Auto News: టాప్ 10 బైక్‌లలో ఈ 3 మోడళ్ల బంపర్ అమ్మకాలు..!

Bumper Sales Bikes: రాయల్‌ ఎన్ఫీల్డ్‌ అంటే ఇష్టపడని వారంటూ ఉండరు. ఈ బైక్‌ యువతల్లో క్రేజ్‌ ఎక్కువే. ఎన్నో ఏళ్ల నుంచి ఈ బైక్‌కు ఉన్న ఆదరణ అంతా ఇంతా కాదు. ఈ కంపెనీ నుంచి ఈ మోడళ్లు టాప్‌లో ఉన్నాయి. భారీగా విక్రయాలు జరిగాయి. అవేంటో చూద్దాం..

Royal Enfield

Subhash Goud |
Updated on: Feb 02, 2026 | 9:30 PM

Bumper Sales Bikes: భారతదేశంలో ప్రతి నెలా లక్షలాది బైక్‌లు అమ్ముడవుతాయి. వాటిలో ఎక్కువ సంఖ్యలో శక్తివంతమైన ఇంజిన్‌లతో కూడిన బైక్‌లు ఉంటాయి.హీరో స్ప్లెండర్, హోండా షైన్, బజాజ్ పల్సర్, హీరో హెచ్‌ఎఫ్ డీలక్స్, టీవీఎస్ అపాచీ అన్నీ కమ్యూటర్, బడ్జెట్ స్పోర్ట్స్ బైక్ విభాగంలో కస్టమర్లకు ఇష్టమైనవి అని మనందరికీ తెలుసు. కానీ రాయల్ ఎన్‌ఫీల్డ్ క్లాసిక్ 350, బుల్లెట్ 350, హంటర్ 350 కూడా బాగా అమ్ముడయ్యాయని, డిసెంబర్ 2025లో అత్యధికంగా అమ్ముడైన టాప్ 10 బైక్‌ల జాబితాలో ఉన్నాయని మీకు తెలుసా?

సాధారణంగా రాయల్ ఎన్ఫీల్డ్ క్లాసిక్ 350 బెస్ట్ సెల్లింగ్ బైక్స్ జాబితాలో టాప్ 10లో ఉంటుంది. కానీ 2025 చివరి నెల డిసెంబర్‌లో ఈ దేశీయ కంపెనీ నుండి 3-3 బైక్‌లు బెస్ట్ సెల్లింగ్ బైక్స్ జాబితాలో టాప్ 10 జాబితాలోకి వచ్చాయి. క్లాసిక్ 350 ఆరవ స్థానంలో ఉంది. 34,958 యూనిట్లను విక్రయించింది. రాయల్ ఎన్ఫీల్డ్ బుల్లెట్ 350 ఎనిమిదవ స్థానంలో ఉంది. దీనిని 24,849 యూనిట్లను విక్రయించింది కంపెనీ.

ఇది కూడా చదవండి: Auto News: ఇది మీకు తెలుసా? ఏ కారులో ఎంత వెండిని ఉపయోగిస్తారు? ఎందుకు వాడుతారు?

ఇవి కూడా చదవండి

గత డిసెంబర్‌లో బైక్ అమ్మకాలు గణనీయమైన పెరుగుదల:

రాయల్ ఎన్ఫీల్డ్ హంటర్ 20,654 యూనిట్లు అమ్ముడై టాప్ 10 బెస్ట్ సెల్లింగ్ బైక్‌ల జాబితాలో చివరి స్థానంలో ఉంది. డిసెంబర్‌లో రాయల్ ఎన్ఫీల్డ్ నుండి ఈ బైక్ అమ్మకాలు గణనీయంగా పెరిగాయి. క్లాసిక్ 350 అమ్మకాలు గత సంవత్సరంతో పోలిస్తే దాదాపు 18 శాతం, బుల్లెట్ 350 అమ్మకాలు దాదాపు 77 శాతం, హంటర్ 350 అమ్మకాలు 50 శాతం పెరిగాయని కంపెనీ నివేదికల ద్వారా తెలుస్తోంది.

ఇది కూడా చదవండి: Silver Price: వెండి ధర రూ.2 లక్షలలోపు దిగి రానుందా? నిపుణులు ఏమంటున్నారు?

రాయల్ ఎన్ఫీల్డ్ క్లాసిక్, బుల్లెట్, హంటర్ ధరలు:

ఇప్పుడు రాయల్ ఎన్ఫీల్డ్ 3 బెస్ట్ సెల్లింగ్ మోటార్ సైకిళ్ల ధరల గురించి తెలుసుకుందాం. హంటర్ 350 ఎక్స్-షోరూమ్ ధర రూ.1.38 లక్షల నుండి ప్రారంభమై రూ. 1.67 లక్షల వరకు ఉంటుంది. దీని తరువాత రాయల్ ఎన్ఫీల్డ్ ఐకానిక్ బైక్ బుల్లెట్ 350 ఎక్స్-షోరూమ్ ధర రూ. 1.62 లక్షల నుండి ప్రారంభమై రూ. 2.04 లక్షల వరకు ఉంటుంది. కంపెనీ బెస్ట్ సెల్లింగ్ బైక్ క్లాసిక్ 350 ఎక్స్-షోరూమ్ ధర రూ.1.83 లక్షల నుండి ప్రారంభమై రూ. 2.18 లక్షల వరకు ఉంటుంది. క్లాసిక్ ప్రత్యేక మోడల్, గోవన్ క్లాసిక్ 350 కూడా ఉంది. ఇది రూ. 2.20 లక్షల నుండి ప్రారంభమై రూ. 2.23 లక్షల వరకు ఉంటుంది.