Horoscope Today: వారు ప్రయాణాల్లో జాగ్రత్తగా ఉంటే మంచిది.. 12 రాశుల వారికి రాశిఫలాలు

దిన ఫలాలు (జూన్ 16, 2025): మేష రాశి వారికి ఉద్యోగంలో అధికారులు ఎంతో నమ్మకంతో ప్రత్యేక బాధ్యతలను అప్పగించే అవకాశముంది. వృషభ రాశి వారికి ఉద్యోగంలో అధికారులు ఎంతో ప్రాధాన్యం దక్కే అవకాశముంది. మిథున రాశి వారికి ఉద్యోగ, పెళ్లి ప్రయత్నాలకు సమయం అనుకూలంగా ఉంది. మేష రాశి మొదలు మీన రాశి వరకు 12 రాశుల వారికి సోమవారంనాటి రాశిఫలాలు ఎలా ఉన్నాయంటే..

మేషం (అశ్విని, భరణి, కృత్తిక 1)

ఉద్యోగంలో అధికారులు ఎంతో నమ్మకంతో ప్రత్యేక బాధ్యతలను అప్పగించడం జరుగుతుంది. వృత్తి, వ్యాపారాల్లో ఆర్థిక పరిస్థితి బాగా మెరుగ్గా ఉంటుంది. ఆదాయానికి లోటుండదు. నిరుద్యోగులకు ఆశించిన సమాధానం అందుతుంది. ఉద్యోగం మారడానికి సమయం అనుకూలంగా ఉంది. ఆదాయ వృద్దికి చేపట్టే ప్రతి ప్రయత్నమూ సత్ఫలితాలనిస్తుంది. జీవిత భాగస్వామితో కలిసి భారీగా షాపింగ్ చేస్తారు. ఆరోగ్యం బాగానే ఉంటుంది. పిల్లల నుంచి శుభవార్తలు వింటారు.

వృషభం (కృత్తిక 2,3,4, రోహిణి, మృగశిర 1,2)

ఉద్యోగంలో అధికారులు ఎంతో ప్రాధాన్యం ఇచ్చి ప్రోత్సహిస్తారు. వృత్తి, వ్యాపారాల్లో యాక్టివిటీ పెరుగుతుంది. కొద్ది శ్రమతో పెండింగ్ పనులన్నిటినీ పూర్తి చేస్తారు. అదనపు ఆదాయానికి బాగా అవకాశం ఉంది. కుటుంబపరంగా ఒకటి రెండు శుభ వార్తలు వినడం జరుగుతుంది. నిరుద్యోగులకు ఉద్యోగం యోగం పడుతుంది. ముఖ్యమైన ప్రయత్నాలు సఫలమవుతాయి. విదేశాల నుంచి ఆశించిన సమాచారం అందుతుంది. ఆరోగ్యం బాగా అనుకూలంగా ఉంటుంది. ప్రయాణాలు లాభిస్తాయి.

మిథునం (మృగశిర 3,4, ఆర్ద్ర, పునర్వసు 1,2,3)

వృత్తి, ఉద్యోగాల్లో ప్రతిభా పాటవాలకు ఆశించిన గుర్తింపు లభిస్తుంది. అధికారుల నుంచి ఆశించిన ప్రోత్సాహకాలు అందుతాయి. వ్యాపారాలలో లాభాలకు ఇబ్బందేమీ ఉండదు. అదనపు ఆదాయ ప్రయత్నాలు సఫలం అవుతాయి. ఆర్థిక లావాదేవీలు ఆశించిన ప్రయోజనాలనిస్తాయి. కుటుంబ ఖర్చులు బాగా పెరుగుతాయి. మిత్రుల సహాయంతో ముఖ్యమైన వ్యవహారాలను తేలికగా పూర్తి చేస్తారు. ఉద్యోగ, పెళ్లి ప్రయత్నాలకు సమయం అనుకూలంగా ఉంది. ప్రేమలో పడే అవకాశం ఉంది.

కర్కాటకం (పునర్వసు 4, పుష్యమి, ఆశ్లేష)

ఉద్యోగంలో అవకాశాలు పెరుగుతాయి. అధికారులతో బాధ్యతల్ని పంచుకునే అవకాశం ఉంది. వృత్తి, వ్యాపారాలు సంతృప్తికరంగా సాగిపోతాయి. పెండింగు పనులను పట్టుదలగా పూర్తి చేస్తారు. రావలసిన డబ్బు చేతికి అందుతుంది. ఇంటా బయటా మీ మాట చెల్లుబాటు అవుతుంది. నష్ట దాయక వ్యవహారాలకు దూరంగా ఉండడం మంచిది. ఆర్థిక సంబంధమైన బాధ్యతలను ఎవరికీ అప్పగించవద్దు. సొంత పనుల మీద శ్రద్ధ పెట్టాల్సిన అవసరం ఉంది. పెళ్లి సంబంధం కుదురు తుంది.

సింహం (మఖ, పుబ్బ, ఉత్తర 1)

వృత్తి, ఉద్యోగాల్లో పని భారం ఎక్కువగా ఉంటుంది. సహోద్యోగుల బాధ్యతలను పంచుకోవాల్సి వస్తుంది. వ్యాపారాల్లో లాభాలు నిలకడగా సాగుతాయి. విదేశాల్లో ఉద్యోగాలు, చదువులకు సంబంధించి ఆశించిన సమాచారం అందుతుంది. పెళ్లి ప్రయత్నాల్లో శుభవార్తలు వింటారు. అదనపు ఆదాయ ప్రయత్నాలకు సమయం అనుకూలంగా ఉంది. ఎంత ప్రయత్నం చేస్తే అంత మంచిది. చిన్నపాటి ఆర్థిక ప్రయత్నంతో మంచి ఫలితాలను పొందుతారు. ప్రయాణాల్లో జాగ్రత్తగా ఉండడం మంచిది.

కన్య (ఉత్తర 2,3,4, హస్త, చిత్త 1,2)

ఉద్యోగంలో కొన్ని ప్రత్యేక బాధ్యతలను నిర్వర్తించాల్సి వస్తుంది. వృత్తి, వ్యాపారాల్లో యాక్టివిటీతో పాటు రాబడి బాగా పెరుగుతుంది. ఇంటా బయటా అనుకూల పరిస్థితులుంటాయి. ఏ పని తల పెట్టినా మిత్రుల సహకారం ఉంటుంది. మరింత మంచి ఉద్యోగంలోకి మారడానికి అవకాశం ఉంది. నిరుద్యోగులకు దూర ప్రాంతంలో ఉద్యోగం లభించే అవకాశం ఉంది. ఆదాయం వృద్ధి చెందుతుంది. ముఖ్యమైన పనులు, వ్యవహారాలను పూర్తి చేస్తారు. వ్యక్తిగత సమస్య ఒకటి పరిష్కారం అవుతుంది.

తుల (చిత్త 3,4, స్వాతి, విశాఖ 1,2,3)

అనేక విధాలుగా ఆదాయం వృద్ధి చెందుతుంది. ఆర్థిక పరిస్థితి ఇదివరకటి కంటే బాగా మెరుగ్గా ఉంటుంది. కుటుంబ జీవితం హ్యాపీగా సాగిపోతుంది. ఆరోగ్యానికి ఇబ్బందేమీ ఉండదు. వృత్తి, ఉద్యోగాల్లో మీ పనితీరుతో అధికారులను ఆకట్టుకుంటారు. హోదా లభించే అవకాశం ఉంది. వ్యాపారాలు లాభాల పంట పండిస్తాయి. రాదని వదిలేసుకున్న డబ్బు కూడా చేతికి అందుతుంది. బాకీలు, బకాయిలు పూర్తిగా వసూలవుతాయి. పిల్లలు ఆశించిన స్థాయిలో వృద్ధిలోకి వస్తారు.

వృశ్చికం (విశాఖ 4, అనూరాధ, జ్యేష్ట)

ఉద్యోగంలో పని ఒత్తిడి ఎక్కువగా ఉంటుంది. వృత్తి జీవితం బిజీగా సాగిపోతుంది. వ్యాపారాల్లో లాభాలు కొద్దిగా పెరుగుతాయి. ఆదాయ వృద్ధి ప్రయత్నాలు చాలావరకు సఫలం అవుతాయి. ఆర్థిక లావాదేవీల జోలికి పోవద్దు. ఖర్చులు బాగా తగ్గించుకోవాల్సిన అవసరం ఉంది. కుటుంబంలో చిన్నా చితకా సమస్యలు తలెత్తే అవకాశం ఉంది. ఉద్యోగ, పెళ్లి ప్రయత్నాలకు ఆశించిన స్పందన లభిస్తుంది. ఆస్తి వివాదం సానుకూలంగా పరిష్కారమవుతుంది. ఆరోగ్యం బాగానే ఉంటుంది.

ధనుస్సు (మూల, పూర్వాషాఢ, ఉత్తరాషాఢ 1)

వృత్తి, ఉద్యోగాలలో ఒత్తిడి బాగా తగ్గుతుంది. వ్యాపారాలు లాభాల బాటపడతాయి. ఆదాయం బాగానే పెరిగే అవకాశం ఉంది. ఆకస్మిక ధన ప్రాప్తి కలుగుతుంది. ఆర్థిక విషయాల్లో ఎవరినీ గుడ్డిగా నమ్మకపోవడం మంచిది. నిరుద్యోగులకు మంచి ఆఫర్ అందే అవకాశం ఉంది. పెళ్లి ప్రయత్నాలు చాలావరకు ఫలిస్తాయి. ముఖ్యమైన వ్యవహారాల్లో సొంత నిర్ణయాల మీద ఆధారపడడం మంచిది. ఆరోగ్యం అనుకూలంగా ఉంటుంది. ప్రయాణాల్లో జాగ్రత్తలు పాటించాలి. పిల్లలు వృద్ధిలోకి వస్తారు.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఆదాయ మార్గాలు పెరిగే అవకాశం ఉంది. ఆర్థిక పరిస్థితి సంతృప్తికరంగా ఉంటుంది. ఇంటా బయటా కొద్దిపాటి ఒత్తిడి ఉంటుంది. ఒకటి రెండు వ్యక్తిగత సమస్యలను పరిష్కారమవుతాయి. వృత్తి, వ్యాపారాల్లో కొద్దిపాటి లాభాలకు అవకాశం ఉంది. ఉద్యోగ జీవితంలో పనిభారం ఎక్కువగా ఉన్నా, ప్రోత్సాహకాలు అందే అవకాశం ఉంది. ఆహార, విహారాల్లో జాగ్రత్తగా ఉండడం మంచిది. పిల్లల నుంచి శుభవార్తలు వింటారు. నిరుద్యోగులకు విదేశాల నుంచి కూడా ఆఫర్లు అందుతాయి.

కుంభం (ధనిష్ట 3,4, శతభిషం, పూర్వాభాద్ర 1,2,3)

ఉద్యోగ జీవితం అనుకూలంగా గడిచిపోతుంది. అనుకున్న పనులు అనుకున్నట్టు జరిగిపోతాయి. వృత్తి, వ్యాపారాల్లో సొంత నిర్ణయాలు కలిసి వస్తాయి. ఆదాయం నిలకడగా ఉంటుంది. నిరుద్యోగులకు ఆశించిన ఆఫర్ అందే అవకాశం ఉంది. పెళ్లి ప్రయత్నాలకు సానుకూల స్పందన లభిస్తుంది. ప్రతి పనిలోనూ కొద్దిపాటి వ్యయ ప్రయాసలు, శ్రమ తప్పకపోవచ్చు. కుటుంబ జీవితం సాఫీగా సాగిపోతుంది. వ్యక్తిగత సమస్యలు తగ్గుముఖం పడతాయి. ఆరోగ్యం బాగానే ఉంటుంది.

మీనం (పూర్వాభాద్ర 4, ఉత్తరాభాద్ర, రేవతి)

వృత్తి, ఉద్యోగాల్లో మీ ప్రతిభా పాటవాలు వెలుగులోకి వస్తాయి. అధికారులు మీ పని తీరుతో సంతృప్తి చెందుతారు. వ్యాపారాల్లో లాభాలు నిలకడగా ముందుకు సాగుతాయి. ఆర్థిక పరిస్థితి ఇతరులకు సహాయం చేయగల స్థితిలో ఉంటుంది. పిల్లలు వృద్ధిలోకి వస్తారు. ఉద్యోగ, పెళ్లి ప్రయత్నాల్లో శుభ వార్తలు వింటారు. ఆర్థిక సమస్యలు తగ్గుముఖం పడతాయి. ఒకరిద్దరు మిత్రులను ఆర్థికంగా ఆదుకుంటారు. ఆరోగ్యం బాగానే ఉంటుంది. ధనపరంగా ఎవరికీ వాగ్దానాలు చేయవద్దు.