ఓలా, ఉబెర్ తరహాలో మహీంద్ర గ్లైడ్
మహీంద్రా అండ్ మహీంద్రా వాహన కంపెనీ ట్యాక్సీ సేవల విభాగంలోకి ఎంట్రీ ఇచ్చింది. మహీంద్రా కంపెనీ గ్లైడ్ పేరుతో యాప్ ఆధారిత ట్యాక్సీ సేవలను ప్రారంభించింది. ఆఫీస్‌కు వెళ్లే వారే ప్రధాన లక్ష్యంగా కంపెనీ ఈ సేవలను అందుబాటులోకి తీసుకువచ్చింది. మహీంద్రా తొలిగా ముంబైలో ఈ సేవలు ప్రారంభించింది. త్వరలోనే ఇతర నగరాలకు ఈ సేవలను విస్తరించనుంది. ఓలా, ఉబెర్ మాదిరే కంపెనీకి కూడా సొంతంగా కార్లు ఉండవు. డ్రైవర్లు, భాగస్వాములకు కార్లు ఉంటాయి. ఇవి గ్లైడ్ […]
TV9 Telugu Digital Desk | Edited By:
Updated on: Mar 07, 2019 | 10:44 AM
మహీంద్రా అండ్ మహీంద్రా వాహన కంపెనీ ట్యాక్సీ సేవల విభాగంలోకి ఎంట్రీ ఇచ్చింది. మహీంద్రా కంపెనీ గ్లైడ్ పేరుతో యాప్ ఆధారిత ట్యాక్సీ సేవలను ప్రారంభించింది. ఆఫీస్‌కు వెళ్లే వారే ప్రధాన లక్ష్యంగా కంపెనీ ఈ సేవలను అందుబాటులోకి తీసుకువచ్చింది. మహీంద్రా తొలిగా ముంబైలో ఈ సేవలు ప్రారంభించింది. త్వరలోనే ఇతర నగరాలకు ఈ సేవలను విస్తరించనుంది.
ఓలా, ఉబెర్ మాదిరే కంపెనీకి కూడా సొంతంగా కార్లు ఉండవు. డ్రైవర్లు, భాగస్వాములకు కార్లు ఉంటాయి. ఇవి గ్లైడ్ ప్లాట్‌ఫామ్‌తో అనుసంధానమై ఉంటాయి. గ్లైడ్ ద్వారాబుకింగ్ చేసుకునే ప్రతి క్యాబ్ మహీంద్రాకు చెందిన ఎలక్ట్రిక్ వెహికలే. గ్లైడ్ అనేది ఫ్లాగ్‌షిప్ ప్రీమియం ఈ-మొబిలిటీ సొల్యూషన్. నగరాల్లో ప్రయాణానికి కొత్త నిర్వచనం చెబుతుంది అని మహీంద్రా మేనేజింగ్ డైరెక్టర్ పవన్ గోయెంకా తెలిపారు.
మహీంద్రా కంపెనీ ట్యాక్సీ సర్వీసుల్లో వెబ్ కాన్ఫరెన్స్, ఎంటర్టైన్మెంట్, మ్యూజిక్ కంటెంట్ వంటి సేవలు పొందొచ్చు. ప్రైవసీ స్క్రీన్, ఎయిర్ ప్యూరిఫయర్, స్ట్రైన్ ఫ్రీ లైటింగ్ వంటి ప్రత్యేకతలు కూడా ఉన్నాయి. కంపెనీ ప్రయాణికులు నాణ్యమైన సేవలు అందించేందుకు వొడాఫోన్ ఐడియా, సిస్కో సిస్టమ్స్ వంటి పలు ఇతర సర్వీస్, కంటెంట్ ప్రొవైడర్లతో భాగస్వామ్యం కుదుర్చుకుంది. వైఫై సౌకర్యం కూడా ఉంది.
