Petrol Diesel Price: అంతర్జాతీయ మార్కెట్‌లో పెరిగినా దేశీయంగా పెరగని చమురు ధరలు.. మన రాష్ట్రంలో మాత్రం..

Petrol-Diesel Rates Today: పెట్రో ధరల్లో ఎలాంటి మార్పు కనిపించలేదు. దేశవ్యాప్తంగా పెట్రోలు, డీజిల్ ధరలు నేటికి 95వ రోజుగా ఎలాంటి మార్పు లేదు. గతేడాది నవంబర్ 4 నుంచి మన దేశంలో ఇంధన ధరలు స్థిరంగా ఉన్నాయి. మరోవైపు అంతర్జాతీయ మార్కెట్‌లో ముడిచమురు ధరలు క్రమంగా పెరుగుతున్నాయి.  చమురు ధరలు స్థిరంగా ఉంటే తెలుగు రాష్ట్రాల్లో మాత్రం వ్యత్యాసాలున్నాయి. ఇండియన్ ఆయిల్ (IOCL) పెట్రోల్, డీజిల్ కొత్త రేట్లను ఆదివారం తాజాగా విడుదల చేసింది. మెట్రో నగరాల్లో పెట్రోల్‌, డీజిల్‌ ధరలు స్థిరంగా ఉండగా.. తెలంగాణ, ఆంధ్రప్రదేశ్‌ రాష్ట్రాల్లోని చాలా చోట్ల ధరల్లో హెచ్చుతగ్గులు కనిపించాయి. అంతర్జాతీయ మార్కెట్‌లో ముడి చమురు ధరలు వేగంగా పెరుగుతున్నాయి. ఈ వివరాలను వెబ్ సైట్  అందించిన సమాచారం ప్రకారం మీ కోసం..

ముడి చమురు ధరలు పెరుగుతున్నాయి.. దేశంలో ఇంధన ధరలు స్థిరంగా ఉన్నాయి

సాధారణంగా క్రూడ్ ఆయిల్ ధర పెరిగినప్పుడు పెట్రోల్, డీజిల్ కాకుండా వందలాది వస్తువుల ధరలు పెరుగుతాయి, అయితే ప్రస్తుతం భారతదేశంలో ముడి చమురు ధరలు పెరిగినప్పటికీ, పెట్రోల్ మరియు డీజిల్ ధరలు స్థిరంగా ఉన్నాయి. అందుకే దేశంలోని అన్ని నగరాలు, గ్రామాలు, జిల్లాల్లో పెట్రోల్, డీజిల్ పాత ధరలకే విక్రయిస్తున్నారు. ముడి చమురు సుమారు రెండు వేల వస్తువులలో ముడి పదార్థంగా ఉపయోగించబడుతుందని మీకు తెలియజేద్దాం. అందువల్ల, ముడి చమురు ధరలు పెరిగినప్పుడు, పెట్రోల్-డీజిల్ మాత్రమే కాకుండా అనేక ఇతర వస్తువుల ధరలు కూడా పెరుగుతాయి.

ఆదివారం ముడి చమురు ధరల్లో ఎలాంటి మార్పు లేదు

ఆదివారం, ఫిబ్రవరి 6, WTI క్రూడ్ ధరలు $92.31 వద్ద మరియు బ్రెంట్ క్రూడ్ $93.27 వద్ద ఉన్నాయి. ఫిబ్రవరి 5, శనివారం కూడా ముడి చమురు ధరలు ఒకే విధంగా ఉన్నాయి. అయితే, ఫిబ్రవరి 4న WTI క్రూడ్ ధర $ 90.92, బ్రెంట్ క్రూడ్ ధర $ 91.59.

తెలంగాణలోని ప్రధాన నగరాల్లో పెట్రోల్, డీజిల్ ధరలు.. 

తెలంగాణ రాజధాని హైదరాబాద్‌లో లీటర్ పెట్రోల్ ధర రూ. 108.20గా ఉంది. ఇదే సమయంలో లీటర్ డీజిల్ ధర రూ.94.62గా ఉంది. కరీంనగర్‌లో లీటర్ పెట్రోల్ ధర రూ.108.39గా ఉండగా.. లీటర్ డీజిల్ ధర ధర రూ.94.79గా ఉంది. ఖమ్మంలో పెట్రోల్ ధర రూ. 108.12గా ఉండగా.. డీజిల్ ధర రూ.94.52గా ఉంది. మెదక్‌లో లీటర్ పెట్రోల్ ధర రూ.109.39గా ఉండగా.. డీజిల్ ధర రూ.95.72గా ఉంది. రంగారెడ్డి జిల్లాలో లీటర్ పెట్రోల్ ధర రూ. 109.49 ఉండగా.. డీజిల్ ధర రూ.94.62గా ఉంది. వరంగల్‌లో లీటర్ పెట్రోల్ ధర రూ. 107.69పలుకుతుండగా.. లీటర్ డీజిల్ ధర రూ.94.14గా ఉంది.

ఆంధ్రప్రదేశ్‌లోని ప్రధాన నగరాల్లో పెట్రోల్, డీజిల్ ధరలు.. 

విజయవాడలో లీటర్ పెట్రోల్ రూ.110.65కు లభిస్తుండగా.. లీటర్ డీజిల్ ధర రూ.96.69లకు లభిస్తోంది. విశాఖపట్నంలో పెట్రోల్ ధర రూ.109.92 ఉండగా.. డీజిల్ ధర రూ. 95.34గా ఉంది. విజయనగరంలో లీటర్ పెట్రోల్ ధర రూ.110.84లకు లభిస్తుండగా.. డీజిల్ ధర రూ.96.84గా ఉంది. కృష్ణా జిల్లాలో లీటర్ పెట్రోల్ ధర రూ. 110.92గా ఉండగా.. డీజిల్ ధర రూ.96.97గా ఉంది. గుంటూరు జిల్లాలో లీటర్ పెట్రోల్ రూ.110.65లకు లభిస్తుండగా.. డీజిల్ రూ.96.69లకు లభిస్తోంది.

దేశ వ్యాప్తంగా పెట్రోల్, డీజిల్ ధరలు..

దేశ రాజధాని ఢిల్లీలోని లీటర్ పెట్రోల్ ధర రూ.95.41 గా ఉండగా.. లీటర్ డీజిల్ ధర రూ. 86.67 లకు లభిస్తోంది. ఇదే సమయంలో దేశ ఆర్థిక రాజధాని ముంబైలో లీటర్ పెట్రోల్ ధర రూ.109.98కు లభిస్తుండగా.. లీటర్ డీజిల్ ధర రూ.94.14 ఉంది. కోల్‌కతాలో పెట్రోల్ ధర రూ.104.67 చొప్పున ఉండగా.. డీజిల్ ధర రూ. 89.79 గా ఉంది. చెన్నైలో పెట్రోల్ ధర రూ. 101.40 ఉండగా.. డీజిల్ ధర రూ.91.43గా ఉంది. బెంగళూరులో లీటర్ పెట్రోల్ ధర రూ.100.58 పలుకుతుండగా.. డీజిల్ ధర రూ.85.01గా ఉంది. లక్నోలో లీటర్ పెట్రోల్ ధర రూ. 95.28 ఉండగా.. లీటర్ డీజిల్ ధర రూ.86.80గా ఉంది.

ఇవి కూడా చదవండి: ICC U19 World Cup: ప్రపంచ ఛాంపియన్‌గా భారత్ యువ తేజాలు.. మీమ్స్‌తో ఎంజాయ్ చేస్తున్న టీమిండియా ఫ్యాన్స్..

Modi in Hyderabad: ప్రధాని మోడీ హైదరాబాద్ పర్యటనకు సీఎం కేసీఆర్ దూరం.. ఇంతకీ గులాబీ దళపతి వ్యూహమేంటి?