Special FD: ఈ రెండు బ్యాంకులలో ప్రత్యేక ఎఫ్‌డీ స్కీమ్‌.. దగ్గర పడుతున్న గడువు
మీరు ఫిక్స్డ్ డిపాజిట్ స్కీమ్‌లో పెట్టుబడి పెట్టాలనుకుంటే, ఇది మీకు సువర్ణావకాశం. దేశంలోని రెండు పెద్ద ప్రభుత్వ రంగ బ్యాంకులైన ఇండియన్ బ్యాంక్, ఐడిబిఐ బ్యాంక్ స్పెషల్ ఎఫ్‌డి స్కీమ్‌ల ప్రత్యేక ఎఫ్‌డి పథకంలో పెట్టుబడులకు గడువు అక్టోబర్ 31తో ముగియనుంది. ఈ రెండు బ్యాంకుల ప్రత్యేక ఫిక్స్డ్ డిపాజిట్‌లలో పెట్టుబడి పెట్టడం ద్వారా, మీరు సాధారణ కాలవ్యవధి కంటే ఎక్కువ వడ్డీ రేట్ల ప్రయోజనాన్ని పొందుతారు..
Updated on: Oct 22, 2023 | 10:16 AM
దేశంలోని వివిధ బ్యాంకుల్లో ప్రత్యేక ఫిక్స్డ్ డిపాజిట్ పథకాలు (ఎఫ్‌డీ)లు ఎన్నో ఉన్నాయి. ఒక్కో బ్యాంకు ఒక్కో విధంగా వడ్డీ రేట్లను అందిస్తున్నాయి. అయితే కొన్ని బ్యాంకులు ప్రత్యేక ఆఫర్లను ప్రకటిస్తూ అధిక వడ్డీ రేట్లను ఇస్తుంటాయి. మీరు ఫిక్స్డ్ డిపాజిట్ స్కీమ్‌లో పెట్టుబడి పెట్టాలనుకుంటే, ఇది మీకు సువర్ణావకాశం. దేశంలోని రెండు పెద్ద ప్రభుత్వ రంగ బ్యాంకులైన ఇండియన్ బ్యాంక్, ఐడిబిఐ బ్యాంక్ స్పెషల్ ఎఫ్‌డి స్కీమ్‌ల ప్రత్యేక ఎఫ్‌డి పథకంలో పెట్టుబడులకు గడువు అక్టోబర్ 31తో ముగియనుంది. ఈ రెండు బ్యాంకుల ప్రత్యేక ఫిక్స్డ్ డిపాజిట్‌లలో పెట్టుబడి పెట్టడం ద్వారా, మీరు సాధారణ కాలవ్యవధి కంటే ఎక్కువ వడ్డీ రేట్ల ప్రయోజనాన్ని పొందుతారు. రెండు బ్యాంకుల ఎఫ్‌డీ పథకాల వడ్డీ రేట్ల గురించి తెలుసుకుందాం.
ఐడీబీఐ బ్యాంక్ ప్రత్యేక ఎఫ్‌డీ పథకం:
ఐడీబీఐ బ్యాంక్ తన కస్టమర్ల కోసం 375, 444 రోజుల ప్రత్యేక ఫిక్స్డ్ డిపాజిట్ పథకాన్ని ప్రారంభించింది. మీరు ఈ పథకం కింద అక్టోబర్ 31, 2023 వరకు పెట్టుబడి పెట్టవచ్చు. ఐడీబీఐ బ్యాంక్ 375 రోజుల ఎఫ్‌డీ పేరు అమృత్ మహోత్సవ్ ఎఫ్‌డీ పథకం. ఈ పథకం కింద సాధారణ పౌరులకు 7.10 శాతం వడ్డీ రేటు, సీనియర్ సిటిజన్లకు 7.60 శాతం వడ్డీ రేటు లభిస్తుంది. 444 రోజుల ఎఫ్‌డీ పథకం కింద, సాధారణ ప్రజలకు 7.15 శాతం వడ్డీ రేటు, సీనియర్ సిటిజన్లకు 7.65 శాతం వడ్డీ రేటు లభిస్తోంది.
ఇండియన్ బ్యాంక్ ప్రత్యేక ఎఫ్‌డీ పథకం
ఇండియన్ బ్యాంక్ 400 రోజుల కాలానికి ప్రత్యేక ఎఫ్‌డీ పథకాన్ని ప్రారంభించింది. ఈ పథకం కింద మీరు 400 రోజులకు రూ.10,000 నుండి రూ.2 కోట్ల వరకు పెట్టుబడి పెట్టవచ్చు. ఈ కాలంలో బ్యాంక్ సాధారణ ప్రజలకు 7.25 శాతం వడ్డీ రేటును, సీనియర్ సిటిజన్లకు 7.75 శాతం వడ్డీ రేటును అందిస్తోంది. సూపర్ సీనియర్ సిటిజన్లకు బ్యాంకు డిపాజిట్ మొత్తంపై 8.00 శాతం వడ్డీ రేటును ఇస్తోంది.
ఇండ్ సూపర్ 300 రోజుల ఎఫ్‌డీ పథకం
400 రోజుల పాటు, ఇండియన్ బ్యాంక్ 300 రోజుల ప్రత్యేక ఎఫ్‌డీ పథకాన్ని కూడా ప్రారంభించింది. ఈ పథకం జూలై 1 నుండి ప్రారంభించబడింది. ఈ పథకం కింద రూ.5000 నుంచి రూ.2 కోట్ల వరకు పెట్టుబడి పెట్టవచ్చు. ఈ ఎఫ్‌డీ సాధారణ కస్టమర్లకు 7.05 శాతం వడ్డీ రేటు, సీనియర్ సిటిజన్లు 7.55 శాతం, సూపర్ సీనియర్ సిటిజన్లు 7.80 శాతం వడ్డీ రేటు ప్రయోజనం పొందుతున్నారు. ఈ పథకం అక్టోబర్ 31, 2023 వరకు చెల్లుబాటులో ఉంటుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
