UPI Payment: డెబిట్ కార్డుకు బదులు ఆధార్ కార్డుతో యూపీఐ సెటప్.. స్టెప్ బై స్టెప్ ప్రాసెస్ మీకోసం..
నగదు రహిత లావాదేవీల్లో భాగంగా యూపీఐ సేవలను విరివిగా ఉపయోగిస్తున్నారు. అందరికీ స్మార్ట్ఫోన్లు అందుబాటులోకి రావడం, ఇంటర్నెట్ ఛార్జీలు సైతం భారీగా తగ్గడంతో ఈ సేవలను ఉపయోగించుకుంటున్న వారి సంఖ్య పెరుగుతోంది. ఇక చిన్న టీ కొట్టు నుంచి పెద్ద పెద్ద మాల్స్ వరకు యూపీఐ..
Updated on: Nov 16, 2022 | 5:41 PM
నగదు రహిత లావాదేవీల్లో భాగంగా యూపీఐ సేవలను విరివిగా ఉపయోగిస్తున్నారు. అందరికీ స్మార్ట్ఫోన్లు అందుబాటులోకి రావడం, ఇంటర్నెట్ ఛార్జీలు సైతం భారీగా తగ్గడంతో ఈ సేవలను ఉపయోగించుకుంటున్న వారి సంఖ్య పెరుగుతోంది. ఇక చిన్న టీ కొట్టు నుంచి పెద్ద పెద్ద మాల్స్ వరకు యూపీఐ ద్వారా డబ్బులను స్వీకరిస్తున్నారు. దీంతో చేతిలో స్మార్ట్ ఫోన్ ఉన్న ప్రతీ ఒక్కరూ యూపీఐ సేవలను వినియోగించుకుంటున్నారు. ఇదిలా ఉంటే యూపీఐ సేవలను యాక్టివేట్ చేసుకోవాలంటే కచ్చితంగా డెబిట్ కార్డ్ ఉండాలనే విషయం తెలిసిందే.
డెబిట్ కార్డ్ నెంబర్ ద్వారానే యూపీఐని యాక్టివేట్ చేసుకుంటాం. అయితే డెబిట్ కార్డ్ అవసరం లేకుండా ఆధార్ కార్డుతో కూడా యూపీఐని యాక్టివేట్ చేసుకునే అవకాశం కల్పించారు. అయితే ఇందుకోసం.. ఆధార్ కార్డులో రిజిస్టర్ అయిన మొబైల్ నెంబర్, బ్యాంకు ఖాతాకు లింక్ చేసిన మొబైల్ నెంబర్ ఒకటే అయి ఉండాలి. ఇంతకీ ఆధార్ కార్డుతో యూపీఐ సేవలను ఎలా యాక్టివేట్ చేసుకోవచ్చనేగా మీ సందేహం. అందుకోసం ఈ సింపుల్ స్టెప్స్ ఫాలో అయితే సరి..
* ముందుగా మీ ఫోన్లో ఉన్న ఏదైనా యూపీఐ యాప్ను ఓపెన్ చేయాలి.
* అనంతరం యాప్లో ఉండే ‘యాడ్ యూపీఐ ఐడీ’ ఆప్షన్ను సెలక్ట్ చేసుకోవాలి.
* అనంతరం అందులో కనిపించే ‘ఆధార్ బేస్డ్ వెరిఫికేషన్’ను సెలక్ట్ చేసుకొని యాక్సెప్ట్ అండ్ అగ్రీ బటన్పై క్లిక్ చేయాలి.
* తర్వాత మీ ఆధార్ కార్డులో మొదటి 6 నెంబర్లను ఎంటర్ చేయాలి.
* వెంటనే మీ మొబైల్ ఫోన్కి ఓటీపీ వస్తుంది. ఆ ఓటీపీని ఎంటర్ చేయాల్సి ఉంటుంది. దీంతో మీ యూపీఐ యాక్టివేట్ అవుతుంది.
మరిన్ని బిజినెస్ వార్తల కోసం క్లిక్ చేయండి..
