పవన్ కళ్యాణ్ పై షాకింగ్ కామెంట్స్ చేసిన అలీ

అమరావతి : హీరో పవన్ కళ్యాణ్, కమెడియన్ అలీ మధ్య ఎప్పటి నుంచో విడదీయరాని బంధం ఉన్న సంగతి తెలిసిందే. కొన్ని సందర్భాల్లో అలీ నా గుండెకాయ అని పవన్ చాలాసార్లు చెప్పాడు. అలాగే అలీ కూడా పవన్ చాలా మంచివాడు, గొప్పవాడు అని అంటూ ఉంటాడు. అయితే ఇప్పుడు ఏకంగా పవన్ కళ్యాణ్ ఒక ఫాదర్ థెరీసా అని ఆకాశానికి ఎత్తేశాడు అలీ. పవన్ , అలీ మంచి ఫ్రెండ్స్ అని అందరికి తెలుసు. కానీ ఈ రేంజ్ లో పవన్ ని అలీ ఎప్పుడూ పొగడలేదు. అయితే ఎన్నికల నేపథ్యంలో ఈ విధంగా ఆయన ఎలక్షన్ స్టంట్ చేస్తున్నారని కొంతమంది విమర్శిస్తున్నారు.

వచ్చే ఎన్నికల్లో అలీ పోటీ చేయడం కన్ఫర్మ్.. అది కూడా గుంటూరు తూర్పు నుంచి టీడీపీ తరుపున పోటీ చేస్తున్నట్లు వార్తలు వస్తున్నాయి. అయితే టీడీపీ టికెట్ ఇచ్చినంత మాత్రం అలీ గెలుపు ఈజీ అని అనుకోవడానికి వీల్లేదు. ఎందుకంటే ఆ నియోజకవర్గంలో వైసీపీ పూర్తి బలంగా ఉంది. సో ముస్లిం ఓట్లు చీలినా మిగిలిన వారి ఓట్లు అలీకే పడాలంటే పవన్ కళ్యాణ్ లాంటి వాడి మద్దతు ఆయనకు కావాలి.  ఇక గుంటూరు లాంటి ప్రాంతాల్లో పవన్ కు మంచి మద్దతు ఉంది.  కాబట్టి ఆ పార్టీ ఓట్లు అన్ని అలీకి పడితే.. మైనార్టీ ఓట్లు ఎలాగూ పడతాయి. దీనితో ఆయన గెలుపు కన్ఫర్మ్ అవుతుంది. అందుకే పవన్ ని ఇలా ఆకాశాన్ని ఎత్తేస్తున్నాడని కొంతమంది చెబుతున్నారు. అయితే పవన్, అలీకు మధ్య ఉన్న  స్నేహాన్ని బట్టి.. ఆయన ఇలాంటి వాడు కాదని అభిమానులు అంటున్నారు.