Flipkart Sale: : రూ.1 కే ఎలక్ట్రిక్ స్కూటర్… కస్టమర్లకు ఫ్లిప్కార్ట్ బంపర్ ఆఫర్.. కానీ ఆఫర్ వారికి మాత్రమేనట..
వ్యాలెంటైన్స్ వీక్ సేల్లో పాల్గొన్న కస్టమర్లల్లో ఒకరికి రూ.1 కే ఎలక్ట్రిక్ స్కూటర్ను అందిస్తామని ప్రకటిస్తూ సంచలనం సృష్టించింది. అయితే ఈ ఆఫర్ను పొందాలంటే మాత్రం కొన్ని షరత్తులను విధించింది.
Updated on: Feb 13, 2023 | 5:30 PM
ప్రస్తుతం భారతదేశంలో ఈ కామర్స్ రంగం వేగంగా అభివృద్ధి చెందింది. కేవలం ఎలక్ట్రానిక్స్ ఐటమ్స్ కొనుగోలు మాత్రమే పరిమితమవ్వకుండా వివిధ ఉత్పతులను కంపెనీ తమ సైట్స్ లో అమ్మకానికి ఉంచుతున్నారు. సమయానికి తగిన ఆఫర్లను ఇస్తూ వినియోగదారులను ఆకట్టుకోడానికి ఈ కామర్స్ సైట్లు పోటీ పడుతుంటాయి. ఇలాంటి పోటీలో ఎప్పుడూ ముందు ఉండే ప్రముఖ ఈ కామర్స్ దిగ్గజం ఫ్లిప్కార్ట్ మరో కొత్త ఆఫర్తో వినియోగదారు ముందుకొచ్చింది. వ్యాలెంటైన్స్ వీక్ సేల్లో పాల్గొన్న కస్టమర్లల్లో ఒకరికి రూ.1 కే ఎలక్ట్రిక్ స్కూటర్ను అందిస్తామని ప్రకటిస్తూ సంచలనం సృష్టించింది. అయితే ఈ ఆఫర్ను పొందాలంటే మాత్రం కొన్ని షరత్తులను విధించింది. ఆ షరత్తులేంటో? రూ.1 కే స్కూటర్ను పొందాలంటే ఏం చేయాలో? ఓ సారి తెలుసుకుందాం.
ఫ్లిప్కార్ట్ వ్యాలెంటైన్ వీక్లో పాల్గొన్న తన కస్టమర్ల కోసం రూ.1 కే ఒకాయ కంపెనీకు చెందిన ఎలక్ట్రిక్ స్కూటర్ను అందించనుంది. ఒకాయ ఫాస్ట్ ఎఫ్2బి స్కూటర్ను వ్యాలెంటైన్ వీక్లో పాల్గొన్న దాదాపు 1,40,223 మంది కస్టమర్లలో ఎవరికో ఒకరికి ఈ స్కూటర్ను అందిస్తామని పేర్కొంది. వ్యాలెంటైన్ వీక్ సేల్ ఇంకా కొనసాగుతుంది. కాబట్టి వినియోదారులకు తమ అదృష్టాన్ని పరీక్షించుకోవాలని మార్కెట్ వర్గాలు పేర్కొంటున్నాయి. అయితే విజేతల వివరాలను ఓ నెలలో పేర్కొంటామని ఫ్లిప్కార్ట్ తన వెబ్సైట్లో పేర్కొంది. అలాగే ఒకాయ స్కూటర్లపై భారీ డిస్కౌంట్ను కూడా ఫ్లిప్కార్ట్ ఆఫర్ చేస్తుంది. రూ. 5వేల వరకూ తగ్గింపును కస్టమర్లకు అందింస్తుంది. ఫ్రీడమ్ ఎల్ఐ 2, ఫాస్ట్ ఎఫ్2బి, ఫాస్ట్ ఎఫ్ 4 మోడల్స్ స్కూటర్స్పై తగ్గింపు ధర అందుబాటులో ఉంది. ఫాస్ట్ ఎఫ్2బి స్కూటర్ ఓ సారి చార్జ్ చేస్తే 80 కిలోమీటర్ల మైలేజ్ను ఇస్తుంది. అలాగే దీని గరిష్ట వేగం గంటలకు 70 కిలోమీటర్లని మార్కెట్ వర్గాలు పేర్కొంటున్నాయి.
మరిన్ని బిజినెస్ వార్తల కోసం..
