జన్‌ధన్‌ ఖాతాదారులకు గుడ్‌న్యూస్‌.. ఫిబ్రవరి నుంచి ఆ సౌకర్యాలు లభించే అవకాశం..?

జన్‌ధన్‌ ఖాతాదారులకు గుడ్‌న్యూస్‌.. ఫిబ్రవరి నుంచి ఆ సౌకర్యాలు లభించే అవకాశం..?
Jandhan

Budget 2022: బడ్జెట్ 2022 కోసం ఏర్పాట్లు జరుగుతున్నాయి. కరోనా సంక్షోభం వల్ల ఈ ఏడాది బడ్జెట్ ప్రభుత్వానికి, ప్రజలకు చాలా ముఖ్యమైనది.

uppula Raju

| Edited By: Praveen Sahu

Jan 20, 2022 | 10:23 PM

Budget 2022: బడ్జెట్ 2022 కోసం ఏర్పాట్లు జరుగుతున్నాయి. కరోనా సంక్షోభం వల్ల ఈ ఏడాది బడ్జెట్ ప్రభుత్వానికి, ప్రజలకు చాలా ముఖ్యమైనది. CNBC ఆవాజ్ నివేదిక ప్రకారం.. ఆర్థిక మంత్రి నిర్మలా సీతారామన్ ఫిబ్రవరి 1న బ్యాంకింగ్ రంగానికి పెద్ద ప్రకటన చేయవచ్చు. ఈ బడ్జెట్‌లో జన్ ధన్ యోజన మూడో దశను ప్రారంభించే అవకాశాలు మెండుగా కనిపిస్తున్నాయి. దీని కింద జన్ ధన్ ఖాతాదారులందరికీ డిజిటల్ బ్యాంకింగ్, డోర్ స్టెప్ బ్యాంకింగ్ సౌకర్యాలను కల్పిస్తారు. డిజిటల్ బ్యాంకింగ్ సేవను ప్రవేశపెట్టిన తర్వాత, జన్ ధన్ ఖాతాదారులు మొబైల్ నుంచి బ్యాంకింగ్ సేవలను కూడా పొందుతారు. అటల్ పెన్షన్ యోజన, సుకన్య సమృద్ధి యోజన వంటి పథకాలను కూడా జన్ ధన్ ఖాతాతో అనుసంధానించే అవకాశాలు ఉన్నాయి. జన్ ధన్ ఖాతా నుంచి ఈ పథకాలలో డిపాజిట్లు కూడా చేయవచ్చు. దీంతో ఈ పథకాల పరిధి మరింత పెరగనుంది.

44 కోట్లకు పైగా జన్ ధన్ ఖాతాలు

జన్ ధన్ ఖాతాల కింద 44.33 కోట్ల ఖాతాలు తెరిచారు. ఈ ఖాతాదారులందరిని సుకన్య సమృద్ధి యోజనతో అనుసంధానం చేయడం ప్రభుత్వ ఉద్దేశం. జన్ ధన్ ఖాతాలు చాలా వరకు ప్రభుత్వ బ్యాంకుల్లోనే ఓపెన్ చేశారు. ఇప్పటి వరకు ఈ బ్యాంకు ఖాతాల్లో 1 లక్షా 54 వేల 916 ​​కోట్ల రూపాయలు జమ అయ్యాయి.

ఈ పథకం 2014లో ప్రారంభించారు

ఈ పథకాన్ని 2014లో ప్రారంభించారు. దేశంలోని ప్రజలందరూ బ్యాంకింగ్ వ్యవస్థతో అనుసంధానం అయ్యేలా జన్ ధన్ యోజన ప్రారంభించారు. PMJDY ఖాతాలలో కనీస నిల్వను నిర్వహించాల్సిన అవసరం లేదు. ఈ ఖాతాదారునికి రూపే డెబిట్ కార్డ్ జారీ చేస్తారు. ఇది కాకుండా 2 లక్షల ప్రమాద బీమా అందుబాటులో ఉంటుంది. 10,000 ఓవర్‌డ్రాఫ్ట్ సౌకర్యం కూడా కల్పించారు.

జన్ ధన్ ఖాతా తెరవడానికి పత్రాలు

జన్ ధన్ ఖాతా తెరవడానికి KYC ప్రక్రియ చాలా సరళంగా ఉంటుంది. కింది పత్రాలలో ఏదైనా ఒక దానిని సమర్పించిన తర్వాత మీరు SBI లేదా ఏదైనా ఇతర బ్యాంకులో జన్ ధన్ ఖాతాను ఓపెన్ చేయవచ్చు.

1. పాస్‌పోర్ట్ 2. వాహనం నడపడానికి చట్టబద్ధమైన అర్హత 3. పాన్ కార్డ్ 4. ఆధార్ కార్డ్ 5. ఓటర్ గుర్తింపు కార్డు 6. రాష్ట్ర ప్రభుత్వ ముద్రతో NREGA జారీ చేసిన జాబ్ కార్డ్ 7. కేంద్ర లేదా రాష్ట్ర ప్రభుత్వం, ప్రభుత్వ సంస్థ, వాణిజ్య బ్యాంకు, ప్రభుత్వ ఆర్థిక సంస్థ జారీ చేసిన ID కార్డ్ 8. గెజిటెడ్ అధికారి సంతకంతో ధృవీకరించబడిన ఫోటోతో లేఖ 9. ఈ పత్రాలు ఏవీ లేకపోయినా చిన్న ఖాతాను తెరవవచ్చు. స్వీయ సంతకం లేదా బొటనవేలు ముద్రను కలిగి ఉన్న స్వీయ ధృవీకరణ ఫోటోతో ఒక లేఖ సమర్పిస్తే సరిపోతుంది.

Kia Carence: మొదటిరోజే 7వేలకు పైగా బుకింగ్‌లు.. ఈ కంపెనీ కార్లకి గట్టి పోటీ..?

Aloevera: అలోవెరా జెల్‌ అద్భుత ప్రయోజనాలు.. బరువు తగ్గించడంలో సూపర్..

Travel: ఇండియాలో నిషేధించిన పర్యాటక ప్రాంతాలు ఇవే.. ఇక్కడికి వెళ్లడానికి అనుమతి ఉండదు..

Follow us on

Most Read Stories

Click on your DTH Provider to Add TV9 Telugu