Petrol Diesel Price: నిర్మలమ్మ పద్దులో వాహనదారులకు షాక్‌.. పెరగనున్న పెట్రోల్‌, డీజిల్‌ ధరలు.. ఎప్పటి నుంచి అంటే..!

Petrol Diesel Price: నిన్న కేంద్ర ప్రభుత్వం వార్షిక బడ్జెట్‌ను ప్రవేశపెట్టింది. దేశ ఆర్థిక శాఖ మంత్రి నిర్మలా సీతారామన్‌ ఈ బడ్జెట్‌ను ప్రవేశపెట్టారు. ఈ బడ్జెట్‌ను చాలా వర్గాల వారికి ఊరట కలిగించే అంశాలున్నాయి. కానీ కొన్ని అంశాలు నిరాశ కలిగించాయి. ఇక ముఖ్యంగా పెట్రోల్‌, డీజిల్‌పై కూడా ప్రకటన వచ్చింది. ఈ ఏడాది అక్టోబర్‌ 1వ తేదీ నుంచి ఎక్సైజ్‌ సుంకాన్ని పెంచనుంది కేంద్ర ప్రభుత్వం. లీటర్‌ఉక రూ.2 పెంచనుంది. దీంతో పెట్రోల్‌, డీజిల్‌ ధరలు మరింతగా పెరిగే అవకాశం ఉండటంతో వాహనదారులకు మరింత భారం కానుంది.

ఇథనాల్ లేదా బయోడీజిల్ మిశ్రమం లేకుండా విక్రయించే పెట్రోలియం ఉత్పత్తులపై అదనపు ఎక్సైజ్ సుంకాన్ని విధించాలనే బడ్జెట్ 2022 ప్రతిపాదనతో, దేశంలోని చాలా ప్రాంతాల్లో డీజిల్ ధర అక్టోబర్ 1, 2022 నుండి లీటరుకు రూ. 2గా ఉంటుంది. అయితే కొన్ని ప్రాంతాలలో అంటే ఈశాన్య రాష్ట్రాలలో పెట్రోలు ధరలు కూడా పెరిగే అవకాశం ఉంది. ప్రస్తుతం చెరకు లేదా ఇతర ఆహార ధాన్యాల నుంచి తీసిన ఇథనాల్‌ను 10 శాతం నిష్పత్తిలో మాత్రమే పెట్రోల్‌లో కలుపుతున్నారు. చమురు దిగుమతులపై ఆధారపడటాన్ని తగ్గించడానికి, రైతులకు అదనపు ఆదాయ వనరులను అందించడానికి పెట్రోల్‌లో ఇథనాల్ కలపడం అనుమతించబడింది.

దేశంలోని దాదాపు 75-80 శాతంలో ఇథనాల్-మిశ్రిత పెట్రోల్ సరఫరా చేయబడుతోంది. ఇతర ప్రాంతాలలో లాజిస్టిక్ సమస్యల కారణంగా దాని సరఫరా ప్రభావితమవుతుంది. మరోవైపు తినదగిన నూనె గింజల నుండి సేకరించిన బయోడీజిల్‌ను డీజిల్‌లో కలపడానికి ఉపయోగిస్తారు. దేశంలో వ్యవసాయం, రవాణా రంగంలో డీజిల్ పెద్ద ఎత్తున ఉపయోగించబడుతుంది.

పెట్రోలు, డీజిల్ ధర రూ.2 పెరగవచ్చు

ఈ నేపథ్యంలో, 2022-23 బడ్జెట్‌లో నాన్-మిక్స్ ఇంధనాలపై అదనపు ఎక్సైజ్ సుంకాన్ని విధించాలని ఆర్థిక మంత్రి నిర్మలా సీతారామన్ తీసుకున్న చర్య పెట్రోల్, డీజిల్ ధరలను పెంచే అవకాశం ఉంది. సీతారామన్ తన బడ్జెట్ ప్రసంగంలో అక్టోబర్ 1, 2022 నుండి, కల్తీ లేని ఇంధనాలపై లీటరుకు రూ. 2 అదనపు ఎక్సైజ్ సుంకం విధించబడుతుందని ప్రకటించారు.

ఒకవైపు ప్రభుత్వం తీసుకున్న ఈ నిర్ణయం పెట్రోల్‌లో ఇథనాల్‌ను కలపడానికి చమురు కంపెనీలను ప్రోత్సహిస్తుందని పెట్రోలియం పరిశ్రమకు సంబంధించిన వర్గాలు తెలిపాయి. అదే సమయంలో ఎనిమిది నెలల్లో బయోడీజిల్‌ కొనుగోలుకు అవసరమైన మౌలిక సదుపాయాలను ఏర్పాటు చేసే అవకాశాలు చాలా తక్కువ. అటువంటి పరిస్థితిలో ఈశాన్య రాష్ట్రాల వంటి మారుమూల ప్రాంతాలలో అక్టోబర్ 1, 2022 నుండి పెట్రోల్, డీజిల్ ధరలు పెరగవచ్చు. ఇథనాల్ లేదా బయోడీజిల్ మిశ్రమంతో కూడిన ఇంధనాల సరఫరా అక్కడ లేకపోవడమే దీనికి కారణం. దేశంలోని చాలా ప్రాంతాల్లో డీజిల్‌ను ఎలాంటి మిశ్రమం లేకుండా విక్రయిస్తున్నారు.

ముడి చమురు ధర బ్యారెల్‌కు 90 డాలర్లు దాటింది

ముడి చమురు ధర బ్యారెల్‌కు 90 డాలర్లకు పైగా ఉన్నప్పటికీ చమురు కంపెనీలు 90 రోజులుగా పెట్రోల్, డీజిల్ ధరలను పెంచలేదు. అందువల్ల ఈ అదనపు ఛార్జీ వర్తించినప్పుడు, రాబోయే రోజుల్లో నాన్-బ్లెండెడ్ ఇంధనం ధరలు గణనీయంగా పెరిగే అవకాశం ఉంది. ఈ సంవత్సరం జనవరి నెలలో, ముడి చమురు ధరలలో నిరంతర పెరుగుదల ఉంది. అలాగే బ్రెంట్ క్రూడ్ బ్యారెల్కు $ 77.78 నుండి $ 91.21 కు పెరిగింది. ఈ సమయంలో దానిలో 17.26 శాతం పెరుగుదల కనిపించింది. ఉక్రెయిన్‌, రష్యాల మధ్య కొనసాగుతున్న ఉద్రిక్తత కారణంగా ముడిచమురు ధరల పెరుగుదల కనిపించింది. ప్రస్తుతం రష్యా, ఉక్రెయిన్‌ల సైన్యాలు ఎదురెదురుగా తలపడుతుండగా, యూరప్‌, అమెరికా ఉక్రెయిన్‌కు సాయం చేస్తుండడంతో రష్యా యూరప్‌ దేశాలకు చమురు సరఫరాకు అంతరాయం కలిగిస్తుందనే భయం నెలకొంది. రష్యా ప్రపంచంలో రెండవ అతిపెద్ద ఉత్పత్తిదారుగా ఉంది.

ఇవి కూడా చదవండి:

Budget 2022: కేంద్రం గుడ్‌న్యూస్‌.. రూ.10 లక్షల వరకు ఉన్న ఆదాయానికి పన్ను ఉండదు.. ఎవరికో తెలుసా..?

Budget 2022: ఐటీ రిటర్న్‌ల దాఖలు చేసేవారికి గుడ్‌న్యూస్‌.. బడ్జెట్‌లో వారికి నిరాశ

Budget 2022: పెట్రోల్‌, డీజిల్‌ వాహనాల స్థానంలో ఎలక్ట్రిక్‌ వాహనాలు.. బడ్జెట్‌లో ముఖ్యాంశాలు ఇవే..