AP News: చంద్రబాబు పర్యటనలో పడ‌వ ప్రమాదం.. న‌దిలో పడిపోయిన న‌లుగురు కీలక నేత‌లు
మానేపల్లి వరదల సమయంలో చనిపోయిన మృతుల కుటుంబాలను పరామర్శించేందుకు వెళుతుండగా ఘటన చోటు చేసుకుంది. ప‌శ్చిమ గోదావ‌రి జిల్లా సోంపల్లి వ‌ద్ద చోటుచేసుకున్న ఈ ప్ర‌మాదంలో
Updated on: Jul 21, 2022 | 7:12 PM
టిడిపి అధినేత చంద్రబాబు నాయుడు పర్యటనలో అపశృతి చోటు చేసుకుంది. టీడీపీ అధినేత చంద్రబాబు కోనసీమ జిల్లా పర్యటనలో పెను ప్రమాదం నుంచి తృటిలో తప్పించుకుని బయటపడ్డారు. రాజోలు మండలం సోంపల్లి రేవులో లాంచీ దిగుతుండగా నీటిలో అకస్మత్తుగా అందరూ నీటిలో పడిపోయారు. ప్రమాద సమయంలో లాంచీలో చంద్రబాబు సహా 15 మంది ఉన్నారు. మాజీ మంత్రి దేవినేని ఉమా, పలువురు మాజీ ఎమ్మెల్యేలు, పోలీసు అధికారులు సహా అందరూ నీటిలో తడిసి ముద్దాయ్యారు. కానీ, పెను ప్రమాదం నుంచి అందరూ సురక్షితంగా బయటపడ్డారు.
మానేపల్లి వరదల సమయంలో చనిపోయిన మృతుల కుటుంబాలను పరామర్శించేందుకు వెళుతుండగా ఘటన చోటు చేసుకుంది. ప‌శ్చిమ గోదావ‌రి జిల్లా సోంపల్లి వ‌ద్ద చోటుచేసుకున్న ఈ ప్ర‌మాదంలో టీడీపీ సీనియ‌ర్ నేత దేవినేని ఉమామ‌హేశ్వ‌ర‌రావు, ఉండి ఎమ్మెల్యే రామ‌రాజు, త‌ణుకు మాజీ ఎమ్మెల్యే రాధాకృష్ణ‌తో పాటు పార్టీకి చెందిన మ‌రో నేత స‌త్య‌నారాయ‌ణ గోదావ‌రి న‌దిలో పడిపోయారు. అయితే చంద్రబాబు ఎలాంటి ప్రమాదానికి గురి కాలేదు. దీంతో పార్టీ శ్రేణులు ఊపిరి పీల్చుకున్నాయి.
ఈ ప్ర‌మాదంపై త‌క్ష‌ణ‌మే స్పందించిన మత్స్యకారులు టీడీపీ నేత‌ల‌ను న‌దిలో నుంచి సురక్షితంగా ఒడ్డుకు చేర్చారు. చంద్రబాబు పర్యటనలో భాగంగా సోంపల్లి చేరుకున్న సంద‌ర్భంగా టీడీపీ నేత‌లు ప్ర‌యాణిస్తున్న రెండు ప‌డ‌వ‌లు ప‌ర‌స్ప‌రం ఢీకొన్నాయి. దీంతో ఓ వైపున‌కు ఒరిగిపోయిన ప‌డ‌వ‌లో ఉన్న టీడీపీ నేత‌లు గోదావ‌రిలో పడిపోయారు. అయితే మత్స్యకారులు వేగంగా స్పందించ‌డంతో ఎవ‌రికీ ఏమీ కాక‌పోవ‌డంతో అంతా ఊపిరి పీల్చుకున్నారు. న‌దిలో ప‌డిన టీడీపీ నేత‌ల‌ను మత్స్యకారులు బ‌య‌ట‌కు తీసుకువ‌స్తున్న దృశ్యాలు సోషల్ మీడియాలో చేరి హల్‌చల్‌ చేస్తున్నాయి.
మరిన్ని ఏపీ వార్తల కోసం ఇక్కడ క్లిక్ చేయండి
