అప్పుడు మీరేం చేశారు.. ఇదే సాక్ష్యం : వైఎస్ఆర్ సీపీ

ఆంధ్రప్రదేశ్ లో అంతర్వేది రథం దగ్ధం ఘటన సంచలనంగా మారిన నేపథ్యంలో అధికార వైసీపీ, టీడీపీ మధ్య ఈ అంశం మరింత అగ్గి రాజేస్తోంది. ఇప్పటికే టీడీపీ నేతలు భారీ స్థాయిలో జగన్ సర్కారుపై విమర్శలు గుప్పిస్తుండగా, అధికారపక్ష నేతలు కూడా తమ వంతుగా కౌంటర్ అటాక్ కు దిగుతున్నారు. ఇప్పుడు వైఎస్ఆర్ కాంగ్రెస్ పార్టీ ఈ అంశాన్ని తీవ్రంగా ఖండిస్తూ ఒక వీడియోని ముందుకు తీసుకువచ్చింది. గతంలో టీడీపీ పాలనలో ఓ రథం దగ్ధమైతే ఏంచేశారంటూ ప్రశ్నించింది. టీడీపీ పాలనలో 2017 అక్టోబరు 19న సాయంత్రం 5 గంటలకు పశ్చిమ గోదావరి జిల్లా కె.పెంటపాడు గ్రామంలో ఉన్న శ్రీ గోపాలస్వామి ఆలయంలో రథం దగ్ధమైందని వీడియో.. వివరాలు సహా వైసీపీ బయటపెట్టింది.ఆ ఘటన జరిగిన రోజున సీసీ కెమెరాలు పనిచేయలేదని, ఘటనపై సీబీఐ విచారణ కోరలేదని, ఈవోని సస్పెండ్ చేయలేదని, కొత్త రథానికి ఒక్క రూపాయి కేటాయించలేదని వైసీపీ ట్విట్టర్ లో విమర్శించింది.

టీడీపీ పాలనలో.. 19/10/2017 సాయంత్రం 5 గంట‌ల ప్రాంతంలో ప‌.గో జిల్లా,కె.పెంట‌పాడు గ్రామంలోని శ్రీ గోపాల‌స్వామి ఆల‌యంలో చారిత్ర‌క దివ్య ర‌థం ద‌గ్ధ‌మైంది.

ఆ రోజు.. సీసీ కెమెరాలు ప‌నిచేయ‌లేదు. సీబీఐ విచార‌ణ కోర‌లేదు ఈవోని స‌స్పెండ్ చేయ‌లేదు కొత్త ర‌థానికి ఒక్క రూపాయి కేటాయించ‌లేదు. pic.twitter.com/WT3xnP8vee

— YSR Congress Party (@YSRCParty) September 12, 2020