెయిమ్ చేయవచ్చు. పీపీఎఫ్‌ చాలా ప్రయోజనాలతో వచ్చినప్పటికీ, ఈ పథకం ఏకైక ప్రతికూలత ఏమిటంటే దీనికి 15 సంవత్సరాల లాక్-ఇన్ పీరియడ్ ఉంది. ఇది చాలా సుదీర్ఘ కాలం. ఇది 5 సంవత్సరాల తర్వాత మొత్తాన్ని విత్‌డ్రా చేసుకోవడానికి మిమ్మల్ని అనుమతించినప్పటికీ, మీరు పీపీఎఫ్‌ ఖాతాను తెరిచిన తేదీ నుండి 1 శాతం వడ్డీని చెల్లించాలి.

మరిన్ని బిజినెస్ వార్తల కోసం ఇక్కడ క్లిక్ చేయండి