ITR 2020-21: ఐటీ రిటర్న్స్ లాస్ట్ డేట్ వచ్చేస్తోంది.. రిటర్న్స్ దాఖలు చేసేటప్పుడు ఈ విషయాల్లో జరభద్రం.. ఏమిటంటే..

ఈ ఆర్దికసంవత్సరం (2020-21) ఆదాయపు పన్ను రిటర్న్స్ (ITR) ఫైల్ చేయడానికి చివరితేదీ డిసెంబర్ 31. ఐటీఆర్(ITR) ఫైల్ చేసేటప్పుడు మీ ఆదాయం గురించి సరైన సమాచారాన్ని అందించడం అవసరం.

ITR 2020-21: ఐటీ రిటర్న్స్ లాస్ట్ డేట్ వచ్చేస్తోంది.. రిటర్న్స్ దాఖలు చేసేటప్పుడు ఈ విషయాల్లో జరభద్రం.. ఏమిటంటే..
Income Tax Returns
Follow us

|

Updated on: Dec 06, 2021 | 6:01 PM

ITR 2020-21: ఈ ఆర్దికసంవత్సరం (2020-21) ఆదాయపు పన్ను రిటర్న్స్ (ITR) ఫైల్ చేయడానికి చివరితేదీ డిసెంబర్ 31. ఐటీఆర్(ITR) ఫైల్ చేసేటప్పుడు మీ ఆదాయం గురించి సరైన సమాచారాన్ని అందించడం అవసరం. లేకుంటే, ఆదాయపు పన్ను శాఖ మీకు నోటీసు జారీ చేయవచ్చు. ఐటీఆర్ ఫైల్ చేసేటప్పుడు గుర్తుంచుకోవలసిన కొన్ని ముఖ్యమైన విషయాల గురించి ఆర్ధిక రంగ నిపుణులు చెప్పిన వివరాలు తెలుసుకుందాం.

సరైన ITR ఫారమ్‌..

ఆదాయపు పన్ను శాఖ అనేక ఐటీఆర్(ITR) ఫారమ్‌లను సూచించింది. మీరు మీ ఆదాయ వనరు ఆధారంగా మీ ఐటీఆర్ ఫారమ్‌ను జాగ్రత్తగా ఎంచుకోవాలి. లేకుంటే ఆదాయపు పన్ను శాఖ దానిని తిరస్కరిస్తుంది. మీరు ఆదాయపు పన్ను సవరించిన రిటర్న్ u/s 139(5)ని ఫైల్ చేయవలసినదిగా డిపార్ట్మెంట్ మీకు సూచిస్తుంది.

ఆదాయం గురించి సరైన సమాచారం ఇవ్వండి

మీ ఆదాయం గురించి ఎప్పుడూ సరైన సమాచారం ఇవ్వండి . మీరు ఉద్దేశపూర్వకంగా లేదా అనుకోకుండా మీ అన్ని ఆదాయ వనరులను బహిర్గతం చేయకపోతే, మీరు ఆదాయపు పన్ను శాఖ నుంచి నోటీసు అందుకునే చాన్స్ ఉంటుంది. పొదుపు ఖాతాపై వడ్డీ, ఇంటి అద్దె ద్వారా వచ్చే ఆదాయం వంటి సమాచారం కూడా ఇవ్వాలి. ఎందుకంటే ఈ ఆదాయాలు కూడా పన్ను పరిధిలోకి వస్తాయి.

బ్యాంకు ఖాతాల వివరాలను ఇవ్వండి

చాలా మంది ఆ ఆర్థిక సంవత్సరంలో లావాదేవీలు జరిపిన వారి అన్ని బ్యాంకు ఖాతాల వివరాలను ఇవ్వరు. పన్ను చెల్లింపుదారులు తమ పేర్లతో రిజిస్టర్ అయిన అన్ని బ్యాంకు ఖాతాలకు సంబంధించిన సమాచారాన్ని అందించాలని ఆదాయపు పన్ను శాఖ తన చట్టంలో స్పష్టంగా పేర్కొన్నందున అలా చేయడం తప్పనిసరి. పైగా ఇది దాచేడ్డామన్నా దాగని విషయం. ఎందుకంటే, బ్యాంక్ ఎకౌంట్లన్నీ పాన్ కార్డ్ తో అనుసంధానం అయి ఉంటాయి. దాని ద్వారా మీకు ఎన్ని ఎకౌంట్లు ఉన్నాయనే విషయం ఆదాయపు శాఖకు తెలియకుండా ఉండే ఛాన్స్ లేదు.

పన్ను క్రెడిట్ స్టేట్‌మెంట్

ఫారమ్ 26AS లేదా పన్ను క్రెడిట్ స్టేట్‌మెంట్ మీ ఆదాయం నుంచి తీసివేసిన టీడీఎస్(TDS) చెల్లింపునకు స్మాబంధించిన అన్ని వివరాలను అందిస్తుంది. మీ పన్ను వాపసును క్లెయిమ్ చేసే ముందు దీన్ని తప్పకుండా తనిఖీ చేయండి. ఆదాయపు పన్ను రిటర్న్‌ను దాఖలు చేయడానికి ముందు ఫారం 26AS, ఫారం 16/16A నుండి వచ్చే ఆదాయాన్ని పునరుద్దరించవలసిందిగా పన్ను చెల్లింపుదారుని కోరతారు. ఇది పన్ను గణనలో ఏదైనా పొరపాటు నుండి మిమ్మల్ని కాపాడుతుంది. తద్వారా మీరు సరైన పన్ను రిటర్న్‌ను ఫైల్ చేయగలరు.

పన్ను రిటర్న్‌ను ధృవీకరించండి

పన్ను రిటర్న్‌ను ఫైల్ చేసిన తర్వాత తమ పని ముగిసిందని చాలా మంది అనుకుంటారు. అయితే, మీరు దానిని దాఖలు చేసిన తర్వాత పన్ను రిటర్న్‌ను ధృవీకరించాలి. మీరు మీ ఆదాయపు పన్ను ఇ-ఫైలింగ్ పోర్టల్ నుండి మీ పన్ను రిటర్న్‌ను ఇ-ధృవీకరించవచ్చు లేదా CPC-బెంగుళూరుకు దానిని పంపడం ద్వారా కూడా మీరు ధృవీకరించవచ్చు. రిటర్న్‌ను ఫైల్ చేసిన 120 రోజులలోపు వెరిఫికేషన్ చేయకపోతే, మీ ఐటీఆర్(ITR) ఫైల్ చేసినట్లు పరిగణించరు.

బహుమతి సమాచారం ఇవ్వండి

మీరు పండుగలు లేదా మరేదైనా సందర్భంలో బహుమతులు పొందినట్లయితే, మీరు అప్రమత్తంగా ఉండాలి. లేదా ఆదాయపు పన్ను శాఖ నుండి మీకు నోటీసు వచ్చే అవకాశం ఉంది. ఆదాయపు పన్ను నిబంధనల ప్రకారం, మీరు సంవత్సరానికి 50 వేల రూపాయల కంటే ఎక్కువ విలువైన బహుమతిని అందుకున్నట్లయితే, మీరు దానిపై పన్ను చెల్లించాలి. అటువంటి పరిస్థితిలో, ఆదాయపు పన్ను రిటర్న్ దాఖలు చేసేటప్పుడు మీరు దీన్ని గుర్తుంచుకోవాలి.

విదేశీ ఖాతా..

మీకు విదేశాల్లో బ్యాంక్ ఖాతా ఉన్నట్లయితే , ఈ సమాచారాన్ని అందించడం కూడా అవసరం. మీకు మరే దేశంలోనైనా బ్యాంక్ ఖాతా ఉంటే, ఆదాయపు పన్ను రిటర్న్ దాఖలు చేసేటప్పుడు కూడా మీరు ఈ సమాచారాన్ని ఇవ్వాలి. ఆదాయపు పన్ను నిబంధనల ప్రకారం, భారతదేశంలోని పన్ను చెల్లింపుదారులందరూ బ్యాంకు ఖాతాలతో సహా అన్ని విదేశీ ఆస్తుల వివరాలను అందించాలి. మీరు భారతదేశ నివాసి అయితే, ITR 1ని ఉపయోగించడానికి అర్హత కలిగి ఉంటే, మీరు విదేశాలలో ఏవైనా పెట్టుబడులు పెట్టినట్లయితే మీరు ITR 1ని ఉపయోగించకూడదు. మీకు విదేశాల్లో స్టాక్స్ లేదా మ్యూచువల్ ఫండ్స్‌లో పెట్టుబడులు ఉంటే, వివరాలను పూరించేటప్పుడు జాగ్రత్తగా ఉండండి.

మినహాయించిన.. పన్ను రహిత ఆదాయం గురించి తప్పుడు సమాచారం ఇవ్వవద్దు

ఐటీఆర్(ITR) ఫారమ్‌లో అనేక కాలమ్‌లు ఉన్నాయి. ఇక్కడ వ్యవసాయ ఆదాయం, డివిడెండ్, దీర్ఘకాలిక మూలధన లాభంపై మినహాయింపు వివరాలను వివిధ కాలమ్‌లలో ఇవ్వాలి. మినహాయింపు పొందిన ఆదాయం, పన్ను రహిత ఆదాయం గురించి సమాచారాన్ని ఇక్కడ ఇవ్వండి. పన్ను ఎగవేసేందుకు ప్రజలు బోగస్ మినహాయింపులను ఆశ్రయిస్తున్నారు. మీరు మీ ఐటీఆర్ లో ఏదైనా మోసపూరిత మినహాయింపును చూపించినట్లయితే, ప్రస్తుతం మీరు ఆదాయపు పన్ను శాఖ దృష్టిలో ఉన్నారని, మీపై చర్య తీసుకోవచ్చనే విషయాన్ని తెలుసుకోవాలి.

ఇవి కూడా చదవండి: Gaming Experience: స్మార్ట్‌ఫోన్‌లో గేమ్స్ ఆడటం సరదానా.. మంచి గేమింగ్ అనుభవం కోసం ఎటువంటి ఫీచర్లు ఉన్న ఫోన్ కొనాలంటే..

Post Paid Plans: ఎయిర్‌టెల్..వోడాఫోన్ ఐడియా పోస్ట్ పెయిడ్ యూజర్లకు షాక్.. పెరగనున్న ప్లాన్ టారిఫ్‌లు!

Rajnath Singh: రష్యా మంత్రులతో సమావేశంలో చైనా చొరబాట్ల అంశం.. సరిహద్దుల్లో ఆక్రమణలపై కఠినంగా మాట్లాడిన రక్షణ మంత్రి రాజ్‌నాథ్ సింగ్

ఆగిపోయిన ప్రభాస్ మరో సినిమా! డైరెక్టర్ ఎవరో తెలిస్తే షాక్ అవుతారు
ఆగిపోయిన ప్రభాస్ మరో సినిమా! డైరెక్టర్ ఎవరో తెలిస్తే షాక్ అవుతారు
దంచి కొట్టిన కింగ్ కోహ్లీ.. కోల్‌కతా టార్గెట్ ఎంతంటే?
దంచి కొట్టిన కింగ్ కోహ్లీ.. కోల్‌కతా టార్గెట్ ఎంతంటే?
అర‌టిపండే కాదు..అర‌టికాయ తిన్నా అమృతమే..! లాభాలు తెలిస్తే..
అర‌టిపండే కాదు..అర‌టికాయ తిన్నా అమృతమే..! లాభాలు తెలిస్తే..
గేమ్ ఛేంజర్ పాట రెస్పాన్స్ ఎలా ఉంది..? శంకర్ మార్క్ కనిపించిందా.?
గేమ్ ఛేంజర్ పాట రెస్పాన్స్ ఎలా ఉంది..? శంకర్ మార్క్ కనిపించిందా.?
ఏపీలో కాపు సామాజికవర్గాన్ని బీజేపీ పట్టించుకోలేదా? అసలు కారణం
ఏపీలో కాపు సామాజికవర్గాన్ని బీజేపీ పట్టించుకోలేదా? అసలు కారణం
చేపలకోసం వేసిన వలలో చిక్కకున్న భారీ ఆకారం.. వలను విప్పి చూస్తే
చేపలకోసం వేసిన వలలో చిక్కకున్న భారీ ఆకారం.. వలను విప్పి చూస్తే
హెయిర్ స్ట్రెయిట్నింగ్‌ చేయించుకున్న మహిళకు కిడ్నీ ఫెయిల్యూర్..
హెయిర్ స్ట్రెయిట్నింగ్‌ చేయించుకున్న మహిళకు కిడ్నీ ఫెయిల్యూర్..
92.68 శాతం రైతులకు రైతుబంధు నిధులు: మంత్రి తుమ్మల
92.68 శాతం రైతులకు రైతుబంధు నిధులు: మంత్రి తుమ్మల
క్రియేటివిటీకా బాప్ ఈ చాయ్ పే చర్చ 2.0.. సామాన్యుడు టు సెలబ్రిటీ
క్రియేటివిటీకా బాప్ ఈ చాయ్ పే చర్చ 2.0.. సామాన్యుడు టు సెలబ్రిటీ
ఎస్‌బీఐ ఖాతాదారులకు అలర్ట్‌.. ఈ పథకం మార్చి 31తో ముగియనున్న గడువు
ఎస్‌బీఐ ఖాతాదారులకు అలర్ట్‌.. ఈ పథకం మార్చి 31తో ముగియనున్న గడువు