Horoscope Today: ఆ రాశి వారికి ఉద్యోగాల్లో పదోన్నతి.. 12 రాశుల వారికి రాశిఫలాలు ఇలా..
దిన ఫలాలు (మే 27, 2025): మేష రాశి వారికి అనేక మార్గాల్లో ఆదాయం పెరుగుతుంది. కుటుంబ సభ్యుల మీద ఖర్చులు బాగా పెరిగే అవకాశం ఉంది. వృషభ రాశి వారి ఆదాయానికి లోటుండదు. అనేక మార్గాల్లో ఆదాయం పెరిగే అవకాశం ఉంది. మిథున రాశి వారికి ఉద్యోగంలో బరువు బాధ్యతలు పెరుగుతాయి. అధికారుల నమ్మకాన్ని చూరగొంటారు. మేష రాశి మొదలు మీన రాశి వరకు 12 రాశుల వారికి మంగళవారంనాటి రాశిఫలాలు ఎలా ఉన్నాయంటే..
Updated on: May 27, 2025 | 5:01 AM
దిన ఫలాలు (మే 27, 2025): మేష రాశి వారికి అనేక మార్గాల్లో ఆదాయం పెరిగే అవకాశం ఉంది. వృషభ రాశి వారి ఆదాయానికి లోటు లేని పరిస్థితి ఉండే అవకాశముంది. మిథున రాశి వారికి ఉద్యోగంలో బరువు బాధ్యతలు పెరుగుతాయి. మేష రాశి మొదలు మీన రాశి వరకు 12 రాశుల వారికి మంగళవారంనాటి రాశిఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1)
అనేక మార్గాల్లో ఆదాయం పెరుగుతుంది. కుటుంబ సభ్యుల మీద ఖర్చులు బాగా పెరిగే అవకాశం ఉంది. ఉద్యోగంలో ప్రాధాన్యం పెరుగుతుంది. వృత్తి, వ్యాపారాల్లో కార్యకలాపాలు, లావాదేవీలు వృద్ధి చెందుతాయి. తీరిక ఉండని పరిస్థితి ఏర్పడుతుంది. విదేశాల్లో ఉన్న పిల్లల నుంచి ఒకటి రెండు శుభవార్తలు వింటారు. విద్యార్థులు తేలికగా విజయాలు సాధిస్తారు. ఆరోగ్యం బాగానే ఉంటుంది. నిరుద్యోగులకు ఉద్యోగ యోగం పడుతుంది. పెళ్లి ప్రయత్నాల్లో శుభవార్త అందుతుంది.
వృషభం (కృత్తిక 2,3,4, రోహిణి, మృగశిర 1,2)
ఆదాయానికి లోటుండదు. అనేక మార్గాల్లో ఆదాయం పెరిగే అవకాశం ఉంది. ముఖ్యమైన అవసరాలు తీరిపోవడంతో పాటు ఒకటి రెండు ఆర్థిక సమస్యలు సమసిపోతాయి. ముఖ్యమైన వ్యవహారాల్లో కొద్దిగా మానసిక ఒత్తిడి ఉంటుంది. స్వల్ప అనారోగ్యానికి అవకాశం ఉంది. వృత్తి, వ్యాపారాల్లో లాభాలు అంచనాల్ని మించుతాయి. ఉద్యోగ జీవితంలో బరువు బాధ్యతలు బాగా పెరుగుతాయి. బంధువులతో కొద్దిగా సమస్యలు తలెత్తుతాయి. ప్రయాణాల వల్ల బాగా లాభాలు కలుగుతాయి.
మిథునం (మృగశిర 3,4, ఆర్ద్ర, పునర్వసు 1,2,3)
ఉద్యోగంలో బరువు బాధ్యతలు పెరుగుతాయి. అధికారుల నమ్మకాన్ని చూరగొంటారు. వృత్తి, వ్యాపారాలు అనుకూలంగా, సంతృప్తికరంగా సాగిపోతాయి. ఆదాయానికి, ఆరోగ్యానికి లోటుండకపోవచ్చు. ఆదాయం పెరుగుతూ ఉంటుంది తప్ప తగ్గే అవకాశం ఉండదు. ఆర్థిక లావాదేవీలు, షేర్లు, స్పెక్యులేషన్ల వంటివి అంచనాలకు మించిన లాభాలనిస్తాయి. వృత్తి, వ్యాపారాల్లో లాభాలు పెరుగుతాయి. ఉద్యోగాల్లో మంచి అవకాశాలు అందివస్తాయి. నిరుద్యోగులకు తగిన ఆఫర్లు అందుతాయి.
కర్కాటకం (పునర్వసు 4, పుష్యమి, ఆశ్లేష)
ఆదాయ వృద్ధికి సంబంధించిన ఎటువంటి ప్రయత్నమైనా విజయవంతం అవుతుంది. ఆర్థిక వ్యవ హారాలు సానుకూలంగా సాగిపోతాయి. కొద్ది ప్రయత్నంతో వ్యక్తిగత సమస్య ఒకటి పరిష్కారం అవుతుంది. వ్యాపారంలో బాగా బిజీ అవుతారు. వృత్తి, ఉద్యోగాల్లో శ్రమ, ఒత్తిడి తగ్గే అవకాశం ఉంది. ఒకరిద్దరు బంధుమిత్రులకు ఆర్థికంగా సహాయం చేస్తారు. తలపెట్టిన పనులు సకాలంలో, సవ్యంగా పూర్తవుతాయి. రాదనుకున్న డబ్బు వసూలవుతుంది. ఆరోగ్యం అనుకూలంగా ఉంటుంది.
సింహం (మఖ, పుబ్బ, ఉత్తర 1)
ఉద్యోగంలో పదోన్నతికి అవకాశం ఉంది. వృత్తి, వ్యాపారాల్లో సరైన నిర్ణయాలు తీసుకోవడం వల్ల లబ్ధి పొందుతారు. ఆర్థిక పరిస్థితి నిలకడగా సాగిపోతుంది. నిరుద్యోగుల ప్రయత్నాలకు సానుకూల స్పందన లభిస్తుంది. ఉన్నత స్థాయి వ్యక్తులతో పరిచయాలు ఏర్పడతాయి. బంధువుల విషయాల్లో జోక్యం చేసుకోవద్దు. విద్యార్థులు శ్రమపడాల్సి ఉంటుంది. ఆరోగ్యం పరవాలేదు. దీర్ఘకాలిక అనారోగ్యం నుంచి కూడా ఉపశమనం లభిస్తుంది. ఆశించిన పెళ్లి సంబంధం కుదురుతుంది.
కన్య (ఉత్తర 2,3,4, హస్త, చిత్త 1,2)
ఆశించిన శుభ వార్తలు వింటారు. ఇంటా బయటా అనుకూలతలు పెరుగుతాయి. ఆదాయ ప్రయత్నాలు సఫలం అవుతాయి. ఆదాయానికి, ఆరోగ్యానికి లోటుండదు. ఒకటి రెండు వ్యక్తిగత సమస్యలు కూడా అనుకోకుండా పరిష్కారమవుతాయి. వృత్తి, ఉద్యోగాలు సాఫీగా, సంతృప్తికరంగా సాగి పోతాయి. వ్యాపారాల్లో లాభాలు నిలకడగా పురోగమిస్తాయి. నిరుద్యోగులకు సమయం అనుకూలంగా ఉంది. మంచి పెళ్లి సంబంధం కుదురుతుంది. ఆర్థిక లావాదేవీలు, స్పెక్యులేషన్ లాభిస్తాయి.
తుల (చిత్త 3,4, స్వాతి, విశాఖ 1,2,3)
ఆదాయం బాగా పెరిగే అవకాశం ఉన్నప్పటికీ, ఆర్థిక విషయాల్లో ఎవరికీ వాగ్దానాలు చేయకపోవడం మంచిది. కొందరు సన్నిహితుల వల్ల ఆర్థికంగా నష్టపోయే అవకాశం ఉంది. ఆర్థిక వ్యవహారాలు, ఆస్తి వ్యవహారాలు సానుకూలంగా సాగిపోతాయి. బంధువుల నుంచి శుభవార్తలు అందుతాయి. తలపెట్టిన వ్యవహారాలు, పనులు, సజావుగా సాగిపోతాయి. వృత్తి, ఉద్యోగాల్లో సానుకూల మార్పులు చోటు చేసుకుంటాయి. వ్యాపారాలు కొత్త పుంతలు తొక్కుతాయి. దైవ చింతన పెరుగుతుంది.
వృశ్చికం (విశాఖ 4, అనూరాధ, జ్యేష్ట)
ఆదాయం నిలకడగా ఉంటుంది. ఆదాయ ప్రయత్నాల మీద శ్రమ పెరుగుతుంది. వ్యక్తిగత సమస్యలు తగ్గుముఖం పడతాయి. ఆరోగ్యం బాగానే ఉంటుంది. ఉద్యోగ జీవితం సాఫీగా సాగిపోతుంది. వృత్తి, వ్యాపారాల్లో ఆశించిన పురోగతి ఉంటుంది. కుటుంబంలో సుఖ సంతోషాలకు లోటుండదు. దీర్ఘకాలిక అనారోగ్యాల నుంచి కూడా కొద్దిగా కోలుకునే అవకాశం ఉంది. మంచి పరిచయాలు ఏర్పడతాయి. చేపట్టిన పనులు సకాలంలో పూర్తవుతాయి. పెళ్లి సంబంధం కుదిరే అవకాశం ఉంది.
ధనుస్సు (మూల, పూర్వాషాఢ, ఉత్తరాషాఢ 1)
ఆదాయం బాగా వృద్ధి చెందుతుంది. రావలసిన సొమ్ము, బాకీలు, బకాయిలు కొద్ది ప్రయత్నంతో చేతికి అందుతాయి. మంచి పెళ్లి సంబంధం కుదిరే అవకాశం ఉంది. కుటుంబ, దాంపత్య సమస్యలు పరిష్కారమయ్యే అవకాశం ఉంది. వృత్తి, ఉద్యోగాల్లో ప్రాధాన్యం పెరుగుతుంది. అధికారులు మీ సలహాలు, సూచనలతో లబ్ధి పొందుతారు. వ్యాపారాల్లో ఆర్థిక సమస్యలు, ఒత్తిళ్లు తగ్గిపోతాయి. ఉద్యోగ, పెళ్లి ప్రయత్నాల్లో శుభవార్తలు వింటారు. వ్యక్తిగత సమస్య ఒకటి పరిష్కారం అవుతుంది.
మకరం (ఉత్తరాషాఢ 2,3,4, శ్రవణం, ధనిష్ట 1,2)
ఆర్థిక వ్యవహారాల్లో కొద్దిగా జాగ్రత్తగా ఉండడం మంచిది. ఆదాయానికి లోటుండదు కానీ, కుటుంబ ఖర్చులు బాగా పెరుగుతాయి. ఉద్యోగ జీవితం సానుకూలంగా, సంతృప్తికరంగా సాగిపోతుంది. వృత్తి, వ్యాపారాలు సజావుగా సాగిపోతాయి. ముఖ్యమైన పనులు, వ్యవహారాలు నిదానంగా పూర్తవుతాయి. నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. దైవ కార్యాల్లో పాల్గొంటారు. పెళ్లి ప్రయత్నాలు కొద్దిగా నిరాశ కలిగిస్తాయి. ఆహార, విహారాల్లో జాగ్రత్తగా ఉండాలి.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఆర్థిక లావాదేవీలకు దూరంగా ఉండడం మంచిది. ఆర్థిక వ్యవహారాల్లో కూడా అప్రమత్తంగా ఉండాల్సిన అవసరం ఉంది. అనుకున్న సమయానికి కొన్ని ముఖ్యమైన పనులు పూర్తవుతాయి. ఉద్యోగ జీవితం సంతృప్తికరంగా సాగిపోతుంది. వృత్తి, వ్యాపారాల్లో రాబడి పెరిగే అవకాశం ఉంది. జీవిత భాగస్వామితో కలిసి వస్త్రాభరణాలు కొనుగోలు చేస్తారు. పెళ్లి, ఉద్యోగ ప్రయత్నాల్లో ఒకటి రెండు శుభవార్తలు వినడం జరుగుతుంది. రావలసిన డబ్బును పట్టుదలగా రాబట్టుకుంటారు.
మీనం (పూర్వాభాద్ర 4, ఉత్తరాభాద్ర, రేవతి)
ఆర్థిక వ్యవహారాలు సవ్యంగా సాగిపోతాయి. ఆర్థిక లావాదేవీలు ఆశించిన ఫలితాలనిస్తాయి. తలపెట్టిన పనులన్నిటినీ పట్టుదలగా పూర్తి చేస్తారు. మంచి పరిచయాలు ఏర్పడతాయి. ఇతరులకు మేలు జరిగే పనులు చేస్తారు. బంధువర్గంలో పెళ్లి సంబంధం కుదురుతుంది. ఉద్యోగంలో భారీ లక్ష్యాల వల్ల ఇబ్బంది పడడం జరుగుతుంది. వృత్తి, వ్యాపారాలు నిలకడగా ముందుకు సాగుతాయి. నిరుద్యోగులకు ఉద్యోగ యోగం పడుతుంది. ఎదురు చూస్తున్న శుభవార్తలు వింటారు.
