World’s Youngest Billionaire: యంగెస్ట్ లచ్చిందేవి..! ప్రపంచ కుబేరుల జాబితాలో చోటు దక్కించుకున్న 19 యేళ్ల యువతి
ప్రతీయేట ప్రపంచ కుబేరుల జావితా విడుదల చేస్తుంటారు. 2024 ఏడాదికి సంబంధించి తాజాగా ఫోర్బ్స్ బిలియనీర్స్ జాబితా విడుదలైంది. అయితే ఈసారి ప్రపంచ కుబేరుల జాబితాలో టీనేజ్‌ వయసున్న ఓ స్టూడెంట్‌ చేరి అందరినీ ఆశ్చర్య పరిచింది. ఆమె..19 యేళ్ల బ్రెజిలియన్ విద్యార్థిని లివియా వోయిగ్ట్. లివియా ప్రపంచంలోనే అత్యంత పిన్న వయస్కురాలైన బిలియనీర్‌గా రికార్డు సృష్టించింది. 2024 ఫోర్బ్స్ బిలియనీర్స్ జాబితాలో..
బ్రెజిల్‌, ఏప్రిల్ 10: ప్రతీయేట ప్రపంచ కుబేరుల జావితా విడుదల చేస్తుంటారు. 2024 ఏడాదికి సంబంధించి తాజాగా ఫోర్బ్స్ బిలియనీర్స్ జాబితా విడుదలైంది. అయితే ఈసారి ప్రపంచ కుబేరుల జాబితాలో టీనేజ్‌ వయసున్న ఓ స్టూడెంట్‌ చేరి అందరినీ ఆశ్చర్య పరిచింది. ఆమె..19 యేళ్ల బ్రెజిలియన్ విద్యార్థిని లివియా వోయిగ్ట్. లివియా ప్రపంచంలోనే అత్యంత పిన్న వయస్కురాలైన బిలియనీర్‌గా రికార్డు సృష్టించింది. 2024 ఫోర్బ్స్ బిలియనీర్స్ జాబితాలో 33 ఏళ్లు, అంతకంటే తక్కువ వయస్సు ఉన్న యువ బిలియనీర్లు ఏకంగా 25 మంది ఉన్నారు.
2024 ఫోర్బ్స్ బిలియనీర్స్ జాబితా ప్రకారం.. బ్రెజిల్‌కు చెందిన 19 ఏండ్ల విద్యార్థిని లివియా వోయిగ్ట్ ప్రపంచంలో అత్యంత పిన్న వయస్కురాలైన బిలియనీర్‌ టైటిల్‌ను సొంతం చేసుకుంది. లివియా నికర ఆదాయం విలువ 1.1 బిలియన్ డాలర్లు. వయసులో తన కన్నా రెండు నెలలు పెద్దయిన క్లెమెంట్‌ డెల్‌ వెచియోను అధిగమించి ఈ స్థానాన్ని లివియా సొంతం చేసుకుంది. లాటిన్‌ అమెరికాలోని అమెరికాలో అతిపెద్ద ఎలక్ట్రికల్ మోటార్‌ల తయారీదారు వెగ్‌ (WEG)సంస్థలో లివియా అతిపెద్ద వాటాదారుగా ఉంది. ఈ కంపెనీని ఆమె తాత వెర్నర్ రికార్డో వోయిగ్ట్, దివంగత బిలియనీర్లు ఎగ్గాన్ జోవో డా సిల్వా, గెరాల్డో వెర్నింగ్‌హాస్‌లతో కలిసి సంయుక్తంగా స్థాపించారు. అయితే వెగ్‌ బోర్డులో ఆమె ఇంకా ఎగ్జిక్యూటివ్ హోదాలో సభ్యత్వం పొందలేదు. వెగ్‌ కంపెనీ 10కిపైగా దేశాల్లో బ్రాంచ్‌లు కలిగి ఉంది. 2022లో వెగ్‌ సంస్థ సుమారు 6 బిలియన్ డాలర్ల ఆదాయాన్ని పొందింది.
కాగా లివియా ప్రస్తుతం బ్రెజిల్‌లోని ఓ యూనివర్సిటీలో విద్యనభ్యసిస్తోంది. 2024లో అత్యంత చిన్న వయస్కులైన తొలి ఏడుగురు బిలియనీర్‌ లిస్ట్‌లో లివియా అక్క డోరా వోయిగ్ట్ డి అస్సిస్‌ కూడా ఉండటం విశేషం. 26 ఏళ్ల డోరా 2020లో ఆర్కిటెక్చర్ డిగ్రీని పొందారు. వీరేకాకుండా ఇటీవల కాలంలో అనేక మంది యువత యవ బిలియనీర్లు జాబితాలో చేరుతున్నారు. 25 – 27 సంవత్సరాల వయస్సు గల ఐర్లాండ్ మిస్త్రీ సోదరులు 2022లో వారి తండ్రి మరణించిన తర్వాత ముంబైకి చెందిన టాటా సన్స్ కంపెనీ ద్వారా అత్యధిక మొత్తంలో సంపదను పొందారు. ప్రస్తుతం వారి నికర విలువ 4.9 బిలియన్ డాలర్లుగా అంచనా.
మరిన్ని అంతర్జాతీయ వార్తల కోసం క్లిక్‌ చేయండి.
