PM Kisan: రైతులకు గుడ్న్యూస్.. ఖాతాల్లోకి 12వ విడత పీఎం కిసాన్ డబ్బులు.. ఎప్పుడు అంటే..!
మోడీ సర్కార్ అధికారంలోకి వచ్చాక రైతులకు ఎన్నో పథకాలను ప్రవేశపెడుతోంది. కేంద్రం ప్రవేశపెట్టిన పథకాల్లో పీఎం కిసాన్..
Updated on: Oct 02, 2022 | 9:10 PM
మోడీ సర్కార్ అధికారంలోకి వచ్చాక రైతులకు ఎన్నో పథకాలను ప్రవేశపెడుతోంది. కేంద్రం ప్రవేశపెట్టిన పథకాల్లో పీఎం కిసాన్ సమ్మాన్ నిధి యోజన స్కీమ్ ఒకటి. ఈ స్కీమ్ ద్వారా రైతులు ఏడాదికి రూ.6000 చొప్పున అందుకోవచ్చు. ఏడాదిలో రూ.2000 చొప్పున మూడు విడతల్లో రైతుల ఖాతాల్లో జమ అవుతుంది. ఇప్పటి వరకు రైతులకు 11వ విడత డబ్బులు అందుకోగా, ఇప్పుడు 12వ విడత రానుంది. ఈ డబ్బులు సెప్టెంబర్ చివరి నాటికి వస్తాయని వార్తలు వచ్చినా.. కాస్త ఆలస్యం అయ్యే అవకాశం ఉంది. తర్వాత అక్టోబర్ 2 రైతుల ఖాతాల్లో జమ అవుతాయని కూడా పుకార్లు వచ్చినా.. డబ్బులు జమ కాలేదు. ఇప్పుడు మరో విషయం వినిపిస్తోంది. 12వ విడత డబ్బులు అక్టోబర్ 10వ తేదీలోపు వచ్చే అవకాశం ఉందని తెలుస్తోంది. అయితే ఇప్పటి వరకు ఏ తేదీన రైతు ఖాతాల్లో జమ చేస్తారనే విషయం ఇంకా కేంద్రం అధికారికంగా వెల్లడించలేదు.
మోడీ ప్రభుత్వం రైతులకు ఆర్థికంగా సాయం చేసేందుకు 2019లో పీఎం కిసాన్ పథకాన్ని అందుబాటులోకి తీసుకువచ్చింది. అయితే ఈ పథకంలో భాగంగా కేంద్ర ప్రభుత్వం రైతుల కోసం కొన్ని ప్రత్యేక నంబర్లను కేటాయించింది. ఈ నంబర్ల ద్వారా రైతులు పూర్తి సమాచారం తెలుసుకోవచ్చు. అయితే అగ్రికల్చర్ ఇండియా తన అధికారిక ట్వీట్లో దేశంలోని రైతులు పీఎం కిసాన్ యోజన స్కీమ్ కోసం దరఖాస్తు చేసుకున్నట్లయితే దరఖాస్తు స్థితిని తెలుసుకునేందుకు ఓ నంబర్ను ఏర్పాటు చేసింది. దరఖాస్తు చేసుకున్న రైతులు155261 నంబర్కు కాల్ చేయడం ద్వారా దరఖాస్తు స్థితితో పాటు ఇన్స్టాల్మెంట్ అప్డేట్ గురించి తెలుసుకోవచ్చు.
ఖాతాలో తనిఖీ చేసుకోండిలా..
☛ ముందుగా మీరు అధికారిక వెబ్సైట్ కి వెళ్లాలి
☛ దీని తర్వాత మీరు కుడి వైపున ‘ఫార్మర్స్ కార్నర్’ ఎంపికను చేసుకోవాలి.
☛ మీరు ‘బెనిఫిషియరీ స్టేటస్’ ఆప్షన్పై క్లిక్ చేయాలి.
☛ ఇక్కడ కొత్త పేజీ ఓపెన్ అవుతుంది.
☛ ఇప్పుడు మీరు మీ ఆధార్ నంబర్, బ్యాంక్ ఖాతా నుండి ఏదైనా ఒక ఎంపికను ఎంచుకోవాలి. తర్వాత డేటాపై క్లిక్ చేస్తే వివరాలు వస్తాయి.
మరిన్ని బిజినెస్ వార్తల కోసం ఇక్కడ క్లిక్ చేయండి
