Horoscope Today: ఆ రాశి ఉద్యోగులకు జీతభత్యాల విషయంలో శుభవార్త.. 12 రాశుల వారికి రాశిఫలాలు

దిన ఫలాలు (జూన్ 20, 2025): మేష రాశి వారు ఏ ప్రయత్నం తలపెట్టినా తప్పకుండా కలిసి వచ్చే అవకాశముంది. వృషభ రాశి వారికి అనేక విధాలుగా ఆదాయం పెరిగే అవకాశం ఉంది. మిథున రాశి వారి ఆర్థిక పరిస్థితి సంతృప్తికరంగా ఉంటుంది. మేష రాశి మొదలు మీన రాశి వరకు 12 రాశుల వారికి శుక్రవారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

ఏ ప్రయత్నం తలపెట్టినా తప్పకుండా కలిసి వస్తుంది. ఆర్థిక విషయాలకు, ఆదాయ ప్రయత్నాలకు సమయం బాగా అనుకూలంగా ఉంది. ఆస్తి వివాదం ఒకటి సానుకూలపడుతుంది. వృత్తి, ఉద్యోగాల్లో మీ పని తీరుకు ఆశించిన గుర్తింపు లభిస్తుంది. వ్యాపారాల్లో లాభాలు బాగానే పెరుగుతాయి. ముఖ్యమైన పనులన్నీ సంతృప్తికరంగా పూర్తవుతాయి. కొందరు ప్రముఖులతో సన్నిహిత సంబంధాలు ఏర్పడతాయి. ఆరోగ్యం బాగా మెరుగ్గా ఉంటుంది. ఉద్యోగ ప్రయత్నాలు ఫలిస్తాయి.

వృషభం (కృత్తిక 2,3,4, రోహిణి, మృగశిర 1,2)

అనేక విధాలుగా ఆదాయం పెరిగే అవకాశం ఉంది. కొన్ని చిన్నస్థాయి ఆర్థిక, వ్యక్తిగత సమస్యల నుంచి బయటపడతారు. ముఖ్యంగా ఆర్థిక వ్యవహారాలు సవ్యంగా సాగిపోతాయి. ప్రస్తుతానికి ధనపరంగా ఇతరులకు మాట ఇవ్వకపోవడం మంచిది. వ్యాపారాలు సాదా సీదాగా సాగుతాయి. వృత్తి, ఉద్యోగాలు సంతృప్తికరంగా సాగిపోతాయి. కుటుంబ సభ్యుల నుంచి బాగా ఒత్తిడి ఉంటుంది. ఆరోగ్యం బాగానే ఉంటుంది. నిరుద్యోగులకు విదేశాల నుంచి ఆశించిన శుభవార్త అందుతుంది.

మిథునం (మృగశిర 3,4, ఆర్ద్ర, పునర్వసు 1,2,3)

ఆరోగ్యానికి, ఆదాయానికి లోటుండకపోవచ్చు. ఆర్థిక పరిస్థితి సంతృప్తికరంగా ఉంటుంది. రావలసిన డబ్బు సకాలంలో చేతికి అందుతుంది. కొద్ది ప్రయత్నంతో మొండి బాకీలను కూడా వసూలు చేసుకుంటారు. ఉద్యోగంలో జీతభత్యాల విషయంలో శుభవార్త వింటారు. ఆర్థిక వ్యవహారాల్లో పురోగతి ఉంటుంది. ఆస్తి వివాదం నుంచి బయటపడతారు. వ్యక్తిగత సమస్యలకు పరిష్కారం దొరుకుతుంది. పెళ్లి, ఉద్యోగ ప్రయత్నాలు సఫలమవుతాయి. వృత్తి, వ్యాపారాల్లో రాబడి పెరుగుతుంది.

కర్కాటకం (పునర్వసు 4, పుష్యమి, ఆశ్లేష)

ఆదాయానికి లోటుండకపోవచ్చు. అవసరానికి డబ్బు అందుతుంది. కుటుంబ ఖర్చులు ఎక్కువగా ఉంటాయి. ఉద్యోగులకు, నిరుద్యోగులకు మంచి ఆఫర్లు అందుతాయి. ఇంటా బయటా పని భారం ఎక్కువగా ఉండడం, బరువు బాధ్యతలు పెరగడం వంటివి జరుగుతాయి. వృత్తి, ఉద్యోగాల్లో పురోగతి ఉంటుంది. వ్యాపారాల్లో శ్రమకు తగ్గ లాభాలు గడిస్తారు. ఏ ప్రయత్నం చేపట్టినా విజయవంతం అవుతుంది. అనుకున్న పనులన్నీ పూర్తవుతాయి. సొంత ఇంటి ప్రయత్నాలు అనుకూలిస్తాయి.

సింహం (మఖ, పుబ్బ, ఉత్తర 1)

ఆదాయం బాగానే వృద్ధి చెందుతుంది. అనవసర ఖర్చుల్ని బాగా తగ్గించుకుంటారు. ఉద్యోగంలో అధికారులను మీ పనితీరుతో ఆకట్టుకుంటారు. వృత్తి, వ్యాపారాల్లో కార్యకలాపాలు పెరుగుతాయి. వ్యక్తిగత సమస్యలు కొద్దిగా తగ్గుతాయి. ముఖ్యమైన వ్యవహారాలు, పనులను కొద్ది ప్రయత్నంతో పూర్తి చేస్తారు. ప్రయాణాల వల్ల ఆశించిన లాభాలు పొందుతారు. నిరుద్యోగులకు మంచి ఆఫర్లు అందుతాయి. ఆశించిన పెళ్లి సంబంధం కుదిరే అవకాశం ఉంది. మిత్రుల వల్ల ధన నష్టం కలుగుతుంది.

కన్య (ఉత్తర 2,3,4, హస్త, చిత్త 1,2)

వృత్తి, వ్యాపారాలు సంతృప్తికరంగా, ఆశాజనకంగా సాగిపోతాయి. ఉద్యోగంలో బాధ్యతలు పెరిగే అవకాశం ఉంది. ఆదాయంలో ఆశించిన పెరుగుదల ఉంటుంది కానీ, వృథా ఖర్చుల విషయంలో జాగ్రత్తగా ఉండాలి. నిరుద్యోగులకు కొత్త ఆపర్లు అందుతాయి. ముఖ్యమైన వ్యవహారాల్లో అవరోధాలు ఉన్నప్పటికీ, పట్టుదలగా వాటిని పూర్తి చేస్తారు. బంధుమిత్రుల్లో కొందరికి మీ సలహాలు, సూచనలు బాగా ఉపకరిస్తాయి. ఆరోగ్యం బాగానే ఉంటుంది. ఎదురు చూస్తున్న శుభవార్తలు వింటారు.

తుల (చిత్త 3,4, స్వాతి, విశాఖ 1,2,3)

ఆదాయం బాగానే పెరుగుతుంది. ఆకస్మిక ధన లాభానికి అవకాశం ఉంది. వృత్తి, ఉద్యోగాలలో ప్రాభవం పెరుగుతుంది. అధికారులకు మీ సలహాలు, సూచనలు ఉపయోగపడతాయి. వ్యాపారాల్లో అంచనాలకు మించిన లాభాలు గడిస్తారు. నిరుద్యోగులకు ఉద్యోగావకాశాలు కలిసి వస్తాయి. వ్యక్తిగత సమస్యల పరిష్కారం మీద శ్రద్ద పెట్టడం మంచిది. ఇష్టమైన వ్యక్తితో పెళ్లి నిశ్చయమయ్యే అవకాశం ఉంది. ఇతరుల సమస్యల్లో తలదూర్చకపోవడం మంచిది. ఆర్థిక లావాదేవీలు పెట్టుకోవద్దు.

వృశ్చికం (విశాఖ 4, అనూరాధ, జ్యేష్ట)

శుభవార్తలు ఎక్కువగా వింటారు. కుటుంబంలో శుభ పరిణామాలు చోటు చేసుకుంటాయి. అనారోగ్య సమస్యల నుంచి చాలావరకు ఉపశమనం లభిస్తుంది. ముఖ్యమైన వ్యవహారాలు, పనులు తేలికగా పూర్తవుతాయి. ఉద్యోగంలో అధికారులకు నమ్మకం పెరుగుతుంది. ప్రత్యేక బాధ్యతలతో ప్రోత్సహిస్తారు. వృత్తి జీవితం సాఫీగా, హ్యాపీగా సాగిపోతుంది. ఆదాయం పెరగడం వల్ల కొన్ని ఆర్థిక సమస్యల నుంచి గట్టెక్కుతారు. పెళ్లి, ఉద్యోగ ప్రయత్నాల్లో ఆశించిన సమాచారం అందుతుంది.

ధనుస్సు (మూల, పూర్వాషాఢ, ఉత్తరాషాఢ 1)

ఆర్థిక విషయాల్లో ఆచితూచి వ్యవహరించాల్సి ఉంటుంది. వ్యాపారంలో ఆశించిన స్థాయి లాభాలు అందుతాయి. ఉద్యోగంలో అధికారుల నుంచి కొద్దిపాటి ఒత్తిడి ఉండే అవకాశం ఉంది. ఆరోగ్యం నిలకడగా ఉంటుంది. ఆదాయం బాగానే పెరుగుతుంది. వృత్తి జీవితంలో రాబడి నిలకడగా సాగుతుంది. కొద్ది శ్రమతో ముఖ్యమైన పనులు పూర్తవుతాయి. మంచి పరిచయాలు ఏర్పడతాయి. కుటుంబ జీవితం ఉత్సాహంగా సాగిపోతుంది. అనుకోకుండా మంచి పెళ్లి సంబంధం కుదురుతుంది.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఉద్యోగంలో అధికారులు మీ సమర్థతను గుర్తిస్తారు. సహోద్యోగులకు ఆశించిన సహాయ సహకారాలు అందిస్తారు. వృత్తి, వ్యాపారాలు ఆశాజనకంగా సాగిపోతాయి. ఆదాయం బాగానే వృద్ధి చెందుతుంది. ఏ ప్రయత్నం తలపెట్టినా విజయవంతం అవుతుంది. ఆర్థిక వ్యవహారాలు సానుకూలంగా పూర్తవుతాయి. వ్యక్తిగత సమస్యల నుంచి కొద్దిగా విముక్తి లభిస్తుంది. లాభదాయకమైన పరిచయాలు ఏర్పడతాయి. ఆహార, విహారాల్లో జాగ్రత్తలు పాటించాల్సి ఉంటుంది. ప్రయాణాలు లాభిస్తాయి.

కుంభం (ధనిష్ట 3,4, శతభిషం, పూర్వాభాద్ర 1,2,3)

ఇంటా బయటా బాగా ఒత్తిడి, శ్రమ తప్పకపోవచ్చు. ఆదాయం నిలకడగా ఉంటుంది. బంధు మిత్రులను ఆర్థికంగా ఆదుకుంటారు. వృత్తి, ఉద్యోగాల్లో బరువు బాధ్యతలు పెరుగుతాయి. వృత్తి, వ్యాపారాల్లో పోటీ పెరిగే సూచనలున్నాయి. ముఖ్యమైన పనులు, వ్యవహారాలను ప్రణాళికా బద్ధంగా పూర్తి చేస్తారు. కొందరు బంధుమిత్రులతో అపార్థాలు తలెత్తవచ్చు. నిరుద్యోగులకు సొంత ఊర్లో ఉద్యోగం లభించే అవకాశం ఉంది. పెళ్లి ప్రయత్నాల్లో తప్పకుండా కొన్ని శుభవార్తలు వింటారు.

మీనం (పూర్వాభాద్ర 4, ఉత్తరాభాద్ర, రేవతి)

అనేక విధాలుగా ఆదాయం పెరుగుతుంది. ఆదాయ ప్రయత్నాల్లో శ్రమ బాగా పెరుగుతుంది. ఖర్చులు తగ్గించుకోవడం మంచిది. పెరగడమే తప్ప తగ్గడం ఉండదు. ఏ ప్రయత్నం తలపెట్టినా విజయం సాధిస్తారు. వ్యక్తిగత, ఆర్థిక సమస్యల నుంచి కొద్దిగా విముక్తి లభిస్తుంది. వృత్తి, వ్యాపా రాల్లో లాభాలు పెరుగుతాయి. నిరుద్యోగులకు మంచి ఆఫర్లు అందుతాయి. ఆస్తి వివాదానికి అనుకోని పరిష్కారం లభిస్తుంది. ఆధ్యాత్మిక కార్యక్రమాల్లో పాల్గొంటారు. ఎవరికీ వాగ్దానాలు చేయవద్దు.