EV Batteries: ఎలక్ట్రిక్ వాహనాలు కూడా చలి కాలంలో ఇబ్బంది పెడతాయా? బ్యాటరీల పనితీరుపై ప్రభావం ఉంటుందా?

తెలుగు రాష్ట్రాల్లో చలి పులి చంపేస్తోంది. విపరీతమైన చలి గాలులు జనాలను ఇబ్బంది పెడుతున్నాయి. అలాగే జనాలు వినియోగించే వాహనాలు కూడా చలి వాతావరణానికి మొరాయిస్తున్నాయి. సాధారణంగా వాహనాల్లో బయటి వాతావరణాన్ని బట్టి కొన్ని మార్పులు చోటు చేసుకుంటాయి. వేడిగా ఉంటే ఓవర్ హీట్ అయిపోవడం, చల్లగా ఉంటే ఇంజిన్ కూల్ అయిపోయి స్టార్ట్ కాకపోవడం జరుగుతుంది. ఇది కేవలం పెట్రోల్, డీజిల్ ఇంజిన్లకే కాదు. బ్యాటరీ వాహనాలు అదేనండి ఎలక్ట్రిక్ వాహనాల్లో కూడా జరుగుతుందని నిపుణులు చెబుతున్నారు. అదేంటి బ్యాటరీ వాహనాల్లో ఇంజిన్ ఉండదు కదా అని ఆలోచిస్తున్నారా? కానీ అధిక చలి, మంచు కారణంగా ఎలక్ట్రిక్ వాహనాల్లో బ్యాటరీలు ప్రభావితం అవుతాయని నిపుణులు వివరిస్తున్నారు. అలాగే అధిక వేడి వాతావరణం కూడా బ్యాటరీలపై తీవ్ర ప్రభావాన్ని చూపిస్తాయట. సాధారణంగా ఎలక్ట్రిక్ వాహనం వెళ్తున్న వేగం, ప్రయాణిస్తున్న భూ భాగం, టైర్లలోని ప్రెజర్ బ్యాటరీ పనితీరుపై ప్రభావం చూపిస్తుంది. అదే విధంగా బయటి వాతావరణానికి కూడా బ్యాటరీలు ప్రభావితం అవుతాయి. అధిక వేడి, లేదా అధిక మంచు రెండూ లిథియం అయాన్ బ్యాటరీలను పాడు చేస్తాయి. వాటి చార్జింగ్, రేంజ్ సామర్థ్యానికి దెబ్బతీస్తాయి. ఎందుకంటే ఇవి బ్యాటరీలోని రసాయనిక ప్రతి చర్యలు మందగించేలా.. లేదా మరింత వేగంగా జరిగేలా చేస్తాయి. దీంతో కాలక్రమేణా బ్యాటరీ సామర్థ్యం తగ్గిపోతుంది. అధిక వేడి నెమ్మదిగా బ్యాటరీ సామర్థ్యాన్ని త్వరగా పాడు చేసేస్తుంది. అయితే చలి వాతావరణం మాత్రం తాత్కాలికంగా ఇబ్బంది కలిగిస్తుంది కానీ, దీర్ఘకాలిక నష్టాన్ని చూపదు. మరి ఇలాంటి సమయంలో ఎలక్ట్రిక్ వాహనాల్లో బ్యాటరీని ఎలా సంరక్షించుకోవాలి? తెలుసుకుందాం..

రేంజ్ పడిపోతుంది..

ఉష్ణోగ్రతలు పడిపోతున్నప్పుడు ఈవీల్లోని బ్యాటరీ సామర్థ్యం తగ్గిపోతుంది. అంటే చార్జ్ చేయడం, చార్జ్ నిలుపుకోవడం రెండూ – క్షీణించబడతాయని నిపుణులు చెబుతున్నారు. ఇవి కూడా మానవ శరీరాల లాంటివేని వివరిస్తున్నారు. అవి నిర్దిష్ట వాతావరణాల్లో ఉత్తమంగా పనిచేస్తాయి. ఉష్ణోగ్రతలు ఆదర్శ శ్రేణి కంటే ఎక్కువగా ఉన్నప్పుడు, కారు బ్యాటరీలోని అయాన్లు వేగాన్ని పెంచుతాయి. ఇది వాటిని యానోడ్ లేదా కాథోడ్‌కు జోడించడం కష్టతరం చేస్తుంది. ఉష్ణోగ్రతలు చాలా తక్కువగా ఉన్నప్పుడు, ఇది రసాయన ప్రతిచర్యలను నెమ్మదిస్తుంది. తద్వారా బ్యాటరీ కలిగి ఉన్న ఛార్జ్ మొత్తాన్ని తగ్గిస్తుంది.

ఈ జాగ్రత్తలు తీసుకోవాలి..

చల్లని వాతావరణంలో ఈవీ బ్యాటరీని సరైన విధానంలో భద్రపరచాల్సి ఉంటుంది. రేంజ్ నష్టాన్ని తగ్గించడానికి, చలి రోజులలో చిక్కుకుపోకుండా ఉండటానికి ఈవీ డ్రైవర్లు కొన్ని జాగ్రత్తలు తీసుకోవాలి.

ఇవి కూడా చదవండి

ఇలా చేస్తే ఎంత వెయిటింగ్ లిస్ట్ ఉన్నా.. టికెట్ పక్కాగా కన్ఫర్మ్

రూ. 50వేల పెట్టుబడి.. రెండేళ్లలో రూ.10లక్షలు రాబడి..

డుగ్గు, డుగ్గు బండి కొత్త లుక్ చూశారా.. లాంచింగ్‌కు ముహూర్తం..

మీ డబ్బును డబుల్ చేసే స్కీమ్ ఇది.. ఒక్కసారి డిపాజిట్ చేస్తే చాలు

ఇంటి లోపల చార్జ్ చేయాలి.. చలికాలంలో కూడా క్లోజ్డ్ గ్యారేజ్ వద్ద బయట గాలి కంటే వెచ్చగా ఉంటుంది. అంటే మీరు మీ కారును లోపల పార్క్ చేసి చార్జింగ్ పెట్టుకోవాలి. ఉష్ణోగ్రతలు క్షీణించినప్పుడు, బహిరంగ పబ్లిక్ ఛార్జర్‌లను ఉపయోగిస్తే అది చార్జ్ అవడానికి అధిక సమయాన్ని తీసుకుంటుంది.

ప్రీ కండీషనింగ్.. మీరు కారులో బయటకు వెళ్లాలనుకున్నప్పుడు ముందుగా దానిని ఆన్ చేసి ఆడించడం మంచిది. మీరు ఇంట్లోనే ఉండి, యాప్ ద్వారా దానిని ఆన్ చేయొచ్చు. అది చార్జింగ్ పెట్టి ఉన్నప్పుడే చేస్తే.. కావాల్సినంత వార్మప్ అవడంతో పాటు బ్యాటరీ చార్జింగ్ ను అది వాడదు. డైరెక్ట్ చార్జింగ్ ప్లగ్ ఇన్ నుంచి వినియోగిస్తుంది.

బ్యాటరీని ఆదా చేయడానికి వేడిని ఆదా చేయండి.. మీరు బ్యాటరీ త్వరగా అయిపోవడం గురించి ఆందోళన చెందుతుంటే, క్యాబిన్ ఉష్ణోగ్రతను కంఫర్ట్ లెవల్స్ కంటే కొంచెం తక్కువగా ఉంచండి. మీకు సమీపంలోని వెంట్లను వేడెక్కించడం వల్ల బ్యాటరీ జీవితకాలం పొడిగించబడుతుంది.

ఛార్జింగ్ ఇన్‌ఫ్రాస్ట్రక్చర్.. శీతల-వాతావరణంలో తక్కువ దూరం డ్రైవింగ్ చేసేవారికి బ్యాటరీ ప్రభావితం చేసే అవకాశం లేనప్పటికీ, మీరు రోడ్ ట్రిప్ లేదా ఇతర సుదూర డ్రైవ్‌ను ప్రారంభించినట్లయితే ఇది మరింత ముఖ్యమైన విషయం. ఆ సందర్భాలలో, పబ్లిక్ ఛార్జర్‌లు ఎక్కడ ఉన్నాయో మీకు తెలుసని నిర్ధారించుకోండి. అలాగే మీ బ్యాటరీ తక్కువ ఛార్జ్‌లో ఉన్నప్పుడు రిమోట్ స్ట్రెచ్‌లను నివారించండి.

ఫాస్ట్ చార్జింగ్ వద్దు.. నెమ్మదిగా ఛార్జింగ్ చేయడం వల్ల ఈవీలు తమ బ్యాటరీలోకి ఎక్కువ జ్యూస్‌ని ప్యాక్ చేయడానికి అనుమతిస్తాయి. అయితే దీన్ని చేయడానికి సమయాన్ని వెచ్చించాలి కాబట్టి ఇబ్బంది. ఫాస్ట్ ఛార్జింగ్ మాత్రమే మీకు ఆప్షన్ అయినప్పుడు కనీసం 20శాతం తక్కువ పరిధిని మీరు అంచనా వేసుకోవాల్సి ఉంటుంది.

మరిన్ని బిజినెస్ వార్తల కోసం ఇక్కడ క్లిక్ చేయండి..