AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Indian Railways: తత్కాల్ టికెట్ క్యాన్సిల్ చేస్తే ఎంత డబ్బు కట్ అవుతుంది? రైల్వే రీఫండ్ రూల్స్ ఇవే!

Indian Railways: తత్కాల్ టిక్కెట్ బుక్ చేసిన వెంటనే కన్ఫర్మ్ అయితే, రద్దు చేసినప్పుడు ఎలాంటి రీఫండ్ లభించదు. ఒకవేళ టిక్కెట్ వెయిటింగ్ లిస్ట్‌లో ఉంటే, నిబంధనల ప్రకారం, రూ. 60 ఛార్జీలతో పాటు ట్యాక్స్‌ మినహాయించిన తర్వాత అసలు చెల్లింపు ఖాతాకు డబ్బు వాపసు అవుతుంది..

Indian Railways: తత్కాల్ టికెట్ క్యాన్సిల్ చేస్తే ఎంత డబ్బు కట్ అవుతుంది? రైల్వే రీఫండ్ రూల్స్ ఇవే!
ఆర్‌ఏసీ టిక్కెట్లను నిజంగానే నిలిపివేస్తారా?: ఆర్‌ఏసీ వ్యవస్థను నిలిపివేయడంపై రైల్వే మంత్రిత్వ శాఖ ఇంకా ఎలాంటి తుది నిర్ణయం ప్రకటించలేదు. ఈ విషయంలో అధికారుల సూచనలు, వ్యవస్థ సమీక్ష కొనసాగుతున్నాయి. ఈ ప్రతిపాదనకు ఆమోదం లభిస్తే, రైలులో బెర్త్‌ల కేటాయింపు, వెయిటింగ్ లిస్ట్ ప్రయాణికుల ప్రయాణ ఏర్పాట్లలో పెద్ద మార్పులు చోటుచేసుకోవచ్చు. ప్రస్తుతం వందే భారత్ స్లీపర్ రైళ్లలో ఆర్‌ఏసీ సౌకర్యం అందుబాటులో లేదనేది గమనార్హం. వీటిలో ప్రయాణికులకు కన్ఫర్మ్డ్ బెర్త్ లేదా వెయిటింగ్ లిస్ట్ టిక్కెట్లు ఇస్తారు.
Subhash Goud
|

Updated on: Oct 26, 2026 | 9:09 PM

Share

Indian Railways: చాలా మంది ప్రయాణికులు తమ రైలు ప్రయాణంలో కన్ఫర్మ్ అయిన టికెట్ దొరకనప్పుడు తత్కాల్ టికెట్లను బుక్ చేసుకుంటారు. కానీ వెయిటింగ్ లిస్ట్ అలాగే ఉంటే, వారు దానిని రద్దు చేసుకోవలసి వస్తుంది. తత్కాల్ వెయిటింగ్ టికెట్‌ను రద్దు చేసుకుంటే పూర్తి రీఫండ్ వస్తుందా, లేదా రైల్వే ఏదైనా రుసుము తగ్గిస్తుందా అని చాలా మంది టెన్షన్‌ పడుతుంటారు.

నియమాలపై సరైన అవగాహన లేకపోవడం వల్ల ప్రయాణికులు తరచుగా ఆర్థిక నష్టాలను చవిచూస్తుంటారు. భారతీయ రైల్వే నిబంధనల ప్రకారం, తత్కాల్ టిక్కెట్లు, సాధారణ టిక్కెట్ల రద్దు ఛార్జీలలో స్వల్ప వ్యత్యాసం ఉంటుంది. తత్కాల్ వెయిట్‌లిస్టెడ్ టిక్కెట్ల కోసం రైల్వే వసూలు చేసే రద్దు ఛార్జీల మొత్తం, దీనికి సంబంధించిన నియమాలను తెలుసుకుందాం.

తత్కాల్ వెయిటింగ్ టికెట్‌ను రద్దు చేస్తే రీఫండ్ లభిస్తుందా?

ఒకవేళ మీ తత్కాల్ టిక్కెట్ వెయిటింగ్ లిస్ట్‌లో ఉండి, చార్ట్ సిద్ధం కాకముందే మీరు దానిని రద్దు చేసుకుంటే కొంత మొత్తం మినహాయించిన తర్వాత మీకు వాపసు లభిస్తుంది. తత్కాల్ వెయిటింగ్ టిక్కెట్ల విషయంలో అన్ని క్లాసులలో (అంటే స్లీపర్, ఏసీ మొదలైనవి) సమాన మొత్తం కట్‌ అవుతుందని గమనించండి.

తత్కాల్ వెయిటింగ్ టిక్కెట్‌ను రద్దు చేయడానికి వర్తించే నియమాలు ఏమిటి?

  • చార్ట్ తయారైన తర్వాత కూడా మీ టిక్కెట్ వెయిటింగ్ లిస్ట్‌లో ఉంటే, ఈ-టిక్కెట్ స్వయంచాలకంగా రద్దు చేసిన వాపసు మొత్తం మీ బ్యాంక్ ఖాతాకు జమ చేస్తారు.
  • కౌంటర్ టిక్కెట్ విషయంలో రైలు బయలుదేరే నిర్ణీత సమయానికి కనీసం 30 నిమిషాల ముందు కౌంటర్‌కు వెళ్లి ఆ టిక్కెట్‌ను రద్దు చేసుకోవాలి.

తత్కాల్ వెయిటింగ్ టికెట్‌పై ఎంత రద్దు ఛార్జీ కట్‌ అవుతుంది?

భారతీయ రైల్వే నిబంధనల ప్రకారం, ప్రతి ప్రయాణికుడి నుండి ఒక నిర్ణీత రద్దు రుసుము (క్లరికల్ ఛార్జ్) కట్‌ అవుతుంది. తత్కాల్ టిక్కెట్ వెయిటింగ్ లిస్ట్‌లో ఉన్నట్లయితే, టిక్కెట్‌ను రద్దు చేసినప్పుడు, రూ. 60 ఛార్జీలు, పన్ను మినహాయించిన తర్వాత మిగిలిన మొత్తం వాపసు అవుతుంది.

తత్కాల్ కన్ఫర్మ్డ్, వెయిట్‌లిస్టెడ్ టిక్కెట్ల రద్దు మధ్య వ్యత్యాసం

తత్కాల్ టిక్కెట్ బుక్ చేసిన వెంటనే కన్ఫర్మ్ అయితే, రద్దు చేసినప్పుడు ఎలాంటి రీఫండ్ లభించదు. ఒకవేళ టిక్కెట్ వెయిటింగ్ లిస్ట్‌లో ఉంటే, నిబంధనల ప్రకారం, రూ. 60 ఛార్జీలతో పాటు ట్యాక్స్‌ మినహాయించిన తర్వాత అసలు చెల్లింపు ఖాతాకు డబ్బు వాపసు అవుతుంది.

ఇది కూడా చదవండి: Indian Railways: రైల్వే దీపావళి కానుక.. ఇక వారికి కూడా 45 పైసలకే రూ.10 లక్షల బీమా..!

ఇది కూడా చదవండి: Hyderabad Metro: హైదరాబాద్‌ మెట్రో ఫేజ్‌ -2కు కేంద్రం గ్రీన్‌ సిగ్నల్‌

మరిన్ని బిజినెస్ వార్తల కోసం ఇక్కడ క్లిక్ చేయండి

Follow Us