Multibagger Stock: రూ. 1 లక్ష పెట్టుబడితో రూ.19 లక్షల లాభాలు.. 1800 శాతం రాబడి.. ఆ స్టాక్ ఏంటంటే?

రాకేష్ జున్‌జున్‌వాలా పెట్టుబడి పెట్టిన స్టాక్ గురించి ఈ రోజు తెలుసుకుందాం. ఇది పెట్టుబడిదారులకు 1800 శాతం రాబడితో ఔరా అనిపించింది.

Stock market

Venkata Chari |
Updated on: Jul 20, 2022 | 6:30 PM

స్టాక్ మార్కెట్‌లోని చాలా స్టాక్‌లు ఇన్వెస్టర్లకు బంపర్ రిటర్న్స్ ఇస్తూనే ఉన్నాయి. రాకేష్ జున్‌జున్‌వాలా పెట్టుబడి పెట్టిన స్టాక్ గురించి ఈ రోజు తెలుసుకుందాం. ఇది పెట్టుబడిదారులకు 1800 శాతం రాబడిని అందించి, ఔరా అనిపించింది. ఈ షేర్ ధర రూ.28 స్థాయి నుంచి రూ.546 స్థాయికి పెరిగింది. ముకుల్ అగర్వాల్, రమేష్ దమానీ, ఉత్పల్ సేథ్ వంటి పెట్టుబడిదారులతో సహా ఈ స్టాక్‌లో రాకేష్ జున్‌జున్‌వాలా కూడా పెట్టుబడిదారుగా ఉన్నారు.

కేవలం 6 సంవత్సరాలలోనే బంపర్ రిటర్న్స్..

ఈ స్టాక్ పేరు రాఘవ్ ప్రొడక్టవిటీ. ఇది రూ. 1 లక్ష పెట్టుబడిని రూ.19 లక్షలకు చేర్చింది. ఈ కంపెనీ స్టాక్ కేవలం 6 సంవత్సరాలలో పెట్టుబడిదారులకు బంపర్ రాబడిని ఇచ్చింది. మీరు కూడా రాబోయే రోజుల్లో ఈ స్టాక్‌లో డబ్బును పెట్టుబడి పెట్టాలని ఆలోచిస్తున్నట్లయితే, భవిష్యత్తులో కూడా ఇందులో బూమ్ ఉంటుందో లేదో ఇప్పుడు తెలుసుకుందాం..

ఇవి కూడా చదవండి

ఆగస్ట్ 2021 నుంచి కన్సాలిడేషన్ దశలో ఉన్న ఈ స్టాక్‌ బలంగా పుంజుకుంది. ఈ మల్టీబ్యాగర్ స్టాక్ గత ఒక నెలలో సత్తా చాటింది. గత నెలలో, ఈ మల్టీబ్యాగర్ స్టాక్ దాదాపు 459 నుంచి 546.50 స్థాయికి పెరిగింది. ఈ కాలంలో దాదాపు 20 శాతం వృద్ధి నమోదైంది. అదే సమయంలో, YTD సమయంలో, మే 2022లో 52 వారాల రికార్డు స్థాయి 1,008.50 నుంచి 434 (దాని 52-వారాల కనిష్టం)కి తిరిగి వచ్చి, గత ఒక సంవత్సరంలో స్టాక్ 5 శాతం రాబడిని మాత్రమే ఇచ్చింది.

ఒక ఇన్వెస్టర్ ఒక నెల క్రితం ఈ స్టాక్‌లో రూ. 1 లక్ష పెట్టుబడి పెడితే రూ.19 లక్షలకు చేర్చింది. అయితే, మీరు ఒక సంవత్సరం క్రితం రూ. 1 లక్ష పెట్టుబడి పెట్టినట్లయితే, మీ డబ్బు 1.05 లక్షలు అవుతుంది. ఒక పెట్టుబడిదారుడు 5 సంవత్సరాల క్రితం ఈ మల్టీబ్యాగర్ స్టాక్‌లో రూ. 1 లక్ష పెట్టుబడి పెట్టినట్లయితే, అతని రూ. 1 లక్ష ఈ రోజు రూ. 6.90 లక్షలకు చేరుకుంది. మీరు ఈ స్టాక్‌లో 6 సంవత్సరాల క్రితం రూ. 28.61 స్థాయిలో కొనుగోలు చేసి ఉంటే, మీ రూ.1 లక్ష పెట్టుబడి ఈరోజు రూ.19 లక్షలకు చేరి ఉండేది.

గమనిక: ఈ కథనంలో అందించిన సమాచారం కేవలం సమాచారం కోసమే. మార్కెట్‌లో పెట్టుబడి పెట్టడం మార్కెట్ నష్టాలకు లోబడి ఉంటుంది. పెట్టుబడిదారుగా డబ్బును పెట్టుబడి పెట్టే ముందు ఎల్లప్పుడూ నిపుణులను సంప్రదించడం చాలా మంచిది.