Axis -Max Life: ఈ భారీ బీమా కంపెనీకి రూ. 3 కోట్ల జరిమానా.. కారణం ఏంటో తెలుసా?
యాక్సిస్ బ్యాంక్ మ్యాక్స్ లైఫ్ డీల్‌లో నిబంధనలను ఉల్లంఘించినందుకు మాక్స్ లైఫ్ ఇన్సూరెన్స్ కంపెనీపై బీమా నియంత్రణ, అభివృద్ధి అథారిటీ (ఐఆర్‌డీఏఐ)..
యాక్సిస్ బ్యాంక్ మ్యాక్స్ లైఫ్ డీల్‌లో నిబంధనలను ఉల్లంఘించినందుకు మాక్స్ లైఫ్ ఇన్సూరెన్స్ కంపెనీపై బీమా నియంత్రణ, అభివృద్ధి అథారిటీ (ఐఆర్‌డీఏఐ) అక్టోబర్ 14న మొత్తం రూ.3 కోట్ల జరిమానా విధించింది. యాక్సిస్ బ్యాంక్, మాక్స్ ఫైనాన్షియల్ మధ్య జరిగిన చారిత్రక లావాదేవీ ఐఆర్‌డీఏఐ కోడ్‌ను ఉల్లంఘించడమేనని బీమా నియంత్రణ సంస్థ పేర్కొంది. నిబంధనలను ఉల్లంఘించినందున 21 రోజుల వ్యవధిలో రూ.2 కోట్లు చెల్లించాలని యాక్సిస్ బ్యాంకును ఆదేశించింది.
అథారిటీ ఆదేశాలకు విరుద్ధంగా బీమా సంస్థ (మ్యాక్స్ లైఫ్ ఇన్సూరెన్స్ కంపెనీ లిమిటెడ్) ప్రమోటర్లు/షేర్‌హోల్డర్‌లతో షేర్ల బదిలీ చేయడం ద్వారా, యాక్సిస్ బ్యాంక్ లిమిటెడ్ కార్పొరేట్ ఏజెంట్ కమీషన్ లేదా రెమ్యునరేషన్ సీలింగ్‌ను అధిగమించినట్లు బీమా నియంత్రణ మండలి పేర్కొంది. 21 రోజుల వ్యవధిలో యాక్సిస్ బ్యాంక్ లిమిటెడ్ ద్వారా రూ.2 కోట్లు చెల్లించాల్సి ఉంటుంది.
షేర్ల బదిలీకి సంబంధించి నిబంధనలను ఉల్లంఘించినందుకు యాక్సిస్ బ్యాంక్‌పై పెనాల్టీ విధించినట్లు ఐఆర్‌డీఏఐ తెలిపింది. ఇదిలా ఉండగా, శుక్రవారం చివరి ట్రేడింగ్ సమయంలో యాక్సిస్ బ్యాంక్ షేర్లు బిఎస్‌ఇలో 0.19 శాతం తగ్గి రూ.800.70 వద్ద ట్రేడవుతుండగా, మాక్స్ ఫైనాన్షియల్ సర్వీసెస్ షేర్లు 2.46 శాతం తగ్గి రూ.720.65 వద్ద ట్రేడవుతున్నాయి. గత సంవత్సరం సుదీర్ఘ నిరీక్షణ తర్వాత విభిన్నమైన మాక్స్ గ్రూప్ మాక్స్ లైఫ్ ఇన్సూరెన్స్ కంపెనీలో 13 శాతం వాటాను దేశంలోని మూడవ అతిపెద్ద ప్రైవేట్ రంగ రుణదాత అయిన యాక్సిస్ బ్యాంక్‌కు విక్రయించింది. ఇది బీమా సంస్థ సహ-ప్రమోటర్‌గా మారింది.
ఐఆర్‌డీఏఐ అధికారిక ఆమోదం:
మాక్స్ ఫైనాన్షియల్ సర్వీసెస్ – మాక్స్ లైఫ్ హోల్డింగ్ కంపెనీ, రెగ్యులేటరీ ఫైలింగ్ ప్రకారం.. బీమా సంస్థలో 12.99 శాతం వాటాను యాక్సిస్ బ్యాంక్, దాని అనుబంధ సంస్థలైన యాక్సిస్ క్యాపిటల్, యాక్సిస్ సెక్యూరిటీస్ లిమిటెడ్‌కు విక్రయించింది. గత ఏడాది ఫిబ్రవరిలో ఐఆర్‌డీఏఐ అధికారికంగా ఆమోదం తెలిపింది. ఒప్పందం ప్రకారం, రెగ్యులేటరీ ఆమోదానికి లోబడి, ఒకటి లేదా అంతకంటే ఎక్కువ విడతల్లో మ్యాక్స్ లైఫ్‌లో అదనంగా 7 శాతం వాటాను పొందేందుకు యాక్సిస్ ఎంటిటీలకు అర్హత ఉంది. యాక్సిస్ ఎంటిటీలకు చెందిన ముగ్గురు నామినీ డైరెక్టర్లు మ్యాక్స్ లైఫ్ డైరెక్టర్ల బోర్డులో భాగం కావాలి.
మరిన్ని బిజినెస్ వార్తల కోసం ఇక్కడ క్లిక్ చేయండి
