Billionaires List: మరోసారి ప్రపంచ సంపన్నుడి కిరీటాన్ని కోల్పోయిన ఎలోన్ మస్క్
టెస్లా, ట్విట్టర్ యజమాని ఎలోన్ మస్క్ శుక్రవారం మరోసారి ప్రపంచ సంపన్నుడి కిరీటాన్ని కోల్పోయారు. లూయిస్ విట్టన్ సీఈవో, ఫ్రెంచ్ వ్యాపారవేత్త బెర్నార్డ్ ఆర్నాల్ట్ మరోసారి..
Updated on: Mar 04, 2023 | 3:47 PM
టెస్లా, ట్విట్టర్ యజమాని ఎలోన్ మస్క్ శుక్రవారం మరోసారి ప్రపంచ సంపన్నుడి కిరీటాన్ని కోల్పోయారు. లూయిస్ విట్టన్ సీఈవో, ఫ్రెంచ్ వ్యాపారవేత్త బెర్నార్డ్ ఆర్నాల్ట్ మరోసారి ప్రపంచంలోని అత్యంత ధనవంతుడు అయ్యాడు. బ్లూమ్‌బెర్గ్ బిలియనీర్స్ ఇండెక్స్ ప్రకారం.. శుక్రవారం ఉదయం నాటికి ఎలోన్ మస్క్ సంపద 7.71 బిలియన్ డాలర్లు తగ్గింది. దీని తరువాత శనివారం వరకు అతని నికర విలువ (బెర్నార్డ్ ఆర్నాల్ట్ నెట్ వర్త్) లో కొంత పెరుగుదల కనిపించింది. అది $ 181 బిలియన్లకు చేరుకుంది.
బెర్నార్డ్ ఆర్నాల్ట్ నికర విలువ ఎంత?
మరోవైపు లగ్జరీ ఫ్యాషన్ బ్రాండ్ LMVH యజమాని బెర్నార్డ్ ఆర్నాల్ట్ నికర విలువ శుక్రవారం నాటికి $ 2.28 బిలియన్ల పెరుగుదలను నమోదు చేసి $ 189 బిలియన్లకు చేరుకుంది. మరోవైపు ఫోర్బ్స్ రియల్ టైమ్ బిలియనీర్ల జాబితా ప్రకారం.. ఎలోన్ మస్క్ సంపన్న సంపద 191.4 బిలియన్ డాలర్లు. అదే సమయంలో బెర్నార్డ్ ఆర్నాల్ట్ మొత్తం నికర విలువ $ 212.8 బిలియన్లకు చేరుకుంది.
మస్క్ గత వారం ప్రపంచంలోనే అత్యంత ధనవంతుడు
ఎలోన్ మస్క్ ఫిబ్రవరి 28, 2023న తన ఎలక్ట్రిక్ కార్ల తయారీ సంస్థ టెస్లా షేర్లు స్థిరమైన పెరుగుదలను నమోదు చేయడంతో మరోసారి ప్రపంచంలోనే అత్యంత ధనవంతుడు అయ్యాడు. గత కొద్ది రోజుల్లో టెస్లా షేర్ల విలువ 50 బిలియన్ డాలర్లకు పెరిగింది. దీని తరువాత బుధవారం ఎలోన్ మస్క్ సంపద $ 1.91 బిలియన్ల క్షీణతను చూసింది. టెస్లా షేర్లు 5 శాతానికి పైగా పడిపోయాయి.
ముఖేష్ అంబానీ, గౌతమ్ అదానీల నికర విలువ ఎంత?
బ్లూమ్‌బెర్గ్ బిలియనీర్స్ ఇండెక్స్ ప్రకారం.. దేశంలోని అత్యంత ధనవంతుడు ముఖేష్ అంబానీ ప్రపంచంలోని 11 వ అత్యంత సంపన్న వ్యక్తి. అతని మొత్తం నికర విలువ $82.6 బిలియన్లు. గౌతమ్ అదానీ మళ్లీ టాప్ 25లోకి ప్రవేశించాడు. అతని మొత్తం నికర విలువ 49.8 బిలియన్ డాలర్లు. అదానీ షేర్లలో నిరంతర క్షీణత తర్వాత అతను బ్లూమ్‌బెర్గ్ బిలియనీర్స్ ఇండెక్స్‌లోని టాప్ 30 నుండి తప్పుకున్నాడు. అయితే శుక్రవారం అదానీ షేర్లలో పెరుగుదల తర్వాత అతను మళ్లీ టాప్ 25 రిచ్‌ల జాబితాలో చేరాడు. ఒకానొక సమయంలో గౌతమ్ అదానీ ప్రపంచంలోనే రెండవ అత్యంత సంపన్న వ్యక్తి అయ్యాడు.
మరిన్ని బిజినెస్ వార్తల కోసం ఇక్కడ క్లిక్ చేయండి
