Horoscope Today: వారి గృహ, వాహన ప్రయత్నాలు సఫలం.. 12 రాశుల వారికి రాశిఫలాలు

దిన ఫలాలు (అక్టోబర్ 9, 2025): మేష రాశి ఉద్యోగులకు పదోన్నతికి అవకాశం ఉంది. వృషభ రాశి వారికి ఉద్యోగంలో బరువు బాధ్యతలు పెరిగే సూచనలున్నాయి.మిథున రాశి వారు జీవిత భాగస్వామితో కలిసి వస్త్రాభరణాలు కొనుగోలు చేసే అవకాశముంది. మేష రాశి మొదలు మీన రాశి వరకు 12 రాశుల వారికి గురువారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

వృత్తి, వ్యాపారాల్లో మార్పులు చేసి బాగా లబ్ధి పొందుతారు. ఉద్యోగులకు పదోన్నతికి అవకాశం ఉంది. నిరుద్యోగులు ఎదురు చూస్తున్న శుభవార్త వింటారు. ఏ ప్రయత్నం తలపెట్టినా విజయవంతంగా పూర్తవుతుంది. ఆదాయానికి లోటుండకపోవచ్చు. ఖర్చులు తగ్గించుకోవడం మంచిది. ఆర్థిక ప్రయత్నాలు బాగా లాభిస్తాయి. ఆస్తి వివాదం ఒకటి అనుకూలంగా పరిష్కారమవుతుంది. గృహ, వాహన ప్రయత్నాల్లో ఆశించిన పురోగతి ఉంటుంది. మిత్రులతో కలిసి విహార యాత్ర చేస్తారు.

వృషభం (కృత్తిక 2,3,4, రోహిణి, మృగశిర 1,2)

ఉద్యోగంలో బరువు బాధ్యతలు పెరిగే సూచనలున్నాయి. వృత్తి, వ్యాపారాలు సంతృప్తికరంగా పురోగమిస్తాయి. కుటుంబ జీవితం సామరస్యంగా సాగిపోతుంది. ఆర్థిక ఇబ్బందులేవీ ఉండకపోవచ్చు. కొందరు సన్నిహితుల కారణంగా డబ్బు నష్టపోయే అవకాశం ఉంది. ఆస్తి వివాదాల నుంచి, ఆర్థిక, వ్యక్తిగత సమస్యల నుంచి చాలావరకు బయటపడతారు. కుటుంబ పెద్దల నుంచి ఆశించిన సహాయ సహకారాలు అందుతాయి. పిల్లల నుంచి శుభవార్తలు అందే అవకాశం ఉంది.

మిథునం (మృగశిర 3,4, ఆర్ద్ర, పునర్వసు 1,2,3)

ఉద్యోగంలో అధికారులు, సహచరులకు సహాయ సహకారాలందిస్తారు. అధికారుల నుంచి ఆదరణ, ప్రోత్సాహం పెరుగుతాయి. ఇంటా బయటా గౌరవ మర్యాదలకు లోటుండదు. వృత్తి, వ్యాపా రాల్లో చిన్నా చితకా ఆర్థిక ఒత్తిళ్లు ఉండవచ్చు. ఆశించిన స్థాయిలో పురోగతి కూడా ఉంటుంది. పిల్లలు చదువుల్లో దూసుకుపోతారు. తలపెట్టిన ముఖ్యమైన వ్యక్తిగత పనుల్లో కార్యసిద్ధి కలుగుతుంది. జీవిత భాగస్వామితో కలిసి వస్త్రాభరణాలు కొనుగోలు చేస్తారు. ఆరోగ్యం బాగానే ఉంటుంది.

కర్కాటకం (పునర్వసు 4, పుష్యమి, ఆశ్లేష)

వృత్తి, ఉద్యోగాల్లో శ్రమాధిక్యత ఉన్నప్పటికీ బాధ్యతలను సక్రమంగా, సకాలంలో నిర్వర్తిస్తారు. ఆర్థిక పరిస్థితి ఆశాజనకంగా ఉంటుంది. వ్యాపారంలో కొత్త ఆలోచనలు ప్రవేశపెడతారు. అదనపు ఆదాయ ప్రయత్నాలకు ఆశించిన ప్రతిఫలం ఉంటుంది. అనేక విధాలుగా సంపాదన పెరుగుతుంది. అనవసర పరిచయాలకు సాధ్యమైనంత దూరంగా ఉండడం మంచిది. సొంత పనుల మీద శ్రద్ధ పెంచాల్సిన అవసరం ఉంది. ఆరోగ్యం నిలకడగా సాగిపోతుంది. పిల్లలు వృద్ధిలోకి వస్తారు.

సింహం (మఖ, పుబ్బ, ఉత్తర 1)

ఉద్యోగంలో పనిభారం ఉంటుంది. సహచరుల నుంచి సహాయ సహకారాలు ఉంటాయి. వృత్తి, వ్యాపారాల్లో అంచనాలకు తగ్గ లాభాలు గడిస్తారు. ఆస్తి, ఆర్థిక వ్యవహారాల్లో కాస్తంత జాగ్రత్తగా ఉండడం మంచిది. కుటుంబ బాధ్యతలు బాగా పెరుగుతాయి. ప్రయాణాల వల్ల లాభాలు కలుగుతాయి. జీవిత భాగస్వామితో వివాదాలకు అవకాశం ఇవ్వవద్దు. నిరుద్యోగులు చిన్నపాటి ఉద్యోగంతో కొద్ది కాలం సరిపెట్టుకోవాల్సి వస్తుంది. ఆహార, విహారాల్లో జాగ్రత్త అవసరం. పిల్లలు వృద్ధిలోకి వస్తారు.

కన్య (ఉత్తర 2,3,4. హస్త, చిత్త 1,2)

వృత్తి, ఉద్యోగాల్లో ప్రోత్సాహకర వాతావరణం ఉంటుంది. వ్యాపారాల్లో లాభాలు నిలకడగా సాగిపోతాయి. ఆర్థిక పరిస్థితి యథాతథంగా కొనసాగుతుంది. విలువైన గృహోపకరణాలు కొనుగోలు చేస్తారు. నిరుద్యోగులకు అనుకూల వాతావరణం ఉంటుంది. కుటుంబ సభ్యులు, తోబుట్టువులతో కలిసి విందు కార్యక్రమంలో పాల్గొంటారు. కుటుంబ జీవితం ఉత్సాహంగా, ఉల్లాసంగా సాగిపోతుంది. ఆదాయానికి, ఆరోగ్యానికి లోటుండకపోవచ్చు. వ్యక్తిగత సమస్యల నుంచి విముక్తి లభిస్తుంది.

తుల (చిత్త 3,4, స్వాతి, విశాఖ 1,2,3)

రోజంతా చాలా వరకు సంతృప్తికరంగా సాగిపోతుంది. ఉద్యోగంలో ప్రాధాన్యం పెరుగుతుంది. వృత్తి, వ్యాపారాల్లో రాబడికి లోటుండదు. ఒకటి రెండు వ్యక్తిగత సమస్యలు పరిష్కారం అవుతాయి. కుటుంబ జీవితం ప్రశాంతంగా సాగిపోతుంది. ఇంటా బయటా గౌరవ మర్యాదలు పెరుగుతాయి. ముఖ్యమైన ప్రయత్నాలన్నీ నెరవేరుతాయి. ఆర్థిక పరిస్థితి ఆశాజనకంగానే ఉంటుంది కానీ, ఆర్థిక సహాయాలను తగ్గించుకోవడం మంచిది. ఆహార, విహారాల్లో జాగ్రత్తగా ఉండాల్సిన అవసరం ఉంది.

వృశ్చికం (విశాఖ 4, అనూరాధ, జ్యేష్ట)

ఉద్యోగంలో కొన్ని ప్రత్యేక బాధ్యతలను నిర్వర్తించాల్సి వస్తుంది. వృత్తి జీవితంలో కొద్దిపాటి ఒత్తిడి ఉన్నప్పటికీ అందుకు తగ్గ ప్రతిఫలం కూడా అందుతుంది. వ్యాపారాలు లాభసాటిగా సాగుతాయి. కుటుంబ సభ్యులతో ఆలయాలు సందర్శిస్తారు. ఒకటి రెండు ఆర్థిక, వ్యక్తిగత సమస్యలు పరిష్కారమయ్యే అవకాశం ఉంది. ఆశించిన శుభవార్తలు వింటారు. నిరుద్యోగులకు ఉత్సాహాన్నిచ్చే సమాచారం అందుతుంది. వస్త్రాభరణాలు కొనుగోలు చేస్తారు. ఆరోగ్యం అనుకూలంగానే ఉంటుంది.

ధనుస్సు (మూల, పూర్వాషాఢ, ఉత్తరాషాఢ 1)

ఉద్యోగంలో ప్రోత్సాహం, ఆదరణ ఆశించిన స్థాయిలో కొనసాగుతాయి. వృత్తి, వ్యాపారాలు లాభదాయకంగా సాగిపోతాయి. ప్రతి పనిలోనూ శ్రమాధిక్యత ఉంటుంది. కొందరు మిత్రులతో అపార్థాలు తలెత్తే అవకాశం ఉంది. గృహ, వాహన సంబంధమైన ప్రయత్నాలు ఒక కొలిక్కి వస్తాయి. నిరుద్యోగులకు మంచి కబురు అందవచ్చు. ఆర్థిక వ్యవహారాలు, లావాదేవీల్లో బాగా ఆలోచించి నిర్ణయాలు తీసుకోవాలి. జీవిత భాగస్వామి కెరీర్ కి సంబంధించి శుభవార్త వినే అవకాశం ఉంది.

మకరం (ఉత్తరాషాఢ 2,3,4, శ్రవణం, ధనిష్ట 1,2)

వృత్తి, ఉద్యోగాలు బాగా అనుకూలంగా సాగిపోతాయి. అనుకున్న పనులు అనుకున్నట్టు పూర్తవుతాయి. ఏ రంగంలో ఉన్నప్పటికీ ఆదాయానికి లోటు ఉండదు. ఆరోగ్యం బాగా మెరుగ్గా ఉంటుంది. ఆస్తి, ఆర్థిక వ్యవహారాల్లో మంచి నిర్ణయాలు తీసుకుని అమలు చేస్తారు. తలపెట్టిన పనులు చాలా తేలికగా పూర్తవుతాయి. కుటుంబ సభ్యుల మీద ఖర్చు బాగా పెరిగే అవకాశం ఉంది. నిరుద్యోగులకు కలిసి వచ్చే కాలం ఇది. శత్రు, రోగ, రుణ సమస్యలు చాలావరకు తగ్గుముఖం పడతాయి.

కుంభం (ధనిష్ట 3,4, శతభిషం, పూర్వాభాద్ర 1,2,3)

వృత్తి, ఉద్యోగాల్లో ఆశించిన సహాయ సహకారాలు లభిస్తాయి. వ్యాపారాల్లో కొద్దిపాటి మార్పులను ప్రవేశపెట్టి లాభాలు గడిస్తారు. వృత్తి జీవితంలో కార్యకలాపాలు బాగా పెరిగి, తీరిక లేని పరిస్థితి ఏర్పడుతుంది. ఆదాయం సంతృప్తికరంగా ఉంటుంది. తలపెట్టిన వ్యవహారాల్లో విజయం సాధిస్తారు. ఇష్టమైన బంధుమిత్రులతో విందు కార్యక్రమంలో పాల్గొంటారు. కుటుంబ సభ్యులతో కూడా మంచి కాలక్షేపం చేస్తారు. నిరుద్యోగులకు శుభవార్త అందవచ్చు. ఆరోగ్యం మీద బాగాశ్రద్ధ పెట్టాలి.

మీనం (పూర్వాభాద్ర 4, ఉత్తరాభాద్ర, రేవతి)

వృత్తి, వ్యాపారాల్లో పోటీదార్ల మీద పైచేయి సాధిస్తారు. రాబడి బాగా పెరిగే అవకాశం ఉంది. ఉద్యోగంలో పనిభారం ఉన్నా, శ్రమకు తగ్గ ప్రతిఫలం ఉంటుంది. సహచరుల నుంచి సహాయ సహకారాలు లభిస్తాయి. కుటుంబ బాధ్యతలు పెరిగే అవకాశం ఉంది. ప్రయాణాల వల్ల మంచి ఫలితం ఉంటుంది. జీవిత భాగస్వామితో అనుకూలతలు బాగా పెరుగుతాయి. వివాదాలకు దూరంగా ఉండడం మంచిది. నిరుద్యోగులకు ఉద్యోగ యోగం పడుతుంది. ఆరోగ్యం విషయంలో జాగ్రత్త అవసరం.