Horoscope Today: వ్యక్తిగత సమస్యల నుంచి వారికి ఊరట.. 12 రాశుల వారికి రాశిఫలాలు
Today Horoscope (May 31, 2025): మేష రాశి వారికి ఆదాయం నిలకడగా ఉంటుంది. ఆర్థిక సహాయం విషయంలో ఎవరికీ వాగ్దానాలు చేయకపోవడం మంచిది. వృషభ రాశి వారికి ఉద్యోగ జీవితం ఉత్సాహంగా సాగిపోతుంది. ఉద్యోగులకు మెరుగైన అవకాశాలు అంది వస్తాయి. మిథున రాశి వారికి ఆర్థిక వ్యవహారాలన్నీ సానుకూలపడతాయి. మాటకు విలువ పెరుగుతుంది. ఆర్థిక సమస్యలు తగ్గుముఖం పడతాయి. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..
Updated on: May 31, 2025 | 5:01 AM
దిన ఫలాలు (మే 31, 2025): మేష రాశి వారికి ఆదాయం నిలకడగా ఉండే అవకాశహుంది. వృషభ రాశి వారికి ఉద్యోగ జీవితం ఉత్సాహంగా సాగిపోయే అవకాశముంది. మిథున రాశి వారికి ఆర్థిక సమస్యలు తగ్గుముఖం పట్టే అవకాశముంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1)
వృత్తి, వ్యాపారాల్లో లాభాలు పెరుగుతాయి. ఉద్యోగంలో సానుకూలతలకు లోటుండదు. ఆదాయం నిలకడగా ఉంటుంది. ఆర్థిక సహాయం విషయంలో ఎవరికీ వాగ్దానాలు చేయకపోవడం మంచిది. ఆర్థిక లావాదేవీలకు కూడా దూరంగా ఉండాల్సిన అవసరం ఉంది. మిత్రుల వల్ల నష్టపోయే అవకాశం ఉంది. సొంత పనుల మీద శ్రద్ధ పెట్టడం మంచిది. నిరుద్యోగులకు మంచి ఆఫర్లు అందుతాయి. పెళ్లి ప్రయత్నాలకు ఆశించిన స్పందన లభిస్తుంది. ఆరోగ్యం బాగా అనుకూలంగా ఉంటుంది.
వృషభం (కృత్తిక 2,3,4, రోహిణి, మృగశిర 1,2)
వృత్తి, వ్యాపారాల్లో తక్కువ శ్రమతో ఎక్కువ లాభం పొందుతారు. ఉద్యోగం జీవితం ఉత్సాహంగా సాగిపోతుంది. ఉద్యోగులకు మెరుగైన అవకాశాలు అంది వస్తాయి. నిరుద్యోగులకు సమయం అనుకూలంగా ఉంది. ముఖ్యమైన వ్యవహారాల్లో విజయం లభిస్తుంది. వ్యక్తిగత సమస్యలను జాగ్రత్తగా పరిష్కరించుకుంటారు. ఆదాయం వృద్ధి చెందుతుంది. ఆర్థిక పరిస్థితి నిలకడగా ముందుకు సాగుతుంది. కుటుంబ సమేతంగా ఆలయాలను సందర్శిస్తారు. ఆరోగ్యానికి ఇబ్బందేమీ ఉండదు.
మిథునం (మృగశిర 3,4, ఆర్ద్ర, పునర్వసు 1,2,3)
ఆర్థిక వ్యవహారాలన్నీ సానుకూలపడతాయి. మాటకు విలువ పెరుగుతుంది. ఆర్థిక సమస్యలు తగ్గుముఖం పడతాయి. నిరుద్యోగులు తమ ప్రయత్నాల్లో విజయాలు సాధిస్తారు. ఆదాయానికి లోటుండకపోవచ్చు. వృత్తి, ఉద్యోగాల్లో అనుకూల పరిస్థితులు నెలకొంటాయి. పని ఒత్తిడి బాగా తగ్గుతుంది. తలపెట్టిన పనులు కొద్దిగా నిదానంగా పూర్తవుతాయి. పెళ్లి ప్రయత్నాల్లో బంధువుల నుంచి శుభవార్తలు అందుతాయి. పిల్లలు బాగా వృద్ధిలోకి వస్తారు. ఆరోగ్యం మెరుగ్గా ఉంటుంది.
కర్కాటకం (పునర్వసు 4, పుష్యమి, ఆశ్లేష)
కుటుంబంలో ఒక శుభ పరిణామం చోటు చేసుకునే అవకాశం ఉంది. ఆర్థిక పరిస్థితి గతం కంటే బాగా మెరుగుపడుతుంది. రావలసిన డబ్బు సకాలంలో చేతికి అందుతుంది. అవసరానికి బంధు మిత్రుల నుంచి సహాయ సహకారాలు లభిస్తాయి. వృత్తి, వ్యాపారాల్లో ఆర్థిక సమస్యలు, ఒత్తిళ్లు చాలా వరకు తగ్గుతాయి. ఉద్యోగులకు అధికార యోగం పడుతుంది. మంచి పరిచయాలు ఏర్పడతాయి. నిరుద్యోగులకు శుభవార్తలు అందుతాయి. ఆరోగ్యం విషయంలో కాస్తంత జాగ్రత్తగా ఉండాలి.
సింహం (మఖ, పుబ్బ, ఉత్తర 1)
ఆర్థిక పరిస్థితి నిలకడగా సాగిపోతుంది. అదనపు ఆదాయ ప్రయత్నాలు కలిసి వస్తాయి. ఆర్థిక వ్యవహారాలు గతం కంటే మెరుగ్గా ఉంటాయి. ఇంటా బయటా అనుకూలతలు పెరుగుతాయి. ఉద్యోగంలో కొద్దిగా పని ఒత్తిడి ఉండే అవకాశం ఉంది. కుటుంబ సభ్యులతో దైవ కార్యాల్లో పాల్గొంటారు. వృత్తి, వ్యాపారాల్లో పోటీదార్లపై పైచేయి సాధిస్తారు. కొద్ది శ్రమతో ముఖ్యమైన వ్యవహారాలను పూర్తి చేస్తారు. ఆర్థిక విషయాల్లో ఎవరికీ హామీలు ఉండవద్దు. పెళ్లి ప్రయత్నాలు అనుకూలిస్తాయి.
కన్య (ఉత్తర 2,3,4, హస్త, చిత్త 1,2)
రోజంతా హ్యాపీగా, సాఫీగా గడిచిపోతుంది. ఉద్యోగంలో బరువు బాధ్యతలు పెరుగుతాయి. వృత్తి జీవితంలో యాక్టివిటీ వృద్ధి చెందుతుంది. వ్యాపారాల్లో కొద్దిపాటి మార్పులు చేపడతారు. ముఖ్య మైన పనులన్నీ సానుకూలపడతాయి. ఏ ప్రయత్నం తలపెట్టినా విజయం సాధించే అవకాశం ఉంది. ఆదాయానికి ఏమాత్రం లోటుండదు. ఉద్యోగ, పెళ్లి ప్రయత్నాలు సఫలమవుతాయి. కుటుంబంలో ఒకటి రెండు శుభ పరిణామాలు చోటు చేసుకుంటాయి. సొంత పనుల మీద శ్రద్ధ పెట్టడం మంచిది.
తుల (చిత్త 3,4, స్వాతి, విశాఖ 1,2,3)
ఆర్థిక పరిస్థితి, అదనపు ఆదాయ ప్రయత్నాలు బాగా అనుకూలంగా సాగిపోతాయి. ఆస్తి వివాదాలకు పరిష్కారం లభిస్తుంది. వ్యాపారాల్లో శ్రమకు తగ్గ ఫలితం ఉంటుంది. నిరుద్యోగులకు అనుకూల వాతావరణం ఉంది. వృత్తి, ఉద్యోగాలు సానుకూలంగా సాగిపోతాయి. దూర ప్రాంతం లోని బంధువుల నుంచి శుభవార్తలు అందుతాయి. సోదరులతో సఖ్యత ఏర్పడుతుంది. కొందరు బంధువుల వల్ల నష్టపోతారు. ఆరోగ్యం బాగానే ఉంటుంది. కుటుంబపరంగా శుభవార్తలు వింటారు.
వృశ్చికం (విశాఖ 4, అనూరాధ, జ్యేష్ట)
వృత్తి, ఉద్యోగాల్లో పనితీరుతో అధికారులను ఆకట్టుకుంటారు. ఒకటి రెండు సానుకూల మార్పులు చోటు చేసుకుంటాయి. వ్యాపారాలు ప్రోత్సాహకరంగా సాగిపోతాయి. ఒకటి రెండు ఆర్థిక సమస్యల నుంచి బయటపడతారు. పలుకుబడి కలిగిన వ్యక్తులతో పరిచయాలు పెరుగుతాయి. ఆధ్యాత్మిక సేవా కార్యక్రమాల్లో పాల్గొంటారు. నిరుద్యోగుల కలలు సాకారం అవుతాయి. ఆకస్మిక ధన వ్యయ సూచనలున్నాయి. ఆరోగ్యం పరవాలేదు. దూరపు బంధువులతో పెళ్లి సంబంధం కుదురుతుంది.
ధనుస్సు (మూల, పూర్వాషాఢ, ఉత్తరాషాఢ 1)
ఆదాయం బాగా వృద్ధి చెందుతుంది. ఎదురు చూస్తున్న శుభవార్తలు వింటారు. ఆశించిన పెళ్లి సంబంధం కుదిరే అవకాశం ఉంది. అనుకున్న పనులు అనుకున్న విధంగా పూర్తవుతాయి. నిరుద్యోగులకు ఒకటి రెండు అవకాశాలు అందుతాయి. వృత్తి, వ్యాపారాల్లో లాభాలు బాగానే పెరుగుతాయి. ఉద్యోగాల్లో సానుకూల మార్పులు, చేర్పులు చోటు చేసుకుంటాయి. ముఖ్యమైన వ్యవహారాల్లో శ్రమకు తగ్గ ఫలితం కనిపిస్తుంది. సోదరులతో ఆస్తి వివాదంలో రాజీ మార్గం అనుసరిస్తారు.
మకరం (ఉత్తరాషాఢ 2,3,4, శ్రవణం, ధనిష్ట 1,2)
ఉద్యోగంలో జీతభత్యాలు, ప్రమోషన్ల విషయంలో శుభవార్తలు వింటారు. వృత్తి, వ్యాపారాల్లో అంచనాలకు మించి రాబడి పెరుగుతుంది. ఆర్థికపరమైన ఒత్తిళ్ల నుంచి బయటపడతారు. రావలసిన డబ్బు చేతికి అందుతుంది. మొండి బాకీలు వసూలవుతాయి. ఆర్థిక లావాదేవీలకు దూరంగా ఉండడం మంచిది. ముఖ్యమైన వ్యవహారాలు సవ్యంగా పూర్తవుతాయి. మంచి పెళ్లి సంబంధం కుదిరే అవకాశం ఉంది. ఆరోగ్యం బాగానే ఉంటుంది. కుటుంబంలో సుఖ సంతోషాలు వెల్లివిరుస్తాయి.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఆర్థిక విషయాలు ఆశాజనకంగా ఉంటాయి. వృత్తి, ఉద్యోగాల్లో అధికారుల నమ్మకాన్ని చూరగొంటారు. పని భారం బాగా పెరిగే అవకాశం ఉంది. ఆర్థిక పరిస్థితి అనుకూలంగా ఉంటుంది. వ్యాపా రాలు నిలకడగా సాగిపోతాయి. పిల్లలు చదువుల్లో బాగా శ్రమపడాల్సి ఉంటుంది. ఆరోగ్యం విషయంలో శ్రద్ధ వహించాలి. ఇతరుల వ్యవహారాల్లో జోక్యం చేసుకోకపోవడం మంచిది. తలపెట్టిన పనులు చాలావరకు పూర్తవుతాయి. కొందరు బంధువులతో ఆచితూచి వ్యవహరించడం అవ సరం.
మీనం (పూర్వాభాద్ర 4, ఉత్తరాభాద్ర, రేవతి)
ఆస్తి వివాదం ఒకటి అనుకోకుండా పరిష్కారమవుతుంది. వ్యక్తిగత సమస్యల నుంచి కొంత వరకు బయటపడతారు. వ్యాపారాలు లాభసాటిగా సాగుతాయి. వృత్తి జీవితం బిజీగా సాగిపోతుంది. ఉద్యోగాల్లో పని ఒత్తిడి నుంచి ఉపశమనం పొందుతారు. ముఖ్యమైన వ్యవహారాలు అనుకున్న సమయానికి పూర్తవుతాయి. మంచి పరిచయాలు ఏర్పడతాయి. నిరుద్యోగులకు కొత్త అవకాశాలు అంది వస్తాయి. ఆరోగ్యం అను కూలంగా ఉంటుంది. కొద్దిగా ధన నష్టం జరిగే అవకాశం ఉంది.
