Umang App: ఆ యాప్ ద్వారా ఈజీగా పీఎఫ్ విత్డ్రా.. స్టెప్ బై స్టెప్ ప్రాసెస్ ఇదే..!
భారతదేశంలో జనాభాకు అనుగుణంగా ఉద్యోగుల సంఖ్య కూడా అధికంగా ఉంటుంది. ఈ నేపథ్యంలో ఉద్యోగులు రిటైర్మెంట్ తర్వాత ఆర్థిక భరోసా అందించడానికి ఉద్యోగుల ప్రావిడెంట్ ఫండ్ పథకాన్ని రూపొందించారు. ఈ పథకంలో నెలనెలా యజమానితో పాటు ఉద్యోగి కూడా సమాన వాటాతో పెట్టుబడిపెడతారు. అయితే అనుకోని పరిస్థితుల్లో ఈ ప్రావిడెంట్ ఫండ్లోని కొంత భాగాన్ని విత్డ్రా చేసుకునేందుకు అవకాశం ఉంటుంది.
ఉద్యోగులకు మేలు చేసేలా కేంద్ర ప్రభుత్వం యూనిఫైడ్ మొబైల్ అప్లికేషన్ ఫర్ న్యూ-ఏజ్ గవర్నెన్స్ (ఉమాంగ్) యాప్ పౌరులకు అనేక ప్రయోజనాలను అందిస్తుంది. వినియోగదారులు స్కాలర్షిప్ స్కీమ్ల గురించి సమాచారాన్ని యాక్సెస్ చేయవచ్చు. అలాగే విస్తృత అవసరాల కోసం యాప్ని ఉపయోగించుకోవచ్చు. వీటిలో పెన్షన్లు, పాస్పోర్ట్లు, ఎల్పీజీ గ్యాస్, నివాస ధ్రువీకరణ పత్రాలకు సంబంధించిన సేవలు పొందవచ్చు. అలాగే ఉద్యోగుల విషయానికి వస్తే వినియోగదారులు తమ ఉద్యోగుల భవిష్య నిధి (ఈపీఎఫ్) ఖాతాల నుంచి డబ్బును సులభంగా విత్డ్రా చేసుకునేందుకు వీలు కల్పిస్తుంది. వినియోగదారులు ఎలాంటి పత్రాలను సమర్పించాల్సిన అవసరం లేకుండా తమ పీఎఫ్ ఖాతాల నుండి డబ్బును సులభంగా విత్డ్రా చేసుకోవచ్చు. ఉమంగ్ యాప్ను మినిస్ట్రీ ఆఫ్ ఎలక్ట్రానిక్స్ అండ్ ఇన్ఫర్మేషన్ టెక్నాలజీ, నేషనల్ ఇ-గవర్నెన్స్ డివిజన్ సంయుక్తంగా నిర్వహిస్తుంది. వివిధ డిజిటల్ సేవలను యాక్సెస్ చేయడానికి వినియోగదారులకు ఏకీకృత ప్లాట్ఫారమ్ను అందించడానికి రూపొందించారు. 200 కంటే ఎక్కువ విభాగాల నుంచి 1,200 కి పైగా సేవలను అందిస్తున్న ఉమంగ్ ముఖ్యమైన ప్రభుత్వ సేవలను పొందడాన్ని సులభతరం చేస్తుంది. వినియోగదారులు పీఎఫ్ బ్యాలెన్స్లను తనిఖీ చేయడం, నిధుల బదిలీ, ఉపసంహరణలు చేయడం వంటి అనేక రకాల ఈపీఎఫ్ఓ సేవలను యాప్లోనే పొందవచ్చు.
పీఎఫ్ విత్ డ్రా చేసుకోవడానికి అర్హతలు
పీఎఫ్కు సంబంధించిన యూఏఎన్ కచ్చితంగా ఆధార్ నంబర్కు లింక్ అయ్యి ఉండాలి. అలాగే కేవైసీ వివరాలు (ఆధార్, పాన్, బ్యాంక్ ఖాతా) ఈపీఎఫ్ఓ పోర్టల్లో అప్డేట్ చేసి ధ్రువీకరించాల్సి ఉంటుంది. ఉద్యోగం కోల్పోయినా, నిరుద్యోగులైనా, రిటైర్ అవుతున్నా, మెడికల్ ఎమర్జెన్సీని అనుభవిస్తున్నా, విద్యను అభ్యసించాలనుకున్నా లేదా ఇల్లు కొనాలనుకున్నా పీఎఫ్ ఖాతా నుంచి సొమ్మును విత్ డ్రా చేసుకోవచ్చు.
పీఎఫ్ విత్ డ్రా ఇలా
- ముందుగా గూగుల్ ప్లే స్టోర్ లేదా యాపిల్ యాప్ స్టోర్ నుంచి ఉమంగ్ యాప్ను ఇన్స్టాల్ చేయాలి.
- అనంతరం మన వివరాలను నమోదు చేసి లాగిన్ అవ్వాలి. అనంతరం రిజిస్టర్డ్ నంబర్కు ఓటీపీ వస్తుంది. ఆ వివరాలతో లాగిన్ అవ్వాలి.
- అనంతరం యాప్ హోమ్పేజీకి వెళ్లి ఈపీఎఫ్ఓ సెక్షన్పై క్లిక్ చేయాలి.
- అక్కడ ‘ఎంప్లాయీ-సెంట్రిక్ సర్వీసెస్’పై క్లిక్ చేసి, ‘రైజ్ క్లెయిమ్’ని ఎంచుకోవాలి.
- అనంతరం వారి యూఏఎన్, మొబైల్ ఫోన్లో అందుకున్న ఓటీపీను నమోదు చేయాలి.
- అనంతరం క్లెయిమ్ ఫారమ్ను పూరించాలి. వారు మొత్తం పీఎఫ్ మొత్తాన్ని లేదా దానిలో కొంత భాగాన్ని విత్డ్రా చేయాలనుకుంటున్నారా? అనే విషయాలను పేర్కొనాలి.
- అవసరమైన వివరాలను పూరించి, డబ్బును విత్డ్రా చేయడానికి కారణాన్ని అందించాలి.
- అనంతరం వినియోగదారు దరఖాస్తును సమర్పించాలి. వైద్య ధ్రువీకరణ పత్రం లేదా విద్య రుజువు అవసరం కావచ్చు.
- అప్లికేషన్ను సమర్పించిన తర్వాత యాప్లోని ‘ట్రాక్ క్లెయిమ్’ విభాగాన్ని ఉపయోగించి దాని స్థితిని ట్రాక్ చేయవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి