SBI home loans: మీ సొంతింటి కలను సాకారం చేసే స్కీమ్ ఇది.. అతి తక్కువ వడ్డీ.. సులభంగా ప్రాసెసింగ్..

సొంతిల్లు సమకూర్చుకోవడం అనేది ప్రతి ఒక్కరి కల. దాని సాకారం చేసుకోవడానికి సాధారణంగా బ్యాంకులపై ఆధారపడతారు. అవి మంజూరు చేసే రుణాలతో ఇళ్లు, ఫ్లాట్లను కొనుగోలు చేసుకుంటారు. రుణాలను తీర్చడానికి ఈఎమ్ఐ ల రూపంలో నెలవారీ సులభ వాయిదాలు చెల్లించే అవకాశం ఉంటుంది. వివిధ బ్యాంకులు తమ ఖాతాదారులకు హోమ్ లోన్లను విరివిరిగా మంజూరు చేస్తున్నాయి. వాటి వడ్డీ రేట్లు ఆయా బ్యాంకులపై ఆధారపడి ఉంటుంది. అలాగే ప్రాసెసింగ్ ఫీజులు, ఇతర నిబంధనలు మారుతూ ఉంటాయి. ముఖ్యంగా వడ్డీరేటు తక్కువగా ఉండడంతో పాటు నిబంధనలు సులువుగా ఉన్న బ్యాంకులను ఎంచుకోవడం వల్ల ప్రయోజనం కలుగుతుంది.

ఎస్బీఐలో ఆకర్షణీయమైన వడ్డీరేట్లు..

స్టేట్ బ్యాంక్ ఆఫ్ ఇండియా (ఎస్బీఐ) హోమ్ లోన్లపై ఆకర్షణీయమైన వడ్డీ రేట్లను ప్రకటించింది. ఆ రుణాలపై రూ.8.50 శాతం వడ్డీని వసూలు చేస్తుంది. దాదాపు 30 ఏళ్ల పాటు రుణాన్ని చెల్లించే అవకాశం కల్పించింది. దీనితో పాటు ఆస్తి ఖర్చులో 90 శాతం వరకూ రుణంగా మంజూరు చేస్తుంది. రక్షణ సిబ్బంది, ప్రభుత్వ ఉద్యోగులు, జీతం లేని వ్యక్తులు, గ్రీన్ గృహాలను కొనుగోలు చేసేవారు, కొండలు, గిరిజన ప్రాంతాల నివాసించే వారికి ప్రత్యేక గృహ రుణాలను అందజేస్తుంది.

ప్రయోజనాలు..

స్టేట్ బ్యాంకులో హోమ్ లోన్లు తీసుకోవడం వల్ల అనేక ప్రయోజనాలు కలుగుతాయి. రుణం తొందరగా మంజూరు చేయడంతో పాటు వడ్డీరేటు తక్కువగా ఉంటుంది. తద్వారా ఖాతాదారులకు మెరుగైన సేవలు అందించేందుకు చర్యలు తీసుకుంటుంది. ముఖ్యంగా ఈ క్రింది ప్రయోజనాలు కలుగుతాయి.

ఓవర్‌డ్రాఫ్ట్ సౌకర్యం.. వినియోగదారులు మిగులు నిధులను సమర్థవంతంగా ఉపయోగించుకునే సౌలభ్యాన్ని కల్పించింది.

వడ్డీ రేట్లు.. గృహ రుణాలపై వడ్డీరేట్లు చాలా తక్కువగా ఉంటాయి. దీనివల్ల ఖాతాదారులకు ప్రయోజనం కలుగుతుంది.

తక్కువ ప్రాసెసింగ్ ఫీజు.. రుణాలను మంజూరు చేసేందుకు ప్రాసెసింగ్ చాలా సులభంగా ఉంటుంది. అలాగే ఫీజు కూడా తక్కువగా వసూలు చేస్తారు.

అదనపు ఖర్చులు లేవు.. ఎస్బీఐలో లావాదేవీలు చాలా పారదర్శకంగా జరుగుతాయి. ఎటువంటి అదనపు ఖర్చులు ఉండవు. ముఖ్యంగా హిడెన్ చార్జీలు వసూలు చేయరు.

ముందస్తు చెల్లింపుపై పెనాల్టీ లేదు.. రుణగ్రహీతలు తమ రుణాన్ని ముందస్తుగా చెల్లించవచ్చు. దీని కోసం ఎలాంటి అదనపు చార్జీలు వసూలు చేయరు. ముందస్తు చెల్లింపుల ద్వారా వడ్డీ భారం తగ్గించుకునే అవకాశం ఉంటుంది.

24 వేల శాఖలు.. ఎస్బీఐకి దేశ వ్యాప్తంగా 24 వేల శాఖలు ఉన్నాయి. ఖాతాదారులకు 1,600 మంది కంటే ఎక్కువ సభ్యులు సేవలు అందిస్తున్నారు. ముఖ్యంగా హోమ్ లోన్ల మంజూరులో సులభ నిబంధనలు అమలు చేస్తున్నారు.

హోమ్ లోన్ కాలిక్యులేటర్.. ఎస్బీఐ హోమ్ లోన్ క్యాలిక్యులేటర్ ఖాతాదారులకు ఎంతో ఉపయోగంగా ఉంటుంది. నెలవారీ ఈఎమ్ఐలు, లోన్ వ్యవధిలో చెల్లించాల్సిన వడ్డీ తదితర వివరాలు తెలుసుకోవచ్చు.

గుర్తుంచుకోవాల్సిన అంశాలు.. స్టేట్ బ్యాంకు ఆఫ్ ఇండియా హోమ్ లోన్లపై 8.50 నుంచి 9.85 శాతం వరకూ వడ్డీని వసూలు చేస్తుంది. ఆస్తి విలువలో దాదాపు 90 శాతం వరకూ రుణంగా మంజూరు చేస్తుంది. రుణ చెల్లింపు కాల పరిమితి 30 ఏళ్ల వరకూ ఉంటుంది. ఇక ప్రాసెసింగ్ ఛార్జీగా రుణం మొత్తంలో 0.35 శాతం (రూ. 2 వేల నుంచి రూ.పదివేలు) మాత్రమే చెల్లించాలి.

మరిన్ని బిజినెస్ వార్తల కోసం ఇక్కడ క్లిక్ చేయండి..