Business Idea: పాత సామాన్లు కొన్నట్లు.. బంగారం కొనే బిజినెస్‌! చిల్లర పెట్టుబడి.. లక్షల ఆదాయం!

పాత స్మార్ట్‌ఫోన్లు కేవలం ఎలక్ట్రానిక్ వ్యర్థాలు మాత్రమే కాదు, వాటిలో స్వల్ప పరిమాణంలో విలువైన లోహాలు కూడా దాగి ఉంటాయి. ముఖ్యంగా బంగారం వంటి లోహాలు సర్క్యూట్ బోర్డులు, కనెక్టర్లు, చిప్‌లలో ఉపయోగిస్తారు. నిపుణుల అంచనా ప్రకారం ఒక స్మార్ట్‌ఫోన్‌లో సగటున 0.02 గ్రాముల నుంచి 0.05 గ్రాముల వరకు బంగారం ఉంటుంది. ఇది చాలా చిన్న పరిమాణమే అయినప్పటికీ, లక్షల సంఖ్యలో ఫోన్లు కలిపితే గణనీయమైన పరిమాణంగా మారుతుంది.

స్మార్ట్‌ఫోన్లలో బంగారం ఉపయోగం కారణం దాని అధిక విద్యుత్ వాహకత (conductivity), తుప్పు పట్టని లక్షణాలు. ముఖ్యంగా మైక్రోచిప్‌లు, సిమ్ స్లాట్‌లు మరియు కనెక్టర్లలో ఈ లోహాన్ని పలుచటి పొరల రూపంలో ఉపయోగిస్తారు. అయితే ఈ బంగారాన్ని స్వయంగా ఇంట్లోనే తీసుకోవడం సులభం కాదు. దీనికి ప్రత్యేక రసాయన ప్రక్రియలు అవసరం అవుతాయి. సాధారణంగా పరిశ్రమల్లో ఎలక్ట్రానిక్ వ్యర్థాల రీసైక్లింగ్ సమయంలో యాసిడ్లు (ఉదాహరణకు అక్వా రీజియా) ఉపయోగించి లోహాలను వేరు చేస్తారు. ఈ ప్రక్రియ ప్రమాదకరమైనదిగా పరిగణించబడుతుంది, ఎందుకంటే విషపూరిత వాయువులు విడుదలయ్యే అవకాశం ఉంది.

ఈ కారణంగా నిపుణులు పాత స్మార్ట్‌ఫోన్లను ఇంట్లో విడదీయడం లేదా బంగారం తీసే ప్రయత్నం చేయకుండా, అధికారిక ఈ-వెస్ట్ రీసైక్లింగ్ కేంద్రాలకు ఇవ్వాలని సూచిస్తున్నారు. భారతదేశంలో అనేక గుర్తింపు పొందిన ఈ-వెస్ట్ రీసైక్లింగ్ సంస్థలు ఈ ప్రక్రియను పర్యావరణానికి హాని కలగకుండా నిర్వహిస్తున్నాయి. మొత్తానికి ఒకే ఫోన్‌లో బంగారం పరిమాణం తక్కువగా ఉన్నప్పటికీ, సరైన రీసైక్లింగ్ ద్వారా ఇది విలువైన వనరుగా మారుతుంది. పర్యావరణ పరిరక్షణతో పాటు, ఈ-వెస్ట్‌ను సక్రమంగా నిర్వహించడం ద్వారా ఆర్థిక లాభాలు కూడా పొందే అవకాశం ఉంది. ఇప్పుడు దీన్నే మీరు బిజినెస్‌గా మార్చుకోవచ్చు. అతి తక్కువ ధరకు పాత పాడైపోయిన స్మార్ట్‌ఫోన్‌లను కొనుగోలు చేసి, వాటి నుంచి బంగారం వేరు చేసే బిజినెస్‌ చేస్తే భారీ ఆదాయం పొందవచ్చు.

మరిన్ని బిజినెస్ వార్తల కోసం ఇక్కడ క్లిక్ చేయండి