EPFO Marriage Advance: మీరు ఈపీఎఫ్ఓ సభ్యులా..? వివాహం కోసం పీఎఫ్ నుంచి ఎంత డబ్బు విత్డ్రా చేసుకోవచ్చు?
వివాహాల విషయంలో చాలా ఖర్చులు ఉంటాయి. ఇంట్లో కూతురిదో, కుమారునితో పెళ్లి ఉంటే డబ్బుల విషయంలో ముందస్తుగా అప్రమత్తం కావాల్సి ఉంటుంది. ముందుగానే డబ్బు పోగు చేసుకుని ముందుకు వెళ్లాల్సి ఉంటుంది. ఇలాంటి పరిస్థితుల్లో సొంత పెళ్లి అయినా, పిల్లల పెళ్లి..
Updated on: Jun 16, 2023 | 8:34 PM
వివాహాల విషయంలో చాలా ఖర్చులు ఉంటాయి. ఇంట్లో కూతురిదో, కుమారునితో పెళ్లి ఉంటే డబ్బుల విషయంలో ముందస్తుగా అప్రమత్తం కావాల్సి ఉంటుంది. ముందుగానే డబ్బు పోగు చేసుకుని ముందుకు వెళ్లాల్సి ఉంటుంది. ఇలాంటి పరిస్థితుల్లో సొంత పెళ్లి అయినా, పిల్లల పెళ్లి అయినా.. డబ్బును మేనేజ్ చేయడం వేరు. అయితే మీరు కూడా ఈపీఎఫ్వో సబ్స్క్రైబర్ అయితే మీకు డబ్బుల సమస్య చాలా వరకు తగ్గించుకునే అవకాశం ఉంటుంది. ఎందుకంటే ఈ సందర్భాలలో కూడా అడ్వాన్స్ తీసుకునేలా వెసులుబాటు ఈపీఎఫ్వో అందిస్తోంది.
అవసరాల సమయాల్లో సహాయకారిగా..
ప్రైవేట్ రంగంలో పనిచేస్తున్న కోట్లాది మందికి సామాజిక భద్రతకు అతిపెద్ద ఆధారం ప్రావిడెంట్ ఫండ్ (పీఎఫ్). ఇది ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్వో)చే నిర్వహించబడుతుంది. ఇది జీవితంలో అనేక ఆకస్మిక అవసరాల సమయాల్లో సహాయకరంగా ఉంటుందని రుజువు చేస్తుంది. అలాగే ఉద్యోగం నుంచి పదవీ విరమణ చేసిన తర్వాత జీవితానికి హామీ ఇచ్చే మొత్తాన్ని నిర్ధారిస్తుంది.
కరోనా సమయంలో..
ఈపీఎఫ్వో అనేక సందర్భాలలో దాని చందాదారులకు గొప్ప ఉపశమనాన్ని అందిస్తుంది. కరోనా మహమ్మారి సమయంలో ఈపీఎఫ్ఓ తన సభ్యులకు కోవిడ్ అడ్వాన్స్ సౌకర్యాన్ని కూడా ఇచ్చింది. అదేవిధంగా మీరు మీ ఉద్యోగం కోల్పోయినప్పటికీ, మీరు పీఎఫ్ ఉపసంహరణ సౌకర్యం పొందుతారు. అదేవిధంగా, మీరు ఇల్లు కొనాలన్నా, మరమ్మతులు చేయించుకోవాలన్నా, మీ స్వంత వివాహమైనా, పిల్లల వివాహమైనా పీఎఫ్ నుంచి డబ్బు తీసుకోవచ్చు.
ఈపీఎఫ్వో ట్వీట్ ప్రకారం..
ఇటీవలి ట్వీట్లో ఈపీఎఫ్వో వివాహం సందర్భంగా పీఎఫ్ అకౌంట్ నుంచి డబ్బును ఉపసంహరించుకోవడం గురించి వివరణాత్మక సమాచారాన్ని అందించింది. ఈపీఎఫ్వో ట్వీట్ ప్రకారం.. చందాదారుడు తన స్వంత వివాహం లేదా సోదరుడు-సోదరి లేదా కొడుకు-కుమార్తె వివాహం ఉన్నట్లయితే ఈపీఎఫ్వో నుంచి వివాహ అడ్వాన్స్ సౌకర్యాన్ని పొందవచ్చు. దీని కింద, మీ వాటాలో 50 శాతానికి సమానమైన మొత్తాన్ని వడ్డీతో సహా విత్డ్రా చేసుకోవచ్చు.
EPF members can also avail advance for marriage.#AmritMahotsav #epfowithyou #epf #advanceformarriage @PMOIndia @byadavbjp @Rameswar_Teli @LabourMinistry @PIB_India @MIB_India @AmritMahotsav pic.twitter.com/jgfEahztnd
— EPFO (@socialepfo) May 23, 2023
ఈ రెండు విషయాలను గుర్తుంచుకోండి:
అయితే ఈపీఎఫ్వో మ్యారేజ్ అడ్వాన్స్ కింద పీఎఫ్ నుంచి డబ్బును ఉపసంహరించుకోవడానికి కొన్ని షరతులను పాటించడం తప్పనిసరి. ఈ షరతుల గురించి ఈపీఎఫ్వో కూడా తెలియజేసింది. మొదటి షరతు ఏమిటంటే మీరు కనీసం ఏడేళ్లపాటు ఈపీఎఫ్వోలో సభ్యుడిగా ఉండాలి. ఇది కాకుండా రెండవ షరతు ఏమిటంటే.. మీరు వివాహం, విద్యతో సహా 3 సార్లు కంటే ఎక్కువ అడ్వాన్స్ సౌకర్యాన్ని పొందలేరు. అంటే పెళ్లి లేదా చదువు పేరుతో పీఎఫ్ నుంచి గరిష్టంగా 3 సార్లు మాత్రమే డబ్బును విత్డ్రా చేసుకోవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
