ఏపీని వణికిస్తున్న ఒమిక్రాన్ RF.5 వేరియంట్..!19పాజిటివ్ కేసులు..ఆరోగ్య శాఖ స్పష్టత
రాష్ట్రంలో కోవిడ్ ఒమిక్రాన్ RF.5 వేరియంట్ కేసులు వెలుగుచూస్తున్న నేపథ్యంలో ప్రజల్లో తలెత్తుతున్న అనుమానాలపై ఆరోగ్య శాఖ అధికారులు స్పష్టతనిచ్చారు. ఈ వేరియంట్ పట్ల ఎవరూ భయాందోళనకు గురికావాల్సిన అవసరం లేదని, పరిస్థితులు పూర్తిగా అదుపులోనే ఉన్నాయని వెల్లడించారు. మాన్యువల్ సమీక్షలు మరియు జూమ్ మీటింగ్ల ద్వారా రాష్ట్ర పరిస్థితిని నిరంతరం పర్యవేక్షిస్తున్నట్లు అధికారులు తెలిపారు. నిరంతర సమీక్షలు, ప్రస్తుత కేసుల వివరాల్లోకి వెళితే..
Updated on: Jul 21, 2026 | 9:39 PM
రాష్ట్రంలో కోవిడ్ ఒమిక్రాన్ RF.5 వేరియంట్ కేసులు వెలుగుచూస్తున్న నేపథ్యంలో ప్రజల్లో తలెత్తుతున్న అనుమానాలపై ఆరోగ్య శాఖ అధికారులు స్పష్టతనిచ్చారు. ఈ వేరియంట్ పట్ల ఎవరూ భయాందోళనకు గురికావాల్సిన అవసరం లేదని, పరిస్థితులు పూర్తిగా అదుపులోనే ఉన్నాయని వెల్లడించారు. మాన్యువల్ సమీక్షలు మరియు జూమ్ మీటింగ్ల ద్వారా రాష్ట్ర పరిస్థితిని నిరంతరం పర్యవేక్షిస్తున్నట్లు అధికారులు తెలిపారు. నిరంతర సమీక్షలు, ప్రస్తుత కేసుల వివరాల్లోకి వెళితే..
రాష్ట్రంలో ఒమిక్రాన్ RF.5 వేరియంట్ విస్తరణపై ప్రజలు ఎలాంటి భయాందోళనలు చెందాల్సిన అవసరం లేదని ఆరోగ్య శాఖ అధికారులు స్పష్టం చేశారు. ఆరోగ్య శాఖ మంత్రి, సెక్రెటరీ వీరపాండ్యాన్ ఆదేశాల మేరకు నిత్యం జూమ్ సమావేశాల ద్వారా ఆసుపత్రుల సూపరింటెండెంట్లతో సమీక్షిస్తున్నట్లు తెలిపారు. ప్రస్తుతం రాష్ట్రవ్యాప్తంగా కేవలం 19 కేసులు మాత్రమే నమోదయ్యాయని వెల్లడించారు. రాష్ట్ర ఆరోగ్య శాఖ మంత్రి, ఆరోగ్య శాఖ కార్యదర్శి (సెక్రెటరీ) వీరపాండ్యాన్ ప్రత్యక్ష సూచనల మేరకు ఆరోగ్య శాఖ ఉన్నతాధికారులు నిత్యం అప్రమత్తంగా వ్యవహరిస్తున్నారు.
రోజువారీ కేసుల స్థితిగతులపై అన్ని ప్రభుత్వ, ప్రధాన ఆసుపత్రుల సూపరింటెండెంట్లతో జూమ్ మీటింగ్లు నిర్వహిస్తూ వివరాలు సేకరిస్తున్నారు. ప్రస్తుతం రాష్ట్రవ్యాప్తంగా మొత్తం 19 ఒమిక్రాన్ RF.5 కేసులు మాత్రమే నమోదయ్యాయని అధికారులు స్పష్టం చేశారు. ఇటీవల మరణించిన నలుగురు వ్యక్తులు కోవిడ్ తీవ్రత వల్ల కాకుండా, ముందే ఉన్న ఇతర తీవ్రమైన దీర్ఘకాలిక అనారోగ్య సమస్యల కారణంగానే మరణించారని వివరించారు.
ఒమిక్రాన్ RF.5 తీవ్రత ఎంత?:
వైద్య నిపుణుల విశ్లేషణ ప్రకారం ఒమిక్రాన్ RF.5 వేరియంట్ ప్రమాదకరమైనది కాదు. ఇది చాలా వీక్ వేరియంట్. గతంలో తీవ్ర భయాందోళనలు సృష్టించిన కోవిడ్ అలల నాటి పరిస్థితులు ప్రస్తుతం లేవు. పాజిటివ్ వచ్చినవారు ఆసుపత్రుల్లో చేరాల్సిన అవసరం లేకుండా, వైద్యుల సలహాలు పాటిస్తూ ఇంట్లోనే హోమ్ ఐసోలేషన్లో ఉంటూ సాధారణ చికిత్సతో నయం చేసుకోవచ్చు. బాధితులకు రెమ్డెసివిర్ వంటి తీవ్రమైన మందులు లేదా ఇంజెక్షన్లు ఇవ్వాల్సిన పరిస్థితి ఎవరికీ రాలేదని, సాధారణ మెడిసిన్తోనే వైరస్ తగ్గుముఖం పడుతోందని తెలిపారు. బాధితుల బంధువులకు పరీక్షలు నిర్వహిస్తే అందరికీ నెగెటివ్ వస్తోందని, కాబట్టి తీవ్ర సంక్రమణ శక్తి దీనికి లేదని స్పష్టమవుతోంది.
ఇది కేవలం సీజనల్ గా వచ్చే సాధారణ వేరియంట్ మాత్రమేనని, ప్రభుత్వం అన్ని రకాల ముందస్తు చర్యలు, ఆసుపత్రుల్లో సౌకర్యాలను సిద్ధం చేసిందని అధికారులు చెప్పారు. దగ్గు, జలుబు, జ్వరం వంటి లక్షణాలు ఉన్నవారు అలసత్వం వహించకుండా వెంటనే కోవిడ్ నిర్ధారణ పరీక్షలు చేయించుకోవాలని సూచించారు. సరైన జాగ్రత్తలు పాటిస్తే ఈ వేరియంట్ను సింపుల్గా అధిగమించవచ్చని, కాబట్టి ప్రజలు ఎలాంటి అపోహలకు లోనుకాకూడదని ఆరోగ్య శాఖ కోరింది.
