EPFO: మీరు ఈపీఎఫ్ ఖాతాదారా.. అయితే ఉమంగ్ యాప్ ద్వారా డబ్బు తీసుకోవచ్చు.. కానీ..

దేశంలో కోవిడ్-19 వ్యాప్తి నేపథ్యంలో, ఉద్యోగుల ప్రావిడెంట్ ఫండ్ ఆర్గనైజేషన్ (EPFO) తన సభ్యులను PF ఖాతా నుండి డబ్బును విత్‌డ్రా చేసుకునేందుకు అనుమతించింది.

Money

Srinivas Chekkilla |
Updated on: Jan 20, 2022 | 9:16 AM

దేశంలో కోవిడ్-19 వ్యాప్తి నేపథ్యంలో, ఉద్యోగుల ప్రావిడెంట్ ఫండ్ ఆర్గనైజేషన్ (EPFO) తన సభ్యులను PF ఖాతా నుండి డబ్బును విత్‌డ్రా చేసుకునేందుకు అనుమతించింది. EPFO రెండో వేవ్‌లో రెండుసార్లు నాన్-రీఫండబుల్ అడ్వాన్స్‌ని విత్‌డ్రా చేసుకునే సదుపాయాన్ని కల్పించింది. ఇంతకు ముందు COVID-19 అడ్వాన్స్‌ని పొందిన సభ్యులు ఇప్పుడు రెండో అడ్వాన్స్‌ని కూడా ఎంచుకోవచ్చు. రెండో కోవిడ్-19 అడ్వాన్స్‌ని ఉపసంహరించుకునే విధానం మొదటి అడ్వాన్స్ విషయంలో మాదిరిగానే ఉండనుంది. ఇంట్లో కూర్చుని ఉమంగ్ యాప్ ద్వారా మీరు కొన్ని సెకన్లలో డబ్బు విత్‌డ్రా చేసే ప్రక్రియను పూర్తి చేయవచ్చు . ప్రక్రియ పూర్తయిన తర్వాత, 3 రోజుల్లో మీ ఖాతాలో డబ్బు జమ అవుతుంది.

ఎంత అడ్వాన్స్ తీసుకోవచ్చు

నిబంధన ప్రకారం, 3 నెలల బేసిక్ జీతం, డియర్‌నెస్ అలవెన్స్ లేదా సభ్యుని EPF ఖాతాలో జమ చేసిన మొత్తంలో 75 శాతం వరకు విత్‌డ్రా చేసుకోవచ్చు.

బ్యాలెన్సు కూడా చూసుకోవచ్చు

పీఎఫ్ ఖాతాదారులు తమ బ్యాలెన్సు చూసుకోవాలంటే పీఎఫ్ సైట్లోకి వెళ్లి యూఎన్ఏ నెంబర్ ఎంటర్ చేసి పాస్వర్డ్ టైప్ చేయాలి. ఇదంతా సమయం పడుతుంది. అయితే ఉమంగ్ యాప్లో యూఎన్ఏ నెంబర్ ఎంటర్ చేసి సెండ్ ఓటీపీ పై క్లిక్ చేస్తే రిజిస్ట్రర్ అయిన ఫోన్ నెంబర్కు ఓటీపీ వస్తుంది. ఓటీపీ ఎంటర్ చేసి ఖాతాదారులు బ్యాలెన్సు చూసుకోవచ్చు.